السلام عليكم والرحمه
مع بدايه عام 2014 صارت لي مشكله
بدايه مبشره هههههههههههه
المهم اليوم الصباح كاي يوم عادي وانا متوجه للدوام شغلت السياره
وبتوكل على الله وفي نص الطريق وقفت شوي اخذ غرض وطفيتها ورجعت شغلتعا ودعست الكلتش وعشقت اول رفعت رجلي وما صار شي !!!
السياره كانها على فاضي ما تمشي رفعت رجلي من الكلتش وعشقت القير
وتفاجأت القير يعشق بدون كلتش والسياره شغاله كل النمر تعشق وهي واقفه
طفيت السياره وحطيتها باول وشغلتها بدون كلتش علشان تنتع ما صار شي
اشتغلت عادي جداً كانها بفاضي بدايه الصداع واللفلفه في الصناعيه
حاولت مره اخيره ظغطت كلتش وعشقتهااول ورفعت رجلي بقوه من الكلتش فراحت تمشي شويه شويه على سرعه 20 تقريبا ومهما ظغطت بنزين يرتفع الريس والسرعه ثابته لين وقفت حاولت اعيدها ما ظبطت معي وصارت واقفه
معلومات قد تفيدكم بالتحقيق << ههههه
السياره مغير مكينتها من 6 شهور تقريبا وقالي وهو يغيرها السياره تحتاج دسك كلتش قلت له اوكيه وقالي القير ما فيه نقطه زيت كيف ماشيه قلت له بالبركه انت عبها وما عليك ههههه
السياره من فتره قامت تطلع ريحه قويه زي احتراق بعد ما رحت للبر شوي ولما دعست عليها بقوه على بالي كذا بتروح الريحه لقيت الريحه زادت واستوعاب السياره ابطأ يعني اغط بنزين بقوه يقعد يرتفع الريس والتسارع بطيئ مع العلم اني دبلت كلتش لها كثير حتى بالبر رحت لمكانيكي قالي غير علبه الكلتش الي فوق غيرتها امس مع الزيت واليوم صارت المشكله مع العلم اني شديت عليها كثير وانا رايح وكنت ما ارفع رجلي بالكامل من على الكلتش حتى تسرع لاني متاخر
افيدونا جزاكم الله خير وين المشكل وبكم القطع تقريبا وكم بتاخذ شغل يد لاني محتاجها ظروري
كامري 99 قير عايدي ( 4 سرندل )
