اوريون 2011 القير مايعق بالثالث شكله ودع وش الحل ؟

المستجدات بعد رفع تقرير للداتا

ردت الإدارة وقالت للوكالة فكوا القير وعطونا تقرير بالمشكله

المهندس يقول الله يعين يبيلك تصبر عندنا زحمة جدا تقريبا 10 أيام

السؤال هل هو يقين من الوكالة بتحملهم المشكلة ؟

هذي المشكلة يوم يظيع حقك او تتوه بسبب جهل موضف
يعني لو ماجاك الموضف الثاني كان ضاع حقك
اتوقع راح يرفعو الموضوع للأدارة ويشوفون الرد
اما تصليحها على الضمان او ؟؟
الله يقدملك مافيه خير لك

رحت الوكاله وطلعت بالتالي
الورقة اللي يتوقع عليها هذه يعطونها اللي سياراتهم خرجت من الضمان يعني اللي ماشية فوق 100000
الوكاله غيروا الزيت والفلتر ومانزلوا او عبثوا بالقير والسياره كانت طبيعيه لمده شهر ونص وعلى كلام الموظف ماله علاقه بالضمان حق الصيانه لأن الضمان يشمل القطع اللي ركبوها لو كان فيها خلل

وش اللي صار
الحقيقه اني يأست وكنت بمشي وفجأة سبحان الله جاء موظف ثاني وجلس جنبه يتناقش وقاله هو مسوي كل الصيانات بالوكاله ؟ فتح النظام وشيك وفعلا انا مسوي كل الصيانات بالوكاله
اسمه يقوله تعاون وياه ارفع للداتا وقولهم ان الرجال منتظم بالصيانه وبعد اخر صيانه طلع ومشت السياره 3000 وخبط القير لعل وعسى
والحمد لله تمت الأمور ودخلوا السياره

انا ما ادري هل فعلا هو تعاون وهذا اللي اراه صح ام هو واجب والمفروض الوكاله تسويه

بنتظر يومين على كلام المهندس وبراجعهم واشوف وش يصير
الله يسهلها

إخلاء مسؤولية من ماذا؟! إذًا إما سلعتهم ردئية و يعرفون قصر عمرها , و إما لا توجد خبرة في الصيانة , و إما تفلت من المسؤولية بأي طريقة.
كلام غير منطقي من الوكالة. كان من الممكن فحص حالة احتراق الزيت و بعدها يكونو متأكدين و ليس جعل المسؤولية على العميل.

انت بنفسك شوف لون الزيت و مدى فقادنه للزوجته. إذا سليم و لزج فالإشكال ليس من الكلتشات , و إنما جزء آخر مثل الفلتر أو حساسات القير أو البلف بدي.

* للمعلومية: البلف بدي فيه مشكلة مصنعية في الأوريون و الأفالون من موديل 2011 و طالع .. حسب إفادة ملاك تويوتا في منتداهم في موضوع مثبت. و أنا لست مجرب بل ناقل معلومة. و الله أعلم بصحة هذا العيب المصنعي. حتى أنهم اشتكو للشركة الأم و لم يجدوا جواب.



زيوت القيرات الحديثة يصل عمرها إلى 100 ألف كم. و هذا في تويوتا و كل السيارات من 2007 تقريبًا و فوق. و بعضها من 2004 .

تغيير زيت القير بعد قطع هذه المسافه خطأ كبير والوكاله تعرف هذه الاضرار لذلك تقوم بتوقيع إخلاء المسؤوليه
للمحافظه على القير الافضل تغيير الزيت كل 60 ألف
في مثل حالتك المفترض تبديل الزيت بالتدرج أي إضافة لتر زيت كل فتره حتي يتم التبديل بالكامل

اخوي صحيح مالهم حق واتوقع ان الموظف ماخلاني اوقع لان فيه احد اشتكى وبطلوا هالحركة لأن السياره يفترض يبقى القير مضمون طول فترة 100000 واذا عملوا هالحركة معناها اعتراف صريح بوجود مشكله بالقير

اخوي عدم توقيعك لهذي الورقة يدينهم فهذا الشي من صالحك ﻻن حجتك راح عدم ذكر الموضف لك عن اﻻضرار المترتبه في وقت تغير الزيت وبعدين انا مستغرب ليش ﻻزم يوقعونك ورقة اخلاء مسؤلية الشركة اذا كان وقت تغير الزيت مناسب وما تأخرت في تغيره

السلام عليكم ورحمة الله وبركاته

وديت السياره للوكالة اليوم الصباح وسألت عن المهندس اللي عملي الصيانه وقالوا لي اجازه اليوم. و رحت لمهندس اخر وشرحت له المشكله و قالي: أنت ما وقعت على ورقة إخلاء مسؤولية الوكالة بعد تغيير زيت القير و الفلتر بعد 80000 الف كم؟ قلت: لا ما وقعت الا على ورقت تسليم السياره للصيانة. قال: اجل انتظر المهندس اللي عملها لك لين يجي بكره إن شاء الله

اذا ماعدت 6 اشهر فسيده على الوكالة وشوف وش رأيهم
لان ظمانهم في طريقة الأصلاح والقطع
واذا كان تقريرهم ان العطل ماله دخل في الصيانه الي سويتها عندهم
شوف اي ورشة محترمه وسوي فحص عندهم
يمكن الزيت وقت التغير زايد او اي سبب اخر
لآجل تقديم شكوى لوزارة التجارة

ما ازيد على كلام الشباب انك لازم ما توقف عند ورشه وحده وتاخذ على كلامه لاني جربتها وندمت وخسرت 6 الاف على قله سنع

لاكن بما انه ما مشيت 15 الف من اخر فحص لها ولا مر 6 اشهر انصحك تتوجه هناك بدون ما تلمس السياره يد ورش ولا تتعامل الابالصراخ لانهم هناك مخهم مجيم ههههه وقلهم من اخر فحص وهي بدت تتغير

اخواني الله يعطيكم العافية انا عملت صيانة شامله بالوكالة والسياره كانت ماشية تقريبا 99000 وكلفتني 3300 ريال وهذا الكلام قبل شهر تقريبا وغيروا زيت القير والفلتر

مكتوب خلف الفاتورة ان الاصلاحات اللتي تتم مضمونة ضد اي عيوب في الإصلاح او اي عيوب في قطع الغيار لمدة 15000 او 6 اسهر ايهما يأتي اولا من تاريخ اصدار الفاتورة

السؤال هل هذا يدين الوكالة ؟

لاحول ولا قوة إلا بالله نبي نرجع للسيارات القديمه نرقع فيها افضل لنا سيارات اليوم تنتهي مجرد ماينتهي الضمان اما السيارات القديمه تنتهي الشركه نفسها وهي تكد الخطوط .قبل اسبوع كنت بوكالة هيونداي قطع الغيار حصلت واحد يشتري قطع توضيب لسيارته الانترا 2013 والله هذا اللي قالي يقول المسافه اللي قطعتها 170 ألف كلم وفجأه تغير لون الزيت للسواد وخبطت وكل شي غيرته خرط وتغيير كل ما في بطنها وكلفتني للأن 8000 ريال سألته يمكن ماتحرص على صيانتها قال اغير الزيت في وقته مع السيفون يقول اشري 5 او 6 سيفونات مره وحده واحطهن بالسياره وكل تغيير للزيت نوع اكسترا 10w30 اللي توصي به الوكاله اغيره مع السيفون لكن هذا اللي حصل.

مادري وش المشكله رداءة بدي ومحركات وغلاء اسعار وتعقيدات .

لكن انت لاتعجل عليها ممكن تمر اكثر من ورشه ,هل غيرت زيت القير قبل كذا؟

السلام عليكم كلام لاخوان صحيح اعتقد يمكن صيانت المشكله بدون استبدال القير ربما تغيير الفلتر والزيت يحل المشكله الله يعينك

يالغالي افحص حساسات السرعة في القير
انا ماعندي خلفية عن تعشقات قير الاوريون
ولاكن مثلآ واتوقع يعشق في الستين على الثاني او الثالث
فأنت افحص حساس السرعة الثانية او الثالث
على حسب تعشقات القير
وبالتوفيق
والله اعلم