ايش الافضل افلون لميمتد 13 او لكزس es250 13

يا غالي لهم أسبابهم

لكزس أهم شي عندها الاعتمادية ، كما تلاحظ التقارير السنوية لأقل علامة تجارية أعطالا بالعالم هي اللكزس

التيربو معروف يقصر عمر المحرك و يزيد أعطاله ، و هو السبب الرئيسي اللي خلّا لكزس تتجنبه حتى على سياراتها عالية الأداء يعني ( LFA - IS F - RC F ) كلها تنفس طبيعي

لكن مع التوجه الحالي باستخدام محركات أصغر بسبب صرفية البنزين ، معد فيه مجال يتجنبوه أكثر من كذا ، الآن لكزس دشنت محرك 4 سلندر 2 لتر تيربو في معرض طوكيو الدولي العام الماضي على سيارة تجريبية و هي LF-NX ، و لا زالت تبغى تختبره أكثر لتضمن انه يكون اعتمادي و قليل الأعطال ، علما أنها ما أعلنت عن أرقام أدائه حتى الآن .


شكرا لك .. :xyxthumbs:

السيارات الاوروبية ذات الاربع اسطوانات تتميز عن السيارات الاسيوية والامريكية بشكل عام بالشاحن التوربيني ..

ولاعلم الحقيقة لماذا لاتقوم تلك السيارات الغير اوروبية بتزويد سياراتها على الاقل فئة الفل كامل منها بشواحن توربينية !!

وحتى السيارات الفاخرة اليابانية لكزس وانفنيتي لاتقوم بتفعيل تلك الشواحن .. والتيربو بشكل عام مفيد للمحركات الصغيرة في العزم حتى ولو بشكل نسبي ,,

بعد التجربة لكزس es250

الله يجزاكم خير .. توكلت على الله واخذت افلون وعربت فيها والله يبارك لي فيها ... مع ان زميل لي كانت عنده افلون 2012 وباعها سئلته اليوم ليش بعتها قال ذبحني العكوس كل ماخذت مطب قوي انكسرت ... الله يستر ... كانت معاي كامري 2002 رقيت فيها بلاكات ماقالت شي ... ان شاء الله يطلع كلامه مب صحيح ... والحمد لله على الصحة والعافيه ... والله يعوضني خير .. تحياتي لكم ..

إن كان إستخدامك داخل المدينه فـ خذ لكزس و إن كنت صاحب خطوط طويله فـ توكل على الله و خذ أفالون ليمتد رغم أنه إمكاناتها مميزه
لكن
بصفه عامه أشوف الأفضل تصبر و تضيف على مبلغك الحالي و تأخذ لكزس cc مواصفات رائعه أو تنتظر نزول الجينسيس الجديده 2015 رغم أنه أتوقع راح تنزل متأخره

انا مع افلون ليمتد بشرط مواصفات غير ابو جميل
واذ انت من النوع ماتدعس وهادي وماتهمك القوة خذ ال es250

اذا ما بتوسع قاعدة اختياراتك مثل التوريس والكرايسلر اشوف الافالون اصرف

واللي هنا بعد
سواء الفئة الصغيرة C200 و320 أو حتى اللي أكبر منها E200 و 520 و A6 2.0

اللي أقصده انه ما يعيب السيارة انها 4 سلندر
زميلي معه GS350 جرب الـES250 يقول مافي ذاك الفرق بالعكس المحرك نشط ومتجاوب
وفي الأخير هي مسألة نسبية تختلف من شخص لآخر لأن كل شخص له اسلوبه في القيادة

اللي نشوفها بالشوارع هنا ولا في اوروبا ؟؟

اذا في اوروبا اتفق معك 100%

وسع خياراتك خصوصا ان المبلغ كبير واذا اخترت اما الافالون او اللكزس فالاخيرة بكل تاكيد افضل

اذا اللكزس من فئة cc وفوق انصحك فيها لان مميزاتها مش بطاله
اما اذا انت راعي خطوط فخذ الافالون

خل عنك سالفة 4 سلندر و 6 سلندر
ثلاث ارباع السيارات الألمانية اللي تشوفها في الشوارع 4 سلندر

جرب اللكزس واذا اقتنعت باداء محركها توكل على الله وخذها
يكفيك فرق الجودة والمواد المستخدمة في اللكزس أفضل بكثير من التويوتا

الأفالون لو فيه شي يميزها هي تكلفة صيانتها بتكون أقل عليك
وقطعها أكيد أرخص

موفق

بصراحة قهر تدفع قيمة سيارة بسعر 169 الف وفي النهاية دفع امامي حالها حال الكامري "عكوس وقلق" ..

بسعرها اخذ dodge charger SRT8 عزم جبار وحجم كبير ودفع خلفي ..

ياخي انا محتار مثلك في افالون او كابرس 2013
الكابرس 8 سلندر دفع خلفي يميزها قوة المكينه والوسع والراحه والرساوه
يعيبها شكلها له حوالي 7 سنوات .. نسمع عن اعطالها كثير ...يطيح سعره.
,,,,,,,,,,,,,
اما الافالون شكلها الخارجي ما عجبني .... عزلها ورساوتها ماهو ذاك الحد ... تعتبر قاسيه جدا مقارنه بالكابرس ... اجمع اغلب الاعضاء بمنتدى تايوتا بوجود رجه على سرعة 130 خصوصا عند دعس الفرامل! ... فيها بعض المشاكل من ناحية ديكور السياره مثل السقف - ديكورالكراسي ......
ولاكن السياره يميزها انها تمسك سعرها مقارنه بالكابرس .
انصحك اذا بتاخذ افالون انتظر 2014
اما اذا نويت لكزس بتدفع 146 الف زودها 23 الف
وخذ لكزس cc350 خليجي 169 فيها مواصفات خورافيه ناهيك عن v6
سياره جباره جباره بمعنى الكلمه لك ولزمن واذا بتبيع تجيبلك قيمه حتى لو بعتها بعد كم سنه .
........
ياخي انا نفسي ادخل مخ اي واحد يدفع 150 الف على افالون اليمتد بشاشه
ياخي دفها وخذ لكزس cc350 .... يكفيك الشعار .. ماهو شعار الكرلا

أفالون ليميتد بشاشة ملاحة افضل من ال ٤ سلندر