القراندي اللي هو الشاص الطويل على قولتك.
ما ادري اذا فيه فروقات أخرى غير طول الشاص.
اعلان الوعلان توني ملاحظ انه تخفيض بمناسبة مهرجان الجنادرية. يعني ماهو السعر الأصلي.
الظاهر الناغي ما يعترف بالتخفيضات الا آخر السنة.
اذا اشتريتوا من المعارض، اتاكدوا انها سعودية. و اظن كلهم وارد الوكلاء السعوديين الا في ما ندر.
علشان تتأكدي، تسألي عن الضمان، مثلا: وارد أي وكيل؟ وهل الضمان ساري مفعوله في السعودية؟
اذا كانت وارد أي واحد من الوكلاء الثلاثة في السعودية (الناغي، الوعلان والمجدوعي) فأعتقد ان ضمانك ساري المفعول في المملكة كلها.
على خبري، اظن في المعارض ممكن تحصلونها أرخص بحوالي 5 الآف. لكن مدري عن سلبيات و ايجابيات المعارض الصراحة.
ممكن الأخوان يدلوا بدلوهم لإثراء الموضوع افضل مني.
والله يعطيكم خيرها ويكفيكم شرها مقدما.
اخوي مافي فرق بين المعارض و الوكاله ابدا في السيارات الهونداي اما لو تتكلم عن جينيسس و السنتنيال
بالنسبه للسنتافي مايفرق شي ولا يهم الوكيل منهو لكن الاهم تكون السياره سعوديه عشان المواصفات
و ضمان هونداي شامل جميع الورش الصيانه بغض النظر عن الوكيل منهو
يعني مثلا انا سيارتي المجدوعي و رحت للرياض و حبيت اسوي صيانه للسياره عادي ادخلها عند الوعلان او الناغي و يسوي لها الصيانه و ادفع الحساب و يختم في دفتر الضمان بشكل طبيعي جدا
لما كنت ادور سنتافي فل قصير حصلته في المعارض ب 117 -118 فل كامل طبعا
اما الفروق بين الجراند شاصي الطويل
و السبورت الشاصي القصير هو فقط في الطول فرق 30سم تقريبا ( على كلام الموظف)
و يفرق في اللمبات الخلفيه و شكل الجنط و لمبات الضباب في الصدام الامامي فقط هذا الي لاحظته
اما المحركات و المواصفات الداخليه نفسها
من الاخر
اذا عزمت على السنتافي مر المعارض و اخذها من وكيل معتمد طبيعي يكون ارخص لانه مصرف للوكاله
كذا راح تستفيد من المبلغ المتبقي مثلا بتعديل على السياره مثل تركيب العازل و التظليل
اسف على الاطاله و بالتوفيق
