ناوي ع التشالنجر و عندي استفسار

وعليكم السلام والرحمة , حياك ياغالي ..

التشالنجر موتر بططل , ولكن ما انصحك بالسته ابد , ياتاخد تشالنجر ثمانية سلندر ( RT ) ولا انصحك بتشارجر السته افضل من وجهة نظري .

نجي لسالفة الوكالة /
الوكالة طال عمرك من تجربة وامتلاك لكرايسلر 2013 , ماقد احتجناهم الا مرة وحدة الحمد لله , وماقصرو معنا خلصونا بنفس اليوم , الوكيل اشكاليته لو تبي شيء مثلا ممكن يعطونك موعد اذا جاء الموتر خلل لاسمح الله , وقطع الغيار ( الغير استهلاكية ) احيانا يطلبها لك اذا ماتوفرت لكن بشكل عام مثل ماذكرت انا , ماقد احتجتهم الا مرة وحدة الحمد لله إلى يومك هذا , مع العلم إن استخدامنا للموتر مو بذيك المحافظة يعني يجي عليه تدعيس وسرعة لكنه يتحمل ماشاء الله ..

اما بالنسبة لقطع الغيار الاستهلاكية فهي اكثر من ممتازة الاسعار بالنسبة للكرايسلر ( واتوقع ان قطع غيار الكرايسلر بتكون اغلى شوي من التشالنجر ) ..

وهذه [COLOR=darkslategray]قائمة [/COLOR]بالأسعار :-

فحمات أمامي 733 ريال
فحمات خلفي 646 ريال
مقصات أذرعة أمامي 414 ريال
سير 149 ريال
بواجي كامل 330 ريال

^
هذي تسعيرة الاسعار قبل مدة طويلة للكرايلسر واشوفها اكثر من ممتازة على اسم وفخامة ومواصفات السيارة !!

الزبدة ونصيحتي لك ياطويل العمر إذا بتاخذ السته ف انا اشوف التشارجر افضل , ولا يفرق بينهم بشيء الا الشكل والراحة اكيد بتكون للسيارة السيدان والمساحة الخلفية , وطبعا هم يتشاركون بنفس المواصفات والمميزات الخخ.

اتمنى اكون افدتك , وحاول تروح للوكالة وتجرب كل السيارتين وتطلب تجربة قيادة , وبعدها استخير وبالتوفيق ..