*افقدوني في مشكلة ارتفاع حراره فكتوريا عند السرعه الزائدة والمرتفعات

Abo Yazan200 @user_278110 · 10-07-2014

السلام عليكم
سيارتي فكتوريا موديل 2000العداد 220 الف كلم*امس الظهر في عز الحر كنت مسافر واذا وصلت سرعه 170 وفوق ترتفع الحراره شي بسيط جدا يمكن مقدار 1 ملي او 2مليواذا هديت الي سرعة 150 و اقل ترجع الحراره لوضعها الطبيعي
ترا مانيب راعي سرعه بس قلت اجرب*واذا جيت بطلع طلعة القديه وا جاي من المزاحميه او اي مرتفع طويل ترتفع الحراره قرابة 2 ملي عن الوضع الطبيعي هل لان الموتر يكون عليه ضغط العزم ولا ايش
بعد ماتخلص الطلعه او المرتفع ترجع الحراره لوضعها الطبيعي*علما انه في كل الحالاات ماتشتغل (ماتولع) لمبة تحذير ارتفاع الحرارة الي بالطبلون*علما ان موية الرديتر ولله الحمد ماتنقص ودائما اشيك عليها*والموية مغيرها موتوركرفت اصلي قبل حوالي 6 اشهر وكذلك بلف الحراره للوقاية*والخراطيش والمروحه وثلاجة المكينه كلها مغيرها وكالة من 6 اشهر*بالنسبة للتسييخ لم يسبق ان عملته*والموتر ولله ماترتفع حرارته لافي الزحمات ولا الوقفات ولا السفر*بس الي ذكرته في حالة السرعه الزايده و المرتفعاتافيدوني مشكورين من ايش المشكله لاتفاداها

أبو خالد الحربي @user_302128 · 23-07-2014

مشكلتك اتوقع من الريديتر سيخه وان ضبط ممتاز وان لا خذ لك واحد جديد وحاول يكون اصلي ترى كن واحد غير غير اصلي ونفس مشكلتك الين ماغيرو الاصلي

ينبعاووي @user_278239 · 19-07-2014

ردايتور وخراطيش تعمل هالمشكلة

fhad2007 @user_69277 · 18-07-2014

ا

الصـاعدي

يعطيك العافية معلومة جديدة اكتسبها من هذا الصرح الشامخ
:emot132:

الله يعافيك ... كلنا نستفيد من بعض:xyxwave:

الصـاعدي @user_292695 · 17-07-2014

f

fhad2007

الخرطوش الي يدخل المويه للمكينه من الاديتر وهو التي تحت لان الي الي يطلع منه المويه للاديتر ..
لفت انتباهي لما قلت ترتفع الحراره ع السرعات العاليه .... لان قوة سحب المويه تزيد من تحت وبالتالي قد يكون الخرطوش مهتري او يكون جداره ضعيف وبالتالي ينكمش او يلتوي من قوة السحب وبالتالي تضعف المويه الداخله للمكينه وترتفع الحراره ..

يعطيك العافية معلومة جديدة اكتسبها من هذا الصرح الشامخ
:emot132:

fhad2007 @user_69277 · 17-07-2014

مثل ما تفضل الاخوان حفظهم الله

وفيه شي اخر وهو الخرطوش الي يدخل المويه للمكينه من الاديتر وهو التي تحت لان الي الي يطلع منه المويه للاديتر ..
لفت انتباهي لما قلت ترتفع الحراره ع السرعات العاليه .... لان قوة سحب المويه تزيد من تحت وبالتالي قد يكون الخرطوش مهتري او يكون جداره ضعيف وبالتالي ينكمش او يلتوي من قوة السحب وبالتالي تضعف المويه الداخله للمكينه وترتفع الحراره ..
هالمشكله ما ينتبه لها كثير من الي يعانون من الحراره ويروح تعبهم وفلوسهم خساره في تصليحات مالها داعي ..
بس تسييخ وغير الخرطوش الي تحت في حالة انه تعبان وشيك بطريقك على بلف الحراره
وحط مويه عاديه لمدة يوم او يومين واذا الامور تمام فرغها وحط بدالها مويه تبريد الخاصه بفورد

الله يوفقك

ائتلاف @user_197363 · 16-07-2014

وعليكم السلام ورحمة الله ويركاته

الاديتر عندك بحاجه الى تسييخ ،

سبق صار لي نفس المشكله مجرد ما اتعدا ١٦٠ (للتجربه فقط)) ترتفع الحرار فوق النص ..

سيخت ب٧٠ وضبط الوضع ، ولله الحمد

معلومات عن التسيخ فك طبله واحده ولا تفك الجهتين
الفني لابد تكون يده خفيفه اثناء التسيخ واذا ما مشى معه السيخ يضع الاديتر في حوض الماء ويشيشه مره اخرى ..

اثنا تركيب الطبله لابد وضع سلكون الماني ومن ثم تثبيت الطبله ..

كذلك الفني الجيد يغيير القفزان وهي اللي تمسك الخراطيش .

وقبل هذا كله تأكد من شبك الاديتر الامامي لايكون ملي بالاوساخ

بالتوفيق.

altimaemh @user_282620 · 14-07-2014

وعليكم السلام وحياك الله اخوي المشكلة عندك من الرديتر حاول تسيخه واذا قبل كذا سيخته انا افضل انك تغير رديتر بواحد جديد ونصيحه اذا تبي تاخذ رديتر اردني او صيني والرديتر الي راكب في سيارتك اصلي حاول تركب طبات اصلي للرديتر الجديد ن طبات الصيني واردني ماتتحمل اي حرارة زائدة على طول تهرب بالتوفيق

altimaemh @user_282620 · 14-07-2014

وعليكم السلام وحياك الله اخوي المشكلة عندك من الرديتر حاول تسيخه واذا قبل كذا سيخته انا افضل انك تغير رديتر بواحد جديد ونصيحه اذا تبي تاخذ رديتر اردني او صيني والرديتر الي راكب في سيارتك اصلي حاول تركب طبات اﻻصلي للرديتر الجديد ﻻن طبات الصيني واﻻردني ماتتحمل اي حرارة زائدة على طول تهرب بالتوفيق

سليم سسليم @user_289350 · 10-07-2014

السلام عليكم اكيد الحراره سوف تزيد لان فصل الصيف حار احنا في ليبيا يوم امس واليوم حراره زائده بس لان الحمدلله برد الجو. تاكد من حراره الجو وادا عندك مشاوير تقدر تخليها في وقت يبرد فيه الجو حتى خمس درجات ايكون افضل . بعدين يخوي ربي يحفظك ادا بدك اتجرب السرعه يريت اتخليها في وقت مناسب ولو انه مافي وقت مناسب للسرعه لانها غلط من اساسه .لكن لا تنسى حرارت لاسفلت والسرعه 180 سوف تزيد سخونت لاطارات . ربي ميجيب سو . ادا امكن وفيه متسع وهناك محل جيد اتسيخ المبرد يبدو انه هناك بعض لانسداد .