لأصحاب الخبرة بكهرباء الكابرس 2008 LS V6

السلام عليكم ورحمة الله ..

أخواني الأعزاء عندي مشكلة ذبحتني بالكابرس 2008 LS V6

بالبداية بدأت تطلع علامة الـ Air-bag من دون ما يحصل اي صدمة للسيارة والأكيد انها من البرمجة
وبعدها بفترة بدأت تطلع عندي مشاكل داخلية بالكعرباء مثل .. ال CD-Player يعلق , لما انزل الدرايش
تقل قوة الأنوار الأمامية والداخلية للسيارة .. وبعدها بفترة بدأ صوت المروحة يرتفع مع تشغيل المكيف
وديتها ورشة قال لي طبيعي كل الكوابرس يصير فيها كذا بعد فترة !! مدري يطقطق والا صدق ..

بعدها بدأت تطلع لي بشاشة الطبلون علامة البطارية مع كلمة Alternator وقرأت عنها واللي عرفتها انه من الماطور .. واليوم اللي بعده طلعت رسالة ثانية بالطبلون Battery Power Save Mode-ON
وبعدها بفترة قصيرة طلع لي Service Charging System وبدأ يطفي المكيف وانا ماشي لما تطلع ها الرسالة .. وقريت عنها وطلع انه فيه خدمة في الكابرس تشحن بطارية السيارة اذا كان الـ Voltage او التيار حق السيارة زايد عن نسبة معينة ..

المهم الحين كنت ماشي بالسيارة وفجأة بدأت انوار السيارة تطفي وتشتغل وطلع لي بالشاشة بالطبلون ABS وبعدها طفت السيارة وطلع لي رسالة بشاشة المسجل يقول انه كل شي تقفل علشان الأمان security وبشاشة الطبلون يقول لي راجع الوكيل contact dealer المهم انا بدأت تقفل معي .. والسيارة مو على الضمان ..

قلت خلني ادخلها الوكالة المهم دخلتها وسويت فحص كهرباء وقال لي بعد الفحص البطارية لازم تتغير والاسلاك اللي معها وتوصيلاتها وقال كلها بـ 1800 قلت يالله خله ينضحك علينا بس يمكن تصيب ..

واليوم دق علي قال لي طلع عندك فوق الـ 10 مشكلات كهربائية بالسيارة واحتمال لو نصلحها وحدة وحدة رح تطلع عليك فوق الـ 22 ألف .. ويــــــــــــــــــــــــــن؟؟؟؟؟؟؟؟؟؟؟؟؟؟

يا شباب واضح انه مشاكل موتري كثيرة بس واضح النهب اللي قاعد يصير ..
اللي بيساعدني بنصيحة أو بورشة مضمونه .. او بخطوتي الجاية ايش ممكن أسوي
الله يكتب له الأجر يارب .. وهل ابيعها خلاص وهل بتجيب لي شي؟ وكم بتجيب تقريبا؟
مع العلم انها ما تشتغل الحين ..

بإنتظار اجاباتكم ..