هذي تجربتي لسياره لنكون mkx 2013 فل كامل
السياره كملت معي سنه ونص بعد ممشى 30 الف
سياره جميله وناعمه رغم انها جنط 20 ضمانها مميز 5 سنين او 200 الف وصيانه مجانيه 3 سنين
سافرت فيها 3 مرات مريحه جدا وعزلها ممتاز من اريح السيارات الي جربتها وصرفيه بنزين معتدله بالخط تمشي حوالي 600 كيلو والمدينه من 450 الى 500 محركها v6 3.7 305 hp قوي ونشيط جربتها بالبر مرتين م تصلح للطعوس القويه ابد للاسف حقت تندح وممشى على خفيف وسيعه من الداخل والحين نجي للسلبيات والايجابيات
السلبيات
1-ناقصها مواصفات مهمه تحصلها بسيارات اقل منها سعر مثل حساسات اماميه او كاميرا اماميه
2-تسفيط مرايات جانبيه
3-تحكم خلفي
4-مافيه نفيقيشن
5-نظام المحافظه على المسار
الايجابيات
راحه وعزل مميز
مواصفاته كثيره على سعره الرائع مثل نقطه عمياء وشنطه شفط وتبريد وتسخين المراتب الاماميه وتسخين الخلفيه وسفط مراتب الصف الثاني كهرب ونظام صوتي مميز THX 14 سماعه بقوه 700 واط والرادر هذا لو اتكلم فيه من الحين لبكره م اوفيه حقه اسرع رادر جربته حساسيه عاليه جدا انقذني اكثر من مره والسقف البانورامي ونظام SYNC اوامر صوتيه كثيره مثل اشغل واطفي المكيف والمسجل واتحكم ببروده المكيف واامره يقرا الرسائل ويتصل بفلان وميزتها تدعم العربي حتى تقدر تكتب رساله sms بنفس الشاشه كيبورد عربي وانوار زينون متكيفه وتشغيل عن بعد متكيف يعني وقت الحر يشغل مكيف ووقت البرد يخيرك مكيف حار او مايشغل شي والكنسول الي بالوسط كله تاتش حتى زياده مروحه المكيف وزياده مستوى الصوت تاتش
درجه اللون الجملي وتطريزها فخم جدا
نجي للمشاكل
1-فصالات الابواب تطلع صوت وببلغهم عنها باقرب صيانه
2-دخلته مره عشان كان فيه اصوات من السقف البانورامي وعدولها وللحين الحمدلله تمام
صور متفرقه للسياره ماشاء الله
