محتار بين Audi A8 و لا Genesis 2015 ميزانية 180 ألف

عزيزي رحال ..

الباسات الجديدة نزلت السعودية ؟

و CC متى ينزل الشكل الجديد ؟

انا قلت لك الغالي من قبل ان الفولكس واجن خيار طيب لكن انت اصريت على الأودي

والأودي معروفه بغلاء قطع غيارها عكس الفولكس واجن

والجينيسس هم خيار طيب

قرارك سليم

دائمه فكر بالعقل اكثر من القلب او العاطفه و لازم تتنازل عن بعض الامور

انا عارف شعورك لاني امر في نفس التجربه و بامكاني اشتري سياره المانيه الان لكن مصاريفها كثير و كل عطل ولو كان بسيط يكلفك الاف
غير المحلات الي برى الوكاله الي يشتغلون في الاماني استغلال بشكل مو طبيعي الا من رحم ربي

لكني صرفت النظر و التفاخر بماركه معينه و اتجهت الى سياره معروفه و جديده و قطعها متوفره في كل مكان و جميع الدرجات و لا تبهدلني لو اضطريت اروح ورشه لاصلاح حاجه مايقول مانعرف لها <<<< هذي من تجربه سابقه مريره مع سياره يبانيه كنت امتلكها

الجينيسس خيار ممتاز جدا وانا كنت ابشتريها و معجب فيها بشكل كبير لكن الي مانعني العائله و ان شاء الله امتلكها يوم من الايام بعد تجربتها جلست اهوجس فيها وفي نظري كل السيارات الي في السوق ماتتفوق عليها في المواصفات ولا في السعر ولا في الضمان

و عندك كيا كويريس الفل كذالك اكثر رسميه ممكن تقارنها مع بعض

و بالتوفيق ان شاء الله لاتنسى استخير و جرب السياره عشان تطمئن

تقران سيارتين ماتقارن في بعض
ومنزل الموضوع في قسم الالماني فصدقني اكثر الاصوات راح تروح ل الاودي

ولكن صدقني سماكو سيء في صيانته وتعامله واسعاره وبالاخص الاودي
اقولك هذا الكلام لني اعرف ناس امتلكو السياره

خل كل شي على جمب خذ هذي التجربه

شخص اعرفه شرى اودي ٨ واخذها مستعمل وفرحان فيها حيل
بعد فتره جاء يشغلها مافيه امل تشتغل وداها الوكاله وقالو مشكلتك سلف

السلف يحتاج تغيير قال كويس مشكله سلف بسيطه
قالو السلف قيمته ٥٠٠ ريال قالو حلو بسيطه

قالو بنشوف التكلفه لشغل اليد ونكلمك
اتصلو عليه وقالو بتكلفك ٢٥ الف تخيل !!!

والسبب يقولك يحتاجون فك المكينه عشان يوصلون للسلف

صاحب السياره صلحها وباعها مباشره

انت ميزانيتك محدوده فالواضح ان صرفيتك للسياره مستقبلا محدوده

وسياره زي هذي مايشتريها شخص الا وهو قادر يصرف عليها

فنصيحه اخ بعد عنها وخصوصا انها مستعمل

اذا تحب الالماني عندك سيارات كثير في حدود ميزانيتك خذها
واذا ماعجبتك توجه لسيارات ثانيه

كلنا تقريبا نقدر ناخذ سيارات فارهه لكن السوال كلنا نقدر نصارفها

نصحيه اخ عيد النظر في الموضوع والله يكتبلك الي فيه الخير

الجينيسس 6 سلندر فل كامل بشاشات خلفية افضل خيار
اذا تبي ترتاح من مشكلة الكفرات تأكد انها مو من دانلوب فقط

صدقني كل الي قالو لك تدفع هذا المبلغ في كوري هم مايعرفون شي عن الجينيسس او الكوري في هذا الوقت

اقترح عليك تمسك اقرب واحد لك من الي قالك هذا الكلام و طلع به للجينيسس و خذ تجربه راح يغير نظرته بشكل كبييير و اذا تبيه يسكت مره وحده خله يركب السنتنيال و يشوف الابداع كيف

ترى حتى الاماني يطيح سعره بشكل مجنون

هذا الاسبوع شفت مرسيدس E300 قمه في النظافه موديل 2012 ماشي 45 كلم سعودي
و الله الشريطيه يسومونه على 85 -90 ويمكن اقل و راعيه حاده ب 115 -110
و سعره في الوكاله كان 230 تقريبا

كل السيارات تنقص من قيمتها والي بيشتري يستخدم ماراح تفرق معه غير الي يشتري سنه سنتين و يبيع هذا خسارته كبيره او فلوسه واجد :c0214:

اخي حط في الحسبان تكاليف الصيانه و قطع غيار السياره \

من ناحيتي جينيسس ابداع و ضمان 5 او 7 سنوات مفتوح الكيلو و 100.000 كلم صيانه مجانيه
من ناحيه الكفرات اعتقد المشكله انحلت عند المجدوعي و تم تغيير الكفرات الي كانت فيها مشاكل

سياره جديده افضل من المستعمل

ما انصحك بالمستعمل خصوصاً اذا كان Audi

عندك الجينسس مواصفات وشكل وكل شيء، ولا يهمك انه صناعة كورية تراه بدى يسيطر على السوق وياخذ من حصة الياباني، مثل اول مانزل الياباني ايام زمان قبل لا ننولد ايام ما كان الأمريكي هو الطاغي ومحد توقع انه ينتشر اتوقع الكوري يلاقي نفس النجاح في المستقبل القريب

واللي بيسألني شلون عرفت المعلومة قبل لا انولد باقوله بطريقتي الخاصة :p

نصيحتي خلك في الجديد وإبعد عن المستعمل لأنه أي صوت بيوسوس لك

بـ 180 ألف عندك خيارات:
- كوريس فل
- جينيسيس فل V6
- ِAUDI A6
- BMW 528
- لكزس GS250 AA
- لكزس IS350 CC
- لكزس ES350 DD بريمي
- مرسيدس C200
- إنفينيتي Q60
- فولكس فاجن CC مع بكج صيانة مفتوح
- كرايسلر R/T

هذه فقط سيدان, وعندك خيارات كثيرة كروس أوفر وجيوب

إستخر والله يكتب لك إللي فيه الخير

الشباب ما قصروا

شخصياً عندي قناعة ان الجديد لذيذ

مهما كان نوع او فئة السيارة

بالنسبة لمشكلة التواير الحمدلله مافي حد اشتكى عندنا في البحرين

يا خوي كم عدد الناس إلي اشتكو من الكفرات ؟؟؟؟؟؟؟؟

ياخي فترة من الفترات طلعت لنا صورة او صورتين عن بورش محترقه بالكامل لكن ما تأثرت مبيعاتها والناس إلى الآن تشتري السيارة ومبسوطين فيها

اقصد يعني أي مشكلة تواجه شخص معين مب شرط انك تكون ضحيتها !!!!!!

إذا انت ناوي على الألماني ادخل موقع بهبهاني البحرين للسيارات المستعملة بتحصل سيارات نظيفة استعمال أهل البحرين خفيف والشوارع نظيفة

الله يكتب لك مافيه الخير :smile:

الظاهر يالغالي انك من النوع إلي تتردد كثير في شراء أي شي

فترة 8 شهور وانت تبحث عن سيارة كثييييييييييييرة والله

دام ان اودي اقرب لقلبك فا ابحث عن اودي نظيفة وأشترها

لأن كذا بتكون ماخذ شي تحبه ومقتنع فيه

لأن التردد في شراء السيارات لفترة طويلة يخلي الإنسان ما يختار الشي إلي يبغيه

ويمكن يوصل لي مرحله انه يكره الشي من اول مشكلة وانا شخصيا أعرف ناس من اقاربي كانو يبحثون عن سيارة لمدة 3 سنوات ، تخيل !!!!!!!!!!!!!!!!

والآن كارهين سياراتهم والسبب انهم ما أخذو القرار الصحيح والسبب الثاني ان التفكير تشوش عندهم فا صارو ما يفكرون بشكل صحيح

حاول انك ما تطول المده أكثر من كذا وخل لك خيار او نوع واحد (( اودي )) وشوف لك شي نظيف وتوكل على الله

لأن كثرت التعب في البحث تخلي الواحد يزهق من الشي بسرعة

اهم شي اذا بتاخذ مستعمل,,

ركز على الممشا حق السيارة وراجع صياناتها بالوكالة والتواريخ,,


وكل ما كبر حجم السيارة (حجم الماكينة) اصبحت صيانتها اغلى واكثر بالسعر,.,