استشاره بخصوص اللكزس ES 2015 , ارجو الدخول

حتى اكون صادق معاك لكزس سيارة اعتماديتها قوية جدا قليلة جدا اعطالها ثانيا وكيلها ممتاز ومنتشر والسيارة تمسك سعرها عند البيع هاذي مميزات اللكزس

بالسعر هذا , لاتطلع عن الجنيسيس او التشارجر الجديد

الله يعطيكم العافيه جميعا وما قصرتوا

وشكلي بصرف النظر عنها حاليا

لاانصحك نهائيا لان ستشعر بانها لاتستحق قيمتها هناك بدائل افضل واقوى واكثر تميزا من ES فلو كنت مصمم على لكزس خذ الارنب ولاجي اس واذا وسعت خياراتك راح يكون عندك الجنسيس الجديده حلوة ومواصفتها عالية مثلا سقف شمواء . قزاز السيارة كله دبل . جلد طبيعي . خشب طبيعي . مقاس الكفرات الامامية والخلفية . رادار . بيبان شفط . سقف بانوراما . 17 سماعة ماركة عالمية . الحفاظ على المسار . شاشات خلفية ماركة lg . شاشة امامية باللمس . تحكم بجميع مراتب السيارة . تبريد وتسخين جميع مراتب السيارة . الشنطة الذكية .ليد نهاري. خمسة كاميرات . اول بروجيكتر ملون في العالم . جسم السيارة من الفولاذ . نظام الامان عالي جدا . مكينة 8 سلندر 420 حصان . تحكم بالسيارة بنظارات قوقل . النقطة العمياء . ضمان 5 سنوات مفتوح الكيلوات . 5 سنوات صيانة مجانية ولا تنسى 8 سلندر والجربوكس 8 نمر

^
^
^

بخصوص التغيير لحد الان مافي اي اخبار وتسريبات

اما الضمان إذا السياره خليجيه ومطابقه للمواصفات الخليجيه فــ تدخل تحت الضمان

وإذا فيه مشكله ارفع شكوى لوزارة التجاره وخلال 30 دقيقه يجيك اتصال من الوزاره

بالنسبه للبيع السعودي ارغب فقط ولا الكل ماشي سوقهم لكن الاسعار ماعرف عنها والله

لو تشوف المعارض بتحصل وارد ابو جميل ارخص من الوكاله بــ 3 إلى 4 الاف او أقل والتسليم أسرع

مع اني أنصحك بالخليجي فئه dd مواصفات كامله والكامل الله سبحانه

يعطيكم العافيه شباب لكن هل الخليجي بيعته سهله وهل يطيح من سعره لان احتمال ابيع وما تستمر السياره معي؟

انا ودي بمواصفات الخليجي لكن شخصيا ما احس بالراحه اذا طلعتها من معرض واكون قلق بعكس اذا انا طلعت موتر جديد من الوكاله ؟! اي تعليق ؟

امس جاء واحد وسأل موظف المبيعات في عبداللطيف جميل وقاله هل الضمان يغطي الخليجي , قاله ايه لكن اذا كان فيه عيوب مصنعيه كبيره . ما نستقبلها ومالك الا بلدها؟؟
احسه يتفلسف ويفتي ؟! ولا انا غلطان ؟

وياشباب طيب وش رايكم بسعر عبداللطيف الحين 174 مع العرض . هل ظنكم راح يقل عن كذا بالقريب العاجل ومتى تتوقعون؟

واخر شي متى راح يكشفون عن 2016 ,, في اي شهر ؟ لانه اذا كان قريب ... انتظرت وبشوف هل يستاهل اني انتظر او لا ؟
2014 متى كشفوا عنه رسميا ؟؟

شخصيا متابع للسياره

في البدايه لاتطلع عن 6 سلندر 350

ثانيا وارد أبو جميل مواصفاته سيئه بما تعنيه الكلمه وأغلا من باقي الوكلاء والموزعين

فئة cc مافيها شيء مميز باستثناء 6 سلندر , ملاحه , سقف بانوراما وأعتقد الأزيرا بنفس

المواصفات وبــ 100 الف فقط , على العموم المواصفات الممتازه والخامات الجيد متوفره في فئة dd

فقط وسعرها عند أبو جميل بــ 198 الف ريال وايضا ناقصه مواصفات !! مثل الرادار والنقطه العمياء

والنظام السمعي الفاخر والتشغيل عن بعد والكثييييير . إذا فلوسك كاش خذ خليجي فل كامل أفضل

وارخص لك بعد , بالنسبه لمتعة القياده لاتوقع كثير من دفع امامي لكنها مريحه وناعمه من كلام مجربينها

بخصوص التغييرات احتمال وارد يكون لها فيس لفت مثل ماحصل مع الأفالون لانهم يتشاركون الشاصي

والمحرك وبعض القطع , بالتووووووووووووووفيق

أولا أبعد عن 4 سلندر حتى لو بـ 100 ألف, ماكينة لاتناسب وزن السيارة وحجمها ومواصفات فقيرة لا تناسب إسم لكزس

ثانيا: إذا بتشتري كاش بتلقى بريمي في معارض النسيم DD (تقريبا 184 ألف) بسعر CC أبوجميل أو CC بريمي (تقريبا 166 ألف) بأرخص من CC أبو جميل بعد العرض

ثالثا: إسم لكزس لا يستفتى فيه سواء برستيج إجتماعي أو سعر بعد البيع

يا غالي سيارة رائعة جدا من كل النواحي ولكن :

- فئة CC بتفرق معك الخامات ليست بمستوى خامات لكزس المعروف " هذا طلب وكلاء الخليج ، ما وفّروا الخامات الصح إلّا بالفل "

- شفلك المعارض مواصفات أفضل و سعر أقل

- حسب التسريبات احتمالية وجود فيس لفت بموديل 2016 عالية جدا لها و للـ GS

- بالنسبة لمتعة القيادة موجودة لكن ليس بالشكل الكبير كونها دفع أمامي ،، إذا تدور متعة قيادة خيالية و ثبات شوف شقيقتها GS السيارتين ينتمون لنفس الفئة لكن وحدة لمتعة القيادة ( GS ) و الثانية للعوائل ( ES )

بالتوفيق لك ...