مشوره منكم يا الوجيه الطيبه

^^^

خيار ممتاز ,,


واتمنى تنزل لنا تجربة السيارة من حيث الايجابيات والسلبيات بالقيادة والراحة والفخامة وغيره,,,

بالتوفيق اخي

الله يعطيك العافيه
قررت على الجينيسيس 2016 باذن الواحد الاحد

الكديلك ضيق وانا ابي موتر وسيع من قدام وورى

الامبالا ممتازة وسعرها رخيص بالنسبة لميزانيتك

التشارجر SRT او R/T ممتازة بس شكلها رياضي اكثر من انه فخم وزد على ذلك الوكيل سمعته ماهي حلوة

الافالون ما اشوفها خيار موفق لان شكلها مثل الكورولا بس مكبرة هههه

توروس ممتازة بس احتمال شكلها يتغير قريب

كاديلاك ATS ميزانيتك تجيب لك الفل كامل ومواصفاته خورافية وفي الرساوة تفوقت على السيارات الالمانية من فئتها مثل بي ام الفئة الثالثة

تخيل توزيع الوزن فيها 50% بالامام و 50% بالمؤخرة وبالملي محسوبة هذا غير تقنية magnetic ride اللي تتفوق فيه كاديلاك على منافسينها فيه وهو نظام ثوري في اداء السيارة على الطرق والمنعطفات والرساوة

هذا غير انها ستة سلندر ودفع خلفي يعني عز الطلب

وتجيب تسارع من صفر الى مية خلال 5.6 ثواني

يكفيك شكل الكاديلاك وهيبته قدام المواتر الثانية قسم بالله موتر جبار

عيبه الوحيد هو انه المقاعد ضيقة في الصف الثاني قليلا

^^^^

نحن بالخدمة عزيزي

وبالنسبة لمشكلة الكفرات بالجنسس انحلت بالدفعة الثانية الي يجي رموتها كرت وستائر خلفية.,

بالتوفيق عزيزي.

بيض الله وجهك والله انك ماقصرت انت وباقي الشباب الي ردوا

يا خوي يا حبيبي شركة ضخمه مثل هيونداي تغلط هذي الغلطه انها تخلي شكمان قريب من الكفر !!!!!!!

وهذا إلي قالك خلل في نظام البريك من وين جابها بالله ؟؟؟؟؟؟

هل هو خبير او في عنده أثبات ولا كلام فاضي بس حشو سواليف وتفلسف على الناس !!!!!!!

وكيف الناس يقولون ان وزنها ثقيل هم عبالهم انها دراجه نارية توصيل منازل مثلا ؟؟؟؟؟!!!!!!!!

يا حبيبي هذي سيارة صمموها مهندسين وخبراء من كثير من البلدان منها المانية فهل تعتقد ان الوزن مشكلة ؟؟؟؟؟!!!!!!!!

لو تكبر الكفر الخلفي ضعفين ما تولع عليك لمبة مانع الإنزلاق ،، لأنه ينذر السيارة إذا صار في انزلاق سريع وليس انزلاق بطيئ

وانت إذا جيت تكبر الكفرات الخلفية معناته انك بتقلل سرعة دوران الكفر شي بسيط فا مافي داعي ان مانع الإنزلاق يشتغل

الغالي عندنا في البحرين بعض الناس يبيعون سياراتهم ماشية 1300 كيلومتر فقط !!!!!!!!

وفي ناس 5000 كيلومتر ،، البيع ليس معيار للمشكلة في عالم السيارات يا حبيبي

على العموم لا تتعب نفسك كثير ترا والله في النهاية أخاف انك تاخذ شي تكره بعد شهر

انت سألت وأحنا جاوبنا وفي النهاية القرار لك

الله يوفقك

رحال اول المشاكل انفجار الكفرات
واسبابها كثيره ناس يقولون الشكمان قريب من الكفرات الخلفيه
والبعض يقولون فيه خلل في نظام البريك الالكتروني يسبب انفجار الكفر
والبعض يقولون وزن السياره ثقيل والكفرات الخلفيه دعستها واطيه اي حفره يحبل الكفر او ينفجر مع الوقت طبعا هذي المشكله تختفي لو كانت شوارعنا مضبوطه بدون حفر
واخر شي الكفرات الخلفيه اذا بتركب نفس مقاس الامامي لانه ارفع يمكن تولع لمبه مانع الانزلاق لان السياره مبرمجه على مقاس كفرات الوكاله

والغريب كثرة بيعها وهي ماكملت 10 الاف كيلو في مواقع البيع

ابومؤيد الله يعطيك العافيه اغلب الردود تصب لمصلحه جينيسيس

عندك الجينيسس 6 فل كامل

وعندك جيب طوارق

الغالي خذها قاعدة أمش عليها طول حياتك :

(( خل عنك كلام الناس ))

ترا أغلب الناس سمع انه في الجنوب واحد صارت له مشكلة قام ووصل هذي المشكلة للشمال والشمال ينقلونها للغرب والغرب ينقل للشرق وفي النهاية هي مشكلة وحده وشخص واحد مادري كيف صارت وإيش اسبابها وكيف كان يستعمل السيارة !!!!!!!

تقدر تقولنا الغالي إيش المشاكل إلي سمعت عنها ؟؟؟؟

ابغي أعرف ودي أعرف صراحه

الجينيسس انجح سيارة مقابل سعرها في هذي الايام

إذا بتسمع كلام فلان وفلان بتصير زي صاحبي 3 سنوات وهو يدور سيارة في النهاية خذ شي هو مو مقتنع منه وكره السيارة

الله يوفقك وتاخذ القرار السليم

الكوريس عزالله انها موتر كفو بس وكيلها بالسعوديه سيئ مثل المتحده

الجينيسيس جربتها ممتازه قيادتها لكن المشكله بعض الي اقراه عنها انها سيئه وفيها مشاكل

الامبالا جربته بجنط 19 و جنط 20 حلو لكن الداخليه ماتعكس حلاوه منظره الخارجي خصوصا بجنط 20

الكزس gs اذا ركبت قدام وضبطت المرتبه على الجلسه المريحه لي صعب ان احد يركب وراي يعني ورى كرسي السواق يصير ضيق وهذا الي مخليني اشيلها من اختياراتي و ال es اوسع لكن ما اعجبتني الافالون بنظري افضل منها !

ماقصرتوا الله يعطيكم العافيه

الله يوفقك الغالي

بالنسبة للمبلغ إلي عندك حرام تاخذ فيه سيارة مستعملة

انسب سيارة لك ولظروفك هي الجينيسس 6 سلندر فل كااااااامل

كذا بتكون رجعت فكه من المبلغ المذكور 200 الف

بس قبل كل شي روح جربها وشوف كيف عزل الصوت والهوا وهذي الأمور إلي انت تبغيها

لأن أهم شي في السيارة القيادة عشان تعرف هل تصلح لك او لا من ناحيت العزم والسلاسه وهذي الأمور

والحمدلله انها سيارة منتشر وأثبتت نجاحها في الموديلات القديمة والحديثة

لا تنسى الإستخارة يا بطل