وعليكم السلام ورحمه الله وبركاته
شوف اخذ استشوار و يكون حار و شغله على الشعار مع تمريره على جميع الجهات الى ان تحسه صار حامي
بعدها اخذ خيط قوي و يفضل الخيط الي يستخدم في سناره صيد السمك بيكون ممتاز جدا
او خيط للخياطه من النوع القوي غير الضعيف الايستخدمونه لخياطه الملابس ( الخيط هذا بالعاده يستخدم في الحياكه )
و امسكه باليدين و مرره من تحت الشعار مع تحريك يدك + الخيط تحت وفوق مع و في نفس الوقت تمشي على الشعار و اذا حسيته صار ثقيل وقف ولا تطلع الخيط و شغل الاستشوار ثاني الى ان يسخن و يبتدي الصمغ يذوب او تقل قوته و استمر الى ان توصل للاخير و يطلع الشعار و تنظف مكان الصمغ ولا تسحب الخيط على برى عشان ماينكسر الشعار معاك
هذي الطريقه المتعارف عليها في الخارج بالخصوص و امن من استخدام حاجه حاده مثل السكين عشان ماتجرح بدي السياره
ان شاء الله يكون الشرح واضح
