تاجير السيارات عندنا للاسف الشديد يعتمد على نظرة الموظف لك,اتكلم عن تجربه صدمت بسياراتي قبل عدة شهور واضطريت استاجر سياره لمدة اسبوع,عمري 23 وعندي بطاقة عمل وكنت مستعد ادفع كامل المبلغ كاش,مريت تقريبا معظم محلات التاجير في جده كل مايشوف الموظف شكلي (الطول لكم عليه:smile:) يقول مافيه عندنا سيارات واذا جيت تدقق يصرفك بشكل ما,مثلا يفلي اش تبغا سياره اقله النترا او سياه من فئتها يقلي ماعندنا الا تشارجر اليوم ب500 وهكذا,في النهايه اتصلت بصديق لي يعمل في احد شركات التأجير الكبيره والمعروفه وبعد لحظات قالي رح المكتب الفلاني وتحصل السياره جاهزه,يعني لولا الله ثم صديقي كان تبهذلت لمدة اسبوع,وللاسف وزارة النقل نايمين ماعندك احد,لم تتصل فيهم يقلك اسم المحل وتوكل على الله,لو عندهم تطبيق زي وزارة التجاره ويتفاعلون مع العميل والشكاوي بشكل صارم كان المكاتب ماتجرأت على سن قوانين من عندها,للأسف ان الفئه القليله من الشباب اللي يستاجرون السيارات بغرض اللعب والتفحيط اثرو على الفئه الكبيره المضظرين للاستئجار.
الحل الآخر اللي يجول في خاطري حاليا,لو باقي احتجت لاستئجار سياره,باحجر عن طريق النت,ووقتها مايقدر المكتب يعتذر..
