السلام عليكم ورحمة الله
اخواني أنا قررت و عزمت بأذن الله على شراء سيارة جديدة خلال الشهر المقبل أن شاء الله
و وضعت خياراتي بين سيارتين ( شفرولية تاهو LT 2 - يوكون SLE )
و الخيار الثاني هو نيسان باترول SE T2 جديد
أول شي هل أخذ التاهو بدبل أو بدون ؟ أنا طلعاتي قليلة للبر و لا أدري هل ينفعني او لا ؟
أيهو أجمل التاهو أو اليوكون ؟ و مهم هذا الشي , هل يمكن طلبه مراتب مفصولة ( مثل LTZ ) ؟
هل هو مريح أم لا ؟ قريت عنه أن فيه عيوب و رجة و مش عارف أيش :confused1:
الباترول عاجبني , بس حجمه كبير جداً أحس التاهو أهضم منه , لكن مواصفات الباترول خرافية , فتحة و ثلاجة
لكن راح أخسر الحجم المناسب و الوكالة بحكم ان العيسى مو موجود في منطقتي , فقط فيه موزع لنيسان
و كذلك راح أخسر الملاحة - خرائط - لكن راح اكسب فتحة سقف و ثلاجة و قير ارضي
سعر التاهو 175 الف بدون دبل و الباترول 190 الف من المعارض , مدري الوكالة بكم ؟
انا يا جماعة الخير عندي سوبربان حجم 2500 امريكي 1997 فل كامل من 10 سنوات
و احياناً أقول انه حرام انزل من جلد و اروح لمخمل و بدون فتحة , يعني متردد في خصوص تاهو LT
احسه ما فيه ذيك المواصفات , و فوق هذا كيف راحته مقارنة بالي معي ؟
انا الي معي مطباته جامدة بشكل عجيب , بس يمكن السبب اني مركب جنوط 2500 و كفرات دنلوب
يا شباب , قولوا لي أي نصيحة او أي كلمة ممكن تفيدني
انا عمري 28 سنة و ناوي على سيارة تجلس معي سنوات , هل اختاري مناسب ؟
أنا اميل للتاهو بحكم انه ارخص و ان الجميح عندي في الوكالة و انه شكل جديد بعكس الباترول
عطونا الرأي الله لا يحرمكم و لا يحرمنا الجنة :smile:
