دركسون الكيا كادينزا 2015

دركسون سيارتي كادينزا 15 فيه ثقل واضح لكن أقدر ألفه بيد وحدة
يبدو انه فعلا عندك مشكلة مصنعية في دركسون سيارتك
بعد ماتراجع الصيانة عطنا اللي حصل معك للفائدة

اكيد فيه خلل عندك

راجع الصيانة

يعني مهندس كيا لما يصنع الكادينزا ما حط في باله استخدام الملايين للسيارة خصوصاً من العنصر النسائي ؟!
صدقني ان دركسون السيارة اقرب للخفة لكن اللي عندي فيها عيب مصنعي

ولا واحد تضايق من هالشي بجمع التجارب للسيارة
حتى عند الاجانب بمنتدياتهم

نزور الصيانة ونشوف وش الحل ان شاء الله

شكراً يالغالي

الامريكية ريشة لان تروسها تختلف

علشان تلف الكفر كامل يبي لك 3 لفات للدركسون

في مقابل انك تحتاج لفة ونص في سيارتك
وطرمبة الزيت حق الدركسون عندك مسوي جهد كبير يشكر عليه

ما ينفع الا الدركسون الكهرباء في هذا الزمان

ليه طبيعي ؟! السيارات الامريكية من زمان دركسونها ريشة وهي زيت !
طول عمري اجرب السيارات بكل موديلاتها ما اذكر انها ثقيلة مثل ثقل الكادينزا

كانت معي كابريس 2008 سابقاً وكانت تعتبر ثقيلة دركسون لكن اخف بمراحل من الكادينزا

اخوي .. اتكلم عن السرعات المنخفضة او وانا واقف
عالسرعات العالية جدا ممتاز .. لكن كسرعات منخفضة اظطر استخدم يديني الثنتين !! وبعدها الهث يا رجل من المجهود

لا هذا الاستاندر عندكم ارتفع فقط

يعني صارت من بديهيات الحياة ان دركسون السيارة يصير خفيف والسيارة واقفة او على سرعة منخفضة

والسبب انتشار الدركسون الكهربائي واللي الغالبية بدأ يسوقها

وسيارتك دركسونها زيت وطبيعي يكون ثقيل

شباااب .. الدركسوون ثقيل علشان تحس بالسيطرة ... تحس انك مسيطر على السياره ... لكن لو انها خفيفه ما تقدر تسيطر عليها بتحول في اقرب صبه ...

تحسبني مجرب بس اللكزس ؟ جربت سيارات كرايسلر ودودج وجيب وسيارات فورد وسيارات جي ام وسيارات هيونداي وسيارات نيسان وتويوتا وهوندا ومازدا وسيارات مرسيدس وبي ام ..

الكادينزا كانت الاثقل مقود بلا منازع وبشكل يضايق .. انا متأكد ان فيه مشكلة بسيارتي وحجزت موعد بالصيانة .. واليوم شيكت على زيت الدركسون ولقيته ممتاز

الخلل شكله اكبر من مجرد زيت دركسون

اوقات تكون بسبب التعود
مثلا انت معتاد على لكزس و بعدها اشتريت الكادي و اختلف معاك للاسوء
اما لو شخص متعود على سياره عاديه يمكن مايكون فيها بور حتى و يجرب الكادي بيشوفها خفيفه و كذا

انا كانت عندي مجنا و اخترب البور و معانات على ماصلحتها و بعتها و صرت استخدم سوبر الوالد 2001 و اوقات الكابرس 2008 و الموستنج و كنت اشوفهم خفيفين مره لكن اختلف الامر لما اشتريت سيارتي الحاليه و شفت الدركسون خفيف مره ولما دخلتها الوكاله رجعت على سيارات الوالد ياني عانيت صرت احس الدركسون صار ثقيل

يعني مساله تعود و كويس انك جربت سياره ثانيه و شفت الفرق و ان شاء الله يكون حلها سهل

ابشرك .. جربت سيارة ابو تميم امس وفعلا طلع دركسونه اخف ب 30%
عندي مشكلة بسيارتي واضح وراح يتم اصلاحها بإذن الله

عموما الدركسون يميل للثقل لكن عالاقل دركسون الكادينزا الخاصة فيه مقبول ثقلها عكس اللي معي

ان كان الدركسون شد بلد ثقيل فهذا عيب مهوب بسيط ...!!

سيارتي نيسان اكستيرا ... والدرسكون ثقيل شوي ... وبصراحة مزعج ثقل الدركسون ..

أحيانا يكون معي اكسبديشن الاهل ... خفيفة وناعم ... ممتع جدا !


كان الله في عونك ...

ما وديتها لورشة ولا الوكالة يالغالي ؟! الوضع لا يستحمل بصراحة خصوصاً اني جاي من لكزس يعني قمة الخفة

جربت الاوتيما بالمعرض وفعلا ثقيلة .. اقسم بالله جالس افكر ابيع السيارة بسبب مقودها الغبي

اي والله ثقيل حتى الأوبتيما نفس الشي
لاكن مع التعود راح تتأقلم معه