أباكم تشاركون انشاء شركتي الخاصه

ان شاءالله امرها الله يعطيك القوه والصحه، ومرورك شرف

لو تمر أي قسم وتشوف المواضيع المثبتة
تعرف كيف مميزة

كيف اعرف انه مميز ☺ يعني المشاركين يقولون انه مميز، والإداره ابى احاول اكلمهم الله يعطيك العافيه

الموضوع إذا كان مميز رح يثبت
لكن تقدر تكلم الإدارة عشان تثبت موضوعك

ياشباب ايش هي الطريقة اللي تخلي موضوعي مثبت

كلامك سليم وهذا اللي افكر فيه قبل دخولي بفتح الشركه، واكيد الجودة عنواني وممكن يجون اليابانين والالمان عشان يتعلمون من الجودة، ومرورك شرف

أحيي فيك هذه الهمة رغم المصاعب ولكني أنصحك مثل ما نصحوك بعض الإخوة بالبدء بتقديم خدمات تعديل على السيارات بإستخدام منتجات ذات جودة عالية وبشكل مدروس وبالتوازي مع هذا حاول تقديم منتجك الخاص والله يوفقك

مرورك الأحلى، كلامك كليم_المكينه هي الأب للسياره اخر شي صار اني راح ادخل مسابقه عالميه ادعولي بالفوز للتأهل للمنافسه خارج المملكه واخذ عليها براءة اختراع له دخل بالسياره

ها يا حلو وش صار اخر شيء وش سويت الزبدة اهم شيء المكينة انت اصنعها بنفسك القير جيبه من الالمان او gm او قير الياباني شوف افضلهم وجيبه انت لصنعت مكينة بنفسك وشاسيه بنفسك وشكل السيارة بنفسك بدون ماتستعين بأي شركة فانت صنعت سيارة سعودية 100% اما مكينة وشاسيه من شركة قير تجميع سعودي بس ماسويت شيء والصينين نفس الشيء شغالين تجميع انا اتمنى تكون صناعة اهم شيء مكينة وشاسيه منك انت صناعة سعودية مافيها كلام الشاسيه ممكن نتنازل لكن المحرك هو الوحيد الي يحدد صناعة السيارة وشكرا

الله يسعدك، يشرفني مرورك (انا معك انه الطرق القديمه لم تعد تنفع او تصلح، لكن فكرتي طبعا قبل بدء شركتي كما ذكرت انت في مقالتك +التعديل، بحيث من يوم ماأتعلم الشغله صح اشتري سياره مدموره على وشك التخبيط وابدأ اعدل عايها من شركات او حتى اشياء التعديل من صنعي، عشان ابدأ بأكل العنب حبه حبه، وان شاء الله من يوم ماأصنع الميكينه بالتقنيه القديمه راح اعرضها امام الجهات المختصه لدعم المشروع وبعدين ابدأ بصنع مكايني القيور بالتقنيه الحديثه، ثم اذا وجدت الدعم ابدأ اصنع الألات بنفسي، حتى تكبر شركتي وتنموا واشوف بلدي تزدهر ويقضى على المتلاهين والمضيعين لأمانات هذي البلد وان اكون قريب من الملك في نفس الوقت ولتنمية جهود شبابنا، بالطبع ماراح انسى اخواني من الجنسيات الثانيه، المعذره عالإطاله

موضوع ممتع ،،، ولكن يا غالي. المكينه قديما كانت بعمل يدوي وكانت قدرات حصانيه. بسيطه جدا
اما الان المكاين والقيور. صارت تنحت بلك قطعه الحديد او الالمنيوم وتصنع قياساتها. الكترونيه
بادق المقايس وباحدث الاجهزه.،، من اي لك هذي الامكانيه ؟
حاليا لا يوجد صنع مكينه باليد ،، يوجد تجميع مكينه باليد وموجود. ف المرسيدس وغيرها من السيارات الفخمه
ف مساله صناعة. مكينه وطنيه ميه بالميه شبه مستحيل ك بدايه لك
اما انك تجمع مكينه. هذا سهل
وانصحك تعمل ع المكاين ك تعديل
اي بمعني. انلها عمر افتراضي. ف انت. تزيده
مثلا. البساتم لمكينه تتحمل حد اعلا جهد 200 حصان
والميكنه. نفسها مثلا تنتج 190 حصان ف انت. تغيره ب بستم من شركه متخصصه
اجود من الوكاله ل يتحمل قدره 500 حصان ولكن المكينه تنتج نفس الاحصنه
وزي كذا باقي القطع بالمكينه
تلاقي هذا الموضوع يعملونه. اهل التعديل. بزياده. عدد الاحصنه

ياشباب والله افكاركم تكتب بماء الذهب، اما بالنسبه للطاقه الشمسيه اكيد راح يكون منها نصيب في شركتي، لكن في البدايه خلوني اصنع مكينه تعمل بالإحتراق الداخلي وثم راح ابدأ بالطاقات البديله،طبعا راح يكون منها الطاقه الشمسيه وطاقة الرياح (هذي الفكره راح ادخل بها مسابقة عالميه) ادعولي بفوزها للتأهل لأمريكا واخذ عليها براءة اختراع وطاقة الأرض (فكرة في ذهني راح احاول اطلع عنها برائة اختراع)

فعلا .. لارامي صادق

استفد من الطاقه الشمسيه عندنا لصنع اول محرك صناعه وطنيه

سمعت مقطع من محاضره علميه ان البترول سينضب او يبدا بالنضوب بعد 30 سنه ...

راح تلقى رواج لها هنا اكيد باذن الله

ان شاء الله، بالطريق وايضا اضافة للمعلومه، اني راح اشارك بإختراع في الأولمبياد، وبإذن الله راح اخذ عليه براءة اختراع، طبعا الإختراع هو اضافه للسيارة بطاقه نظيفه

الله يعطيك العافيه، وانا انتظرها بفارغ الصبر

اقترح سيارات تعمل بالطاقه الشمسية المتجدده

الله يوفقك
ما زلت إلى الآن أحاول أصمم سيارة أو شعار لكن التصاميم سيئة
لو طلعت بشيئ حلو رسالة على الخاص إن شاء الله

اخي اوتشيها (انا راح اعرض الفكره على وزارة التجاره واتوقع يبون يدعموني) واذا مادعموني لاقدر الله اخذ سلف من عبداللطيف جميل لصنع اول مكينه وجربوكس سعوديه واركبها على سيارات من تصميمي او اشتري سيارات مكاينها معدومه واركب مكينة عليها وابيعها واعطي الضمان للشاري، الله يوفقكم كلكم يارب والله انكم اكملتم دعمي في مسيرتي، واقسم لكم اذا كتب الله لي الحياه لأجعلن حياتي كلها للسعوديه والسعوديين ومن سكن السعوديه لأخليها بلاد متطوره تقنيه وعسكريه ولأجعلن شوارعها من افظل الشوارع فالعالم ولن اموت إلا وانا وضعت بصمتي على هذا البلد الذي سينسى الكسل ويحب العمل والنشاط، لن اموت إلا واسمي علق في جميع العالم.

اذا معي المبالغ فماهي مشكله او اذا كان فيه داعم، لكن قلت اسوي مكينه وجربوكس واشغلها قداهم عشان يدرون صدقي
وصدق النوايا تظهر في... .... الشدائد وعند الغضنفر المتأهب
اذا تتوقع اخوي اذا فتحت موضوع زي ماذكرت راح ينجح فأنا اول فاتح لهذا الموضوع