أباكم تشاركون انشاء شركتي الخاصه

✋ لو تذكر قصة هوندا، وقتها كان تقريبا فيه 20 شركة سيارات، وماقال قديمه، وانا فكرتي في جعل البلاد العربيه متطوره ابغاها تصنع، شيء يقهر لما تجيب اجنبي يشتغل عندك وياخذ ثلاث اضعاف المبلغ وبينما صاحب البلد ماياخذ إلا شيء قليل، any الله يعطيك العافيه

ما انحصك تدخل كمشروع صغير هذا اولا

ثانيا انا كتبت موضوع ليش مافيه امكانية اننا نفتح مصنع سيارات ضخم في السعودية وايش العوائق اللي تخلي حتى رجال الاعمال ينسون الفكرة

اذا تحب احط لك رابط للموضوع ابشر

اما بخصوص هوندا او غيره اللي كانوا فقراء وبنوا مصانعهم وصارت مشهورة الان

لاتقارن زمنك بزمنهم لان زمنك الان ما يتحمل سيارة مافيها جودة ابدا ولاحظ الكوريين عانوا الين عدلوا سمعتهم فوق العشرين سنة وللعلم الشركات الكورية للسيارات تاخذ دعم حكومي يغطي العجز والخسائر

اقصد انهم ممكن يتعمدون مايعلمونك كل شيء لانه يعتبرونه من مهاراتهم وابتكاراتهم وبراعتهم فماراح يعلمونها لك بكل سهولة

ليش.!!!

اشوفك معارض للفكرة

لاتنسى ان هذه المشاريع لو تمت بتعزز للإقتصاد


واحنا بعيدين كل البعد عن الدول المتقدمه(اقتراحك ان نستغني عن السيارات في المدن الرئيسية)

الي بيفتح مصنع سيارات الحين نفس فكرة الي بيفتح مقهى انترنت

عفى عليها الزمن
!

الله يوفقك يارب، راح اضع اختيارك في الحسبان، طيب لو اخترت ميكانيكا والكترونيات ايش تختار؟

الله يعطيك العافيه، كيف يعني تحفظ؟ اختيار راح اضعه في الحسبان، طيب اذا قلت لك مكيانيكا وإلكترونيات ايش راح تختار؟

طبعا اليابان
اليابان= محركات قوية واعتمادية وذات جودة عالية وتكرف وتعيش وتتحمل الحرارة وتعمل لسنين طويلة كما انه خبرتهم اطول بسنين
كوريا= كل الكلام الي فوقه العكس هو الصحيح
عن نفسي اليابان وانا مغمض وبالتوفيق

هذا يعتمد على الي بيخبرك التقنيات والميكانيكية لكن خوفي تروح لبلد يكون عندهم تحفظ كبير على اخبارك اهم الاشياء او كل شيء

عن نفسي راح اختار اليابان بالمرتبة الاولى لان مشهورين بقوة المكاين على اعتمادية لفترة طويلة جدا

ياشباب هل البعثه لليابان افظل او لكوريا لغرض تعلم صناعة المكاين ولكم جزيل الشكر

راح اكون معاكم اول بأول، بإذن الله راح ادخل المعهد المهني في الإجازه لتعلم اساسيات الميكانيكا. كل من شارك له جزيل الشكر

ان شاء الله كلام منطقي، هذا ماأرنوا (ماأريده) من شركة سياراتي واللي هو الجوده والسعر وعملية احترام المستهلك، فكرة جميله وقد تكون واحد من مالكي السيارات المنتشره صراحه فكرة فيها اني اول مكينه اسويها احطها في الدباب. طموحي يتعدى الدباب وصولا لصناعة محركات الطائرات زي الرولز، يعطيك العافيه اخوي

ليش سيارات صحراء باقي لأنها أبسط في تصنيع و أقل تعقيد و ماتحتاج ترخيص مرور :bigggrin:

لو كانت أنتاج سيارات ذات جودة و قوة وسعر مناسب راح تنشهر في خليج مما يجعلك قادر على تسويق مستقبالا في سوق

خليجي بدايتاً .... ((في حال بدأت في أنتاج سيارات فعلية ))

وحد من أسباب أنك عادي تصنعها بناءً على طلب شخص ( أشخاص )) عدد محدد مما تضمن فلوسك و جهدك و تكسب

شهرة منها
أقل تكلفه ...أقل جهد وقريبه مكانيكيا من سيارة طبيعية .

هذي أسباب في وجهة نظري ...

يا خوي مب شرط تبدأ بصناعة سيارت ترى شركات صينية كانت تصنع دراجات نارية بدايتا... وحاليا سيارات

اولا تحملوني لاني راح اكثر الفضفضه، في البدايه اخلص ثالث ثانوي وبعدين اسجل في جامعة الجبيل وادخل قسم ميكاترونيكس وهي تدرس فيها ميكانيكا وكهرباء وبعدين اخذ بعثه لألمانيا او اليابان، بعدها اتعمق فيها واصنع اول مكينه وجربوكس سعودية الصنع طبعا ذحين اول خمس سنوات وراح اعرض المكينه على وزارة التجاره والصناعه لرئيسها الربيعه، وبالتالي هم يدعموني عشان افتح مصنع لصنع المكاين والجربكسات وبعدها اركبها على هياكل سيارات من شركات ثانيه زي مثلا اركب مكينتي على لكزس طبعا اللكزس بس الشكل الخارجي يعني المكينه والجربوكس والدفرنش وحتى الديكور اغيره. اتمنى انها وضحت فكرتي. اذا فيها اسئله اقبلها بصدر رحب

طيب ممكن نعرف خطتك، اذا ما فيها مضايقة لك؟

يعطيك العافية اخوي، فكرة رائعه بالفعل ان ابدأ بالتعديل عالسيارات وصيانتها تراني اصون كرسيدتي بنفسي�� ليش بالذات سيارات صحراء او كما تسمى جيب بالعاميه عند الناس واتوقع تقصد زي اللاند كروزر، الحمدلله اسمي التجاري راح يكون بإسم عائلتي وماعندي علامه حقيقه، طبعا لن ابدأ من الصفر راح ابتعث يايابان او المانيا لتعلم صناعة المكينة والقير بجودة عاليه جدا وراح احاول ان اصنعها بمثل مكاين الشركات المعروفه من اليابانيه والالمانيه واما البدي والاجزاء الكهربائيه والدفرنش والدبل راح اخذها من شركات ثانيه يعني لن ابدأ من الصفر تماما، الله يجزاك خير عالإفاده، مشاركاتكم ملهم افكاري�� اخيرا اذا لم اصنع مكينه وقير بوكس بنفسي فلن تدعمني الدوله، انا اريد ان تكون سياراتي بمكينه وقيربوكس من يدي لأجل تدعمني الحكومه، يحسسوني اني جاد في اللي اسويه

يا أخي عندي لك أقتراح وهو أنك تبدأ صيانة سيارات و تعديل عليها ما أقصد تزويد فقط كل شيء ...عسب تفهم سيارة صح

بعدها جمع سياراتك خاصة مثل الباقي سيارات صحراء وتكون مميزة مثل ماترفع حرارة فيها دبل ودفلوك و مكيف و مسجل ...وتكون عندك أسم تجاري و ماركه

بعدها أبدأ بتصنيع بعض سيارات رخيصة بعدها أطلع للفوريل و طبعا كل هذا و الأجزاء الأساسية في سيارة من محركات و قيور وغيرها

تكون من صنع شركة يابانية لأن أفضل في سوق...

بعدها أذا الله فتح عليك تقدر تبدأ تصنع محركات و قيور بنفسك...

أما أنك تبدأ صناعة سيارة من صفر أخوي صعبه لأنك محتاج تتعلم ...((بس شوف قلت صعبه لكنها مب مستحيلة ((ليش لا ))) بتوفيق)

هذا اللي اود ان اعدله في الشعب السعودي، احمدلله انا متابع لأخر اخبار السيارات واتابع الصيانات عبر النت حتى اني من النت نظفت الكربريتر وفكيت الثلاجه ونظفتها، ماأخفيك مشتاق اني اشتغل بيدي كالماء البارد عالضمأ، ان شاء الله اكون سامع لنصيحتك واكون معاك صريح لم اخطط لعشرين سنه لكن خططت لمدة خمس سنوات، طبعا الشباب كلهم ارائهم تكتب بماء الذهب.

نصيحة أبو مؤيد تكتب بماء الذهب

كانت لي زيارة للمصنع لا تنسى في حدود عام 1427 و اتذكر المهندس المشرف كان يشتكي من انضباطية الفنيين السعوديين :smilie20:

عموما انصحك تبني نفسك بتعلم كل ما تستطيع عن السيارات من الآن عن طريق القراءة في الانترنت و غيره و كذلك عن طريق العمل اليدوي (كالتطوع في الجفالي على سبيل المثال)
و كذلك انصحك بوضع خطة مرحلية (خمسية على سبيل المثال) و خطة شاملة (نقول لمدة 15 الى 20) توصلك لهدفك

موفق لكل خير