رجة قويه في سيارتي (تشارجر )

اخوي اهتزاز المكينة له اسباب كثير واعتقد الرجه اللي عندك سببها كراسي المكينة و القير لازم تشيك عليه شوف اذا الجلد مهتريه ومتقطعه غير الكراسي كلها مره وحدة لان كراسي المكينه اذا خرب واحد يخرب البقيه
الاسباب الاخرى للرجه يمكن الكويلات او البواجي او طرمبة البنزين

اتوقع شفت موضوعك في منتدى اخر


وانت بالبحرين نحن يا السعوديين نروح للزياني لان صيانته افضل من وكيلنا

ثانيا سيارتك تحت الضمان فمن الافضل توديها الوكاله لان مشكلتها ممكن تكون برمجه وممكن تكون حاجة بسيطه قد صارت معي انت الصيانة ما يقفلون علبه فلتر الهواء بطريقه صحيحه

مثل ما تفضل اخي العزيز < بشير حسن > راجع الوكالة ولا تتساهل معهم , اغلب الظن ان السبب هو اهمال وعدم الدقة في التصليح .
بالتوفيق

لابد تراجع الوكالة مره ثانية لأنه مثل ماقلت أخوي السيارة جديدة ولسه مامشت شئ لابد الوكالة تتكفل وتشيك على السيارة مره ثانيه ممكن في شئ ماهو راكب أفياش أو وصلات كهرباء ولمبة الزيت لابد تكلمهم بس أنا انصحك تشيك على مستوى زيت المكينة وتعايره لايكون ناقص .....أكرر مثل مشكلتك باعتقادي الوكالة اهملت شئ ونسيت أن تقوم باعادة تركيبه وأكد على مكالمتهم بخصوص لمبة الزيت

يا اخوان شكراً على ردودكم ... بس مشكلتي معقده شوي الرجه ما تطلع كل وقت مثلاً الحين يوم سقت السيارة
ما صارت رجه احس المشكله لين اسوق السيارة فتره طويلة بس مثلاً 4 ساعات او اكثر متواصله , الرجه ما تطلع الى وقت الى ادعس على المكابح او احط القير على " N" المشكلة ما كنت موجوده قبل لا اودي لهم السيارة الوكالة بسبب مشكلة " تهريب الزيت " و الله يا اخوان ما ادري شنو الحلول حرام و الله السيارة جديده وفي هذي المشكلة ! عجل بعد 3 سنوات الله يصبرني بس

#اليوم لمبة الزيت ولعت هل تعتقدون لها علاقة بلمشكلة ؟

حياك الله اخي الكريم
فحص الكمبيوتر مهم جدا في حالة سيارتك , هذه واحدة
ثانيا : شكي يحوم حول امكانية وجود تسريب لهواء الفاكيوم , اي بمعنى ان هنالك هواء يدخل الى المحرك بشكل غير صحيح اما بسبب انفلات هوز < خرطوش > هواء سواء كان كبير او صغير وعليه ارجوا ان تقوم بفحص جميع هوزات الهواء وخصوصا المتصل بالباكم .
وكذلك افحص وفتش عن اي فيشة كهربائية سائبة وغير متصلة بمكانها قد تعود الى احد الحساسات او الصمامات المهمة .
اما موضوع الكسر في الزجاج الامامي فانه توجد ورش خاصة تصلح الزجاج تدعى < نوفس > أسئل عنها .
بالتوفيق