السلام عليكم ورحمة الله وبركاته………
الموضوع عن رجة الكفرات وحلولها لكن قبل نعطيكم الحلول ابكتب قصتي اللي ممكن راح تصدم الكثير.
قبل رمضان بفترة قررت ابيع جنوطي مازدا فل 2014 مقاس 19 واركب جنوط الستاندر مقاس 17 بحثاً عن راحة المطبات.
طبعاً اللي جزمني هو رخص الجنوط في الوكالة الجنط الواحد تقريبا ب 700 ريال فحطيت ببالي ميزانية كاملة للكفرات والجنوط 5000 ريال من دون خصم سعر بيع جنوطي مع الكفرات. بعد عملية البحث عن كفرات لينة وممتازة قررت اشتري كفرات تويو CS1 والكفر هذا تقييمه ممتاز من ناحية الراحة والهدوء.
رحت الوكيل العمودي واخذت مقاس اعرض شوي من حق البلد اللي هو 235/55 وبعد ماركبتهم من عندهم طلع عندي رجة فقلت ماعليه ترصيصهم ترصيص تركيب شغل مشي حالك رحت للعضيب ورصصت وبرضه الرجة ماراحت رجعت لهم ورصصو ونفس المشكلة وبعدها رحت للعمودي وجلسو يسبو العضيب وان ترصيصهم نصب ومن هالكلام وبعدها رصصوا ونفس المشكلة.
في ذاك الوقت قلت ممكن الرجة بسبب مقاس الكفر والشي الثاني اللي قريت عنه انه اذا صار الكفر لين مرة يصعب ترصيصه مثله مثل كفرات البالون اللي يركبوها الجيوب.
بعدها بفترة حصلت عند بنشري كفرات سوموتومو مقاس البلد ووافق يبدلهم بكفراتي وركبهم لي وبرضه نفس الرجة ………. بعدها بفترة اخوي نصحني بالقحطاني اللي على خريص ان ترصيصهم كويس توكلت على الله ورحت لهم فحصوا الكفرات وقالوا لي كفراتك محبلات وطبعاً انا ماصدقتهم وخاصة ان الكفرات مالهم عشر الاف ممشى، قلت امنت بالله وجو نصحوني بكفرات كوبر جديدة اسمها CS5 ULTRA ركبتهم وتوكلت على الله وركبتهم وبرضه نفس الرجة هنا انا تيقنت ان الخلل في سيارتي رحت وفحصت كل شي إلى الجنوط رغم أنها جديدة حصلت كل شي سليم رجعت لابو قحط وفحصوا الكفرات حصلوا واحد فيه خلل وغيروه وطلعت من عندهم وصرت اسوق رجة فيها مازدا ههههههههه ورجعت لهم مرة ثانية قلت لهم كفراتكم مضروبة طبعاً هنا الوكيل بالعادة تأخذه العزة بالأثم ويحاول يرمي عليك التهم بس ماعندهم شي سيارة كويسة وجنوط جديدة آخر شي غيرو لي كفرين وانا طبعا لاحظت ان الفني يركب كفر ويشيكه بالمكينة ثم يفكه ويروح يجيب ثاني هنا انا وصلت للقناعة ان كفراتهم مضروبة.
طلعت من عندهم ونفس الرجة بس اخف شوي بس مازالت ترج طبعا دقيت على المشرف عندهم وقلت له ان الرجة ماراحت قالي خلاص رح ركب كفرات وجب كفراتنا ونرجع لك دراهمك.
رحت اخذت لي جولة على وكالات الكفرات وحصلت كونتانينتال ب 680 بس مخزون 2014 وضمان سنتين، يوكوهاما ب 550 نفس شد بلد الكابرس، بريدجستون الطلائع ب 680 تورانزا، بيريلي ب 800 ، ميشلان ب 580 ، طبعاً كلها كفرات ممتازة رغم ان اسعارها غالية شوي واللي خلاني ما اجزم اني خفت اتخسر ونفس المشكلة خاصة اني جربت ثلاث كفرات فمهب معقولة يصيرو كلهم مضروبين.
مريت بن شيهون وحصلت عندهم Hankook Optimo K415 ب 370 وشكله حليو وقلت توكل على الله واطلع اجرب وكنها مسطرة ما شاء الله، لا رجة ولاشي لدرجة ان واحد من الكفرات ما احتاج وزن طلع صفر ما شاء الله وانتهت أخيرا معاناة أربع شهور الحمدلله.
فتخيلوا ثلاث اطقم تويو وسوموتومو وكوبر كلها مضروبة مع العلم ان اثنين منهم من وكيلهم القحطاني والعمودي.
فاذا ركبت كفرات ورجو افحصهم ولا تقول جديدات ترا ممكن يطلعون مضروبات طبعا ممكن يكون سوء تخزين أو عيب تصنيعي.
إذا عندك رجة أول شي رصص إذا ماراحت افحص الجنوط والكفرات واذا كلهم سليمات فافحص جلد المقصات والاذرعة وافحص الرمان وهذا عن طريق رفع الكفر ومحاولة هزه وشف اذا فيه فضاوة أو لا.
أدري طولت عليكم بس الصراحة مغبون وما ابي احد يطيح باللي طحت فيه.
الموضوع عن رجة الكفرات وحلولها لكن قبل نعطيكم الحلول ابكتب قصتي اللي ممكن راح تصدم الكثير.
قبل رمضان بفترة قررت ابيع جنوطي مازدا فل 2014 مقاس 19 واركب جنوط الستاندر مقاس 17 بحثاً عن راحة المطبات.
طبعاً اللي جزمني هو رخص الجنوط في الوكالة الجنط الواحد تقريبا ب 700 ريال فحطيت ببالي ميزانية كاملة للكفرات والجنوط 5000 ريال من دون خصم سعر بيع جنوطي مع الكفرات. بعد عملية البحث عن كفرات لينة وممتازة قررت اشتري كفرات تويو CS1 والكفر هذا تقييمه ممتاز من ناحية الراحة والهدوء.
رحت الوكيل العمودي واخذت مقاس اعرض شوي من حق البلد اللي هو 235/55 وبعد ماركبتهم من عندهم طلع عندي رجة فقلت ماعليه ترصيصهم ترصيص تركيب شغل مشي حالك رحت للعضيب ورصصت وبرضه الرجة ماراحت رجعت لهم ورصصو ونفس المشكلة وبعدها رحت للعمودي وجلسو يسبو العضيب وان ترصيصهم نصب ومن هالكلام وبعدها رصصوا ونفس المشكلة.
في ذاك الوقت قلت ممكن الرجة بسبب مقاس الكفر والشي الثاني اللي قريت عنه انه اذا صار الكفر لين مرة يصعب ترصيصه مثله مثل كفرات البالون اللي يركبوها الجيوب.
بعدها بفترة حصلت عند بنشري كفرات سوموتومو مقاس البلد ووافق يبدلهم بكفراتي وركبهم لي وبرضه نفس الرجة ………. بعدها بفترة اخوي نصحني بالقحطاني اللي على خريص ان ترصيصهم كويس توكلت على الله ورحت لهم فحصوا الكفرات وقالوا لي كفراتك محبلات وطبعاً انا ماصدقتهم وخاصة ان الكفرات مالهم عشر الاف ممشى، قلت امنت بالله وجو نصحوني بكفرات كوبر جديدة اسمها CS5 ULTRA ركبتهم وتوكلت على الله وركبتهم وبرضه نفس الرجة هنا انا تيقنت ان الخلل في سيارتي رحت وفحصت كل شي إلى الجنوط رغم أنها جديدة حصلت كل شي سليم رجعت لابو قحط وفحصوا الكفرات حصلوا واحد فيه خلل وغيروه وطلعت من عندهم وصرت اسوق رجة فيها مازدا ههههههههه ورجعت لهم مرة ثانية قلت لهم كفراتكم مضروبة طبعاً هنا الوكيل بالعادة تأخذه العزة بالأثم ويحاول يرمي عليك التهم بس ماعندهم شي سيارة كويسة وجنوط جديدة آخر شي غيرو لي كفرين وانا طبعا لاحظت ان الفني يركب كفر ويشيكه بالمكينة ثم يفكه ويروح يجيب ثاني هنا انا وصلت للقناعة ان كفراتهم مضروبة.
طلعت من عندهم ونفس الرجة بس اخف شوي بس مازالت ترج طبعا دقيت على المشرف عندهم وقلت له ان الرجة ماراحت قالي خلاص رح ركب كفرات وجب كفراتنا ونرجع لك دراهمك.
رحت اخذت لي جولة على وكالات الكفرات وحصلت كونتانينتال ب 680 بس مخزون 2014 وضمان سنتين، يوكوهاما ب 550 نفس شد بلد الكابرس، بريدجستون الطلائع ب 680 تورانزا، بيريلي ب 800 ، ميشلان ب 580 ، طبعاً كلها كفرات ممتازة رغم ان اسعارها غالية شوي واللي خلاني ما اجزم اني خفت اتخسر ونفس المشكلة خاصة اني جربت ثلاث كفرات فمهب معقولة يصيرو كلهم مضروبين.
مريت بن شيهون وحصلت عندهم Hankook Optimo K415 ب 370 وشكله حليو وقلت توكل على الله واطلع اجرب وكنها مسطرة ما شاء الله، لا رجة ولاشي لدرجة ان واحد من الكفرات ما احتاج وزن طلع صفر ما شاء الله وانتهت أخيرا معاناة أربع شهور الحمدلله.
فتخيلوا ثلاث اطقم تويو وسوموتومو وكوبر كلها مضروبة مع العلم ان اثنين منهم من وكيلهم القحطاني والعمودي.
فاذا ركبت كفرات ورجو افحصهم ولا تقول جديدات ترا ممكن يطلعون مضروبات طبعا ممكن يكون سوء تخزين أو عيب تصنيعي.
إذا عندك رجة أول شي رصص إذا ماراحت افحص الجنوط والكفرات واذا كلهم سليمات فافحص جلد المقصات والاذرعة وافحص الرمان وهذا عن طريق رفع الكفر ومحاولة هزه وشف اذا فيه فضاوة أو لا.
أدري طولت عليكم بس الصراحة مغبون وما ابي احد يطيح باللي طحت فيه.
