مكيف كرايسلر 300c V6 3.5L 2007 صراحة بيجنني ,,
المكيف كان شغال زي العسل وتبريد افضل مايكون وبعد ماجا فصل الشتاء ,, قلت بجرب الهواء الحار ومن هنا بدت المعضلة !! :smilie20:
حطيت المكيف على الهواء الحار ورجعته بارد وبعد كم يوم طلعت اصوات الطقطقة المزعجه الي عند الطبلون جهة السواق ,, ومن بعدها صار المكيف يطلع هواء عادي جهة الراكب وبارد جهة السواق ,,
المهم شفت موضوع واحد من الاخوان عن ان المشكلة ممكن تكون من ماطور توزيع الهواء في هذا الموضوع
http://lx-club.com/vb/t15680.html
وطبقت شرحه وبدلت الماطور بواحد جديد وصارت العكس جهة السواق هواء عادي والراكب هواء بارد :a120(115): والمشكلة ان جهة السواق مهما حطيت الدرجة سواء حار او بارد يظل يطلع هواء عادي ,, اما جهة الراكب فصار يشتغل ممتاز سواء الحار او البارد ..
وديتها عند كم ورشة جالسين يتفلسفون و يقولون لي الفريون ناقص وااثاني يقول ثلاجتك فيها تهريب ويبي يفكها :bigggrin: يعني بالعقل المكيف يبرد كيف يقولي ان الفريون ناقص وتهريب !!
فصلت اصبع البطارية السالب ورجعته ماصار شي نفس المشكلة ,, وللمعلومية للراكب مفتاح للتحكم بالحرارة والبروده والسواق له مفتاح خاص ,, نفس هالصورة
محتاج استشاراتكم شباب
