مشكله في قير مرسيدس CLS 2013

Ml5b6 @user_76548 · 08-03-2016

السلام عليكم ..

طال عمركم قدر الله علي وسويت حادث انا اعتبره بسيط بس قدر الله وصارات هالمشاكل .. الحادث من الامام وغيرت الكبوت والشبك وجسر الصدام وبعد القطع اللي ما تاثر .. المهم اني بعد كم يوم دقو علي الورشه وقالي ان براده الرديتر منكسره والمعروف ان البرادة مقسومه وتبرد مويه الرديتر وزيت القير .. المهم ان الزيت والمويه انخلطو وسحبها القير :smilie20:..

خلصو السياره وخذتها امس وقال كل شي تمام بس غير زيت القير وزيت المكينه .. رحت مشيت عليها اقل من كيلو وما تعديت 20 كم علشان امشي بالاول بس .. وصلت اقرب محل تغيير زيت وغير زيت المكينه وزيت القير وفلتر القير .. خلصت شغلت السياره ومشت الا القير فيه مشكله ويحن مع التغيير و اذا غير نتع نتعه قويه .. انا هنا ضاق صدري قلت بس القير يبيله توظيب ... الله يستر:c0038:

الحين السياره واقفه وافكر اوديها الوكاله بسطحا يكشفون عليها بس ابي شوركم اول .. اوديها الوكاله والا بيزرفوني .. تعرفون ورشه كويسه وتخاف الله .. لاني سمعت كثير عن مشاكل الحساس و وممكن تنحل المشكله مع تغغيره

ابي رايكم لا هنتو

anas2912 @user_47197 · 04-04-2016

أكشف بكمبيوتر ستار حق الشركه بيظهر معك العطل

غالب مشاكل القير 7G من شريحة القير

وأغلب الورش المهتمه بتفحصها وتغيرها وتبرمج الجديد

الأهم هو الكشف بستار دياجنوسيس وبيظهر معك كود العطل ... امسحه وجرب السياره
لو رجع غير التالف فقط

super_safari @user_201024 · 29-03-2016

طالما إنت ملتزم بالزيت المخصص بالمشكلة إما خلل حساسات أو توسخ مخ القير. و كلا المشكلتين سهلات.
لكن الحساسات لبعض السيارات ما تنباع لحالها , إلا مخ القير كامل , و سعرها في سيارتك قريب الـ 5000 ريال.
لكن لو رحت ورشات متخصصة مرسيدس إلا تلاقي عنده قطع. هذه فائدة المراكز المتخصصة.

Ml5b6 @user_76548 صاحب الموضوع · 28-03-2016

هلا وسهلا .. لا والله واول مره لا غيرتها عادي .. بس الحين لا مغير بحق الوكاله ..

الحمد لله و أتمنى لك زوال المشكلة تمامًا. لو شغلة نتعة بس فحلها بغير التوضيب.

كيف احلها بغير التوضيب ؟ .. الحساس له دخل ؟ .. والا اغير الزيت كل اسبوع ممكن تتنظف

راعي الكراون @user_5039 · 28-03-2016

عندنا CLS و خلط موية و زيت مبر القير... طبعًا غيرنا القير الي هو 7G كلفنا 10آلاف تقريبًا بس قير نظيف ما شاء الله ماشي 20 ألف كيلو.
لكن إن شاء الله مشكتلك بسيطة

super_safari @user_201024 · 27-03-2016

الحمد لله و أتمنى لك زوال المشكلة تمامًا. لو شغلة نتعة بس فحلها بغير التوضيب.
فحص حساسات القير يتم بواسطة الجهاز المتخصص لماركة السيارة فقط. و كما ذكرنا سابقًا , هل استخدمت الزيت المخصص لسيارتك ؟

Ml5b6 @user_76548 صاحب الموضوع · 27-03-2016

معليش ع التاخير ..

بعد استخدام لمده 5 ايام .. خفت الطقه وبطء التغيير كثييير الحمد لله

طبعا هو يغير بس احيانا يكون التغيير قوي مع نتعه .. واحيانا يتاخر ..

بالنسبه للحساسات .. اقدر اشيك عليها في اي محل او لازم ورشه معروفه ؟

super_safari @user_201024 · 22-03-2016

أرجو أن تشرح أكثر:
هل يستمر القير على النمرة الأولى فقط و لا ينقل إلى الثانية ؟
هل تبديل النمر يتأخر .. يعني تحدث النقلات بعد ارتفاع ملحوظ في RPM ؟
حل صادفت حالة فضاوة القير فجأة أثناء مشية السيارة ؟

اوتشيها مادارا @user_288814 · 22-03-2016

غريب جدا سيارة موديل 2013 ويصير فيه كل هذه المشكلة في القير

يا اخي سيارتك على الضمان بدلها بالضمان لكن قبل هذا كله

انت سيارتك كانت كويسة قبل تغيير الزيت والفلتر وما صارت البلوة الا بعد تغيير الزيت

تأكد من القراءات للحساسات وخذ مقياس الملتي ميتر وتأكد ان قراءات الحساسات متساوية والضعيفة هي اللي فيها الخلل

مسلوقه @user_310932 · 21-03-2016

اكشف على الحساس؟ ممكن تكون المشكله منه ولو تطلع لردودي فوق تعرف ليه

Ml5b6 @user_76548 صاحب الموضوع · 21-03-2016

يعطيكم العافيه ع الرود ومعليش ع الرد المتاخر ..

تم فك مخ القير وتنظيف وتحسن تحسن خفيف .. التغيير القوي والفضاوه للحين فيه ..

شكل اخرها بوضب القير او باخذ واح مستعمل .. ابي رايكم في هالوضع

بالنسبه للحساس .. هل ينفع اكشف ؟ مع اني ما اتوقع لان الوضع واضح لن فيه بقايا كلتشات في المخ

super_safari @user_201024 · 09-03-2016

و عليكم السلام و رحمة الله

الفضاوة الحاصلة عند نقل النمر بسبب ضعف في سحب زيت القير. و هذا يُفسر بعدة بأحد ما يلي:
* الزيت ثقيل و ليس المخصص من صانع السيارة.
* انسداد في الفلتر أو في أيٍّ جزء يمر فيه الزيت.. ربما الطرمبة و ربما مواسير نقل الزيت إلى المبرد و ربما المسارت على جدار جرم القير.

فربما تغيير الزيت و الفلتر ما فادك (على افتراض أنك التزمت بالزيت المخصص) بسبب هذا الانسداد.
و أفيدك أن زيت قير المرسيدس هو نفسه المستخدم في قيرات دودج و كرايسلر ATF+4 ؛ لأن قيراتهم أصلاً كانت من مرسيدس قبل انفصال الشركتين و ما زالوا يستخدمون الزيت إلى الآن. هذا لو لقيت فرق في سعر العلبة يعني.

مسلوقه @user_310932 · 08-03-2016

اعرف واحد صارتله مشكله زي مشكلتك وطلع الحساس حق القير خربان اكشف على الحساس مراح تخسر شيء
وطبعا اوصيك بوصية اخوي بشير

بشير حسن @user_264966 · 08-03-2016

عليكم السلام

أولا / الحمدلله على سلامتك

ثانيا / أنت تقول أنه تم تغيير زيت وفلتر القير هل تم استخدام الزيت المخصص لنوع القير وموديل السيارة المخصص من قبل المصنع ؟؟؟

عموما ماراح تستفيد حتى مع تغيير زيت وفلتر القير لأنه ضروري يتم فك مخ القير " الفآلف بدي " The transmission valve body عند ورشة مختصه بالمرسيدس أو لدى الوكالة دام أنه السيارة موديلها حديث وتنظيفه مع التشييك على سلامة المشغلات solenoids والحساسات مع أهمية عمل فحص للسيارة بالكمبيوتر