تلاعب شركة العيسى في ضمان البطاريات

والله ياخوي السكوت ارحم ما ادري وش اقول لك . إذا الحمراني أسوأ من العيسى فعلى نيسان السلام. معنى كلامك أن نيسان مو مهتمة بالسوق السعودية وهذا دليل ان شركة نيسان تتخبط ومستحيل تنافس داخل السعودية وبالتالي خل سياراتهم لهم إذا هذا أسلوبهم.
من سياسة نيسان الخاطئة اهمالهم السوق السعودية من سنة 2010 إلى 2013 وعدم تواجد وكيل وأدى ذلك إلى سحب الثقة من العملاء داخل السعودية.
في السابق كان لدي سيارة تويوتا وادخل الصيانة بدون موعد وسيارة البيت والاخوان والزملاء كلها تويوتا ولكزس ما سمعت احد اشتكى من عدم توفر قطع الغيار.
وازيدك من الشعر بيت كانت وكالة عبداللطيف جميل تفتح 24 ساعة لاستقبال السيارات.
أما وزارة التجارة موقفها سلبي من العيسى . كل مرة اروح الوكالة أقابل 5 إلى 6 عملاء معهم خطابات من وزارة التجارة . اصلا اول ما تناقش موظف الصيانة يقول لك دق على خدمة العملاء للعيسى إذا عندك شكوى أو كلم وزارة التجارة علينا كثير شكاوي ويكلمك من طرف خشمه ومو هامه شي.
لو موقف وزارة التجارة قوي كان اقفلوا الوكاله مع غرامة مادية وتشهير.

محرك الباترول 320 قتلته صحيح لكن كان حصري لسوق الشرق الاوسط هذا المحرك
ومحرك 6 سلندر حصري لسوق السرق الاوسط هي هيد

لان كل الاسواق يباع عندهم الباترول محرك واحد هو 400 حصان بس


اووف رود كان الاكستيرا وهو منتج امريكي وتوقف من انتاجه بالسوق الامريكي


كان ينتج الباثفايندر الكلاسيك من اسبانيا

توقف وبينتج سيارة اووف رود على النافارا ويكون اسباني

ونفتك من اي شى امريكي لانهم مهب راعي اووف رود هم يبون كروس اوفر


قرارات نيسان غبيره في بعض امورها

لكن وكيلدمثل الحمراني هو اللي موت الشركة بسوقنا

رح شف نيسان بجميع دول الخليج كيف ماشبه

وفي الاسواق الامريكية كيف ماشيه


وعندنا مقتوله ومين قتلها الحمراني ووص العالم تدافع عنه وهو اللي بهذلنا


العيسى سيى لكنه ارحم منه بواجد

دام فيه وكيلين وداخل بترومين من ثلاث شهور بيريحنا

بعد


لا تقارن تويوتا لها سنين طويله بوكيل صاحي


بنيسان توها داخلة بوكيلين جدد بعد الحمراني

ماغثيتك بوزارة التجارة انا اعلمك كيف تقدر تاخذ حقك من الوكيل !!!
موزين تويوتا المعتمدين

ماعنده كل القطع لسيارات تويوتا متوفرة

انا سابقا كان معي لكزس LS460 ثلاث ارباع قطعها ماتتوفر بالموزعين لازم اروح للوكالة وانطق 20 يوم لين استلمها


ونفس الحالة بسيارات تويوتا عندي فورتشنر في قطع حفرت لين لقيتها

صحيح موجودة بس لازم انتظر اسبوعين او اروح للنهدي واذا ماحصلتها عند النهدي اروح الضحيان ويمكن احصلها

لكن نفس هذولي الموزعين المعتمدين يبعون قطع غيار تويوتا تجاري وهو اللي دارج في سيارات تويوتا حاليا وتباع اكثر من قطع تويوتا الاصلية لان اسعار الاصلي من تويوتا فلكية

تحياتي لك

جربت العضيب بسيارات غير تويوتا ومن ضمنها سيارتي الالتيما سويت وزن اذرعة وترصيص ارضي للكفرات للاسف اسعاره فلكيه واغلى من الوكلاء و الورش

ترصيص ارضي للكفرات 150 ريال !!!! يقول هلشان جنط سيارتك كبير


هو متخصص لتويوتا ولكزس فقط في قطع الميكانيكية غير تويوتا مايقدر

طيب لا قدر الله الليد خرب دقدر تستبدله ؟؟؟؟
طبعا لا

لازم تدقق على مل صغيرة وكبيره هذا حقك ولازم تحفظ حقك

لا الوزارة عندها اكثر من 1000 حالة غيرك ياخوي خالد
واكيد الموظف ماشرح لك او انه جديد مثل ماذكرت لك
هم حطوا لائحة وانت تستنتج منها وتعرف حقك بكل صغيرة وكبيره

اوضح اكثر

يعني لازم تعرف المادة اللي تخصك بالقطعة حقتك وتطبقها مع الوكيل مثل العيسى اذا جحد تقدر تحجره بالماده وغصب عنه يمشي معك ويعوضك ويعطيك ضمان عليها لو خربت

وفي تقيم شامل للوكلاء اذا كثرت اللائحة السودة على الوكيل وعدم توفيره لكل شى وتلاعب باكمل الانظمه

وزارة التجارة ترفع تقرير كامل للشركة الام يتم سحب الوكالة منه
وهذه ايضا موجودة في قائمة وزارة التجارة بس للاسف الناس ماتبي تقرا ولا تبي تاخذ حقها عن قولت انا ماني فاضي !!!

اذا تبي اكتب موضوع كامل عن هذه الخاصية كيف تاخذ حقك بالقطع الغيار او تعويضك او اجراءات الاستدعاء او السيارات البديلة مستعد اكتبها

يا السكوت الرحم اشغلتنا بوزارة التجارة طالب ولا تطالب ليش تجبرن اروح للوكالة اذا بغيت قطع ما ابغى الوكالة ابغاه يوفر القطع عند الموزعين
تويوتا بكل فرع مسجل كم تجلس القطعة حتى توصلك حتى عند الموزعين
اذا جيت قبل الساعة 8 بكرا تكون القطعة عندك
اذا جيت بعد الساعة 8 يجي بعده بيوم
طلبية من اليابان 14 يوم
تويوتا 95% من القطع تحصلة عند الموزعين نادر جدا تحتاجا لوكالة
تقول اذا جلست السيارة 14 يوم اشتكهم على وزارة التجارة اذا جلست السيارة المدة ذي احرق به
انا لست متعصب لشركة واقاتل علشانه انا متحمس لنيسان لاكن السياسة الحالية لنيسان محبطة جدا من الغاء بعض السيارات الاف رود والغاء محرك الثمانية 320 للباترول ومصير الفتك المجهول والنافارا مع انه فيه محاولات لرفع حصته بالسوق وانا دايم اقول ماينافس تويوتا الا نيسان بالسعودية والمنافسة من صالحنا كمستهلكين

ما سببت لي ازعاج ردودك ؟؟؟

تكلم بالمنطقية فقط انت مشكلتك نيسان كشركة وليس كوكيل او وكلاء نيسان او نيسان الشرق الاوسط عزيزي


كلام الطفولي حقك اقدر ارد عليه بالمثل بسالة قوية ودي اصدق او بسالفة DS بما انك ماجربت CVT الجديد من نيسان فلا تتكلم ومسوي تمسكني باليد اللي توجعني واللي جربوا الماكسيما والالتيما الشكل الاخير يأكدون كلامي


ما اعرف الوكلاء ولا لي علاقة معهم انا ابيك تفهم شى واحد

جربت سيارات نيسان الجديدة التيما وماكسيما بجير الجديد CVT اتمنى تجربها وبعدين اطرح تجرب هنا وانا متاكد راح تغير نظريتك


حتى انت ذكرت سالفة البوري الهرن وقلت لك من خط الانتاج تجينا كذا للشرق الاوسط بما ان الاكستيرا و الارمادا و الباثفايندر كلهم صناعتهم امريكا اتكلم عن سنة 2015 اصوات البوري حقهم امريكي لان مصنع اللي طلعت منه يختلف عن المصنع اللي طلع منه الالتيماتط و الماكسيما والالتيما تصنع في مصنعين مختلفين في السوق الامريكي

والباترول ياباني الصنع وصوت البوري حقه امريكي !!!!


ومسألة قوية ودي اصدق !!!

بما ان سيارتي من العيسى ومديلها جديد وقلت متوفرة من الصدام للصدام لكن تعال لسنة 2012 بنفس السنة اللي شريت سيارتي كانت قطع الالتيما 2012 و باترول 2009 غير متوفرة وهذه بسبب الحمراني حبيبكم اللي انا عانيت منه كثير

فأنا ما اجيب كلام من واسي فعلا العيسى وفر قطع نيسان بالموديلات اللي مسكها من 2013 وطالع وهو ملزوم ايضا بسند من وزارة التجارة توفير القطع للموديلات السابقة وبدا يوفرها بما انها سابقا غير متوفرة من وكالة الحمراني

(((كلامي جدا واضح وين ودك تصدق )))


لي تجارب كثيره مع او تاريخ مثل ماذكرت مع الحمراني من 1998 لين 2010 وكانت اسواء ايامه 2007 لين 2011

وهي معروفه كوارث الحمراني

1- يلطع بتسليم السيارات من شهرين لين ثلاث شهور
2- ماعندهم معلومات عن المواصفات و اسعار السيارات
3- يبع للعملاء سيارات عرض وباع لخويي ماكسيما 2010 حقت عرض مكسورة ديكوراتها ومتوصخة المراتب لان خويي مافحص السيارة
4- قطع الغيار اجلس شهرين وفوق هذا لازم استماره !!!
5- مراكز الصيانة ماتعرف تفرق بين ماكسيما و التيما !!!


العيسى ارحم منه بفارق ضوئية خلال 3 سنين اللي مسك فيها وكالة نيسان عن الحمراني كتجربة من 1998 لين 2011

العيسى اذا طول بتسلم السيارة شهر

متوفرة جميع السيارات خاصة الالتيما 4 سلندر و 6 سلندر اللي ماكان يوفرها الحمراني علشان ماتخرب سوق الماكسيما
تحياتي لك

العضيب مو ميزان ووزن اذرعة بس. العضيب عنده جميع الخدمات الميكانيكية لسيارات تويوتا ولكزس وموفر قطع غيار وبإمكانك تزورهم

مافيه وكيل غير عبداللطيف جميل اللي فاتح بجميع مناطق المملكة في مدينه وكل محافظه وكل قريه وهذه شركة تويوتا الام كانت واقفه معه من اول وكالة له بالسعودية

اما باقي الوكلاء للاسف مافتحوا بجميع مناطق المملكة لافي الشمال ولا في الجنوب ولا في القرى

اعتمدوا الوكلاء فتح في المناطق الرئيسية

( الشرقية - الوسطى - الغربية ) فقط وباقي المناطق مسحوب عليها لازم يقطع مسافة 80 او 100 كيلو علشان يروح للوكيل
وفي نص لوزارة التجارة الوكيل يوفر هذا الشى مجانا للعميل موجودة ضمن قائمة وزارة التجارة في اللي ارسلته من قائمة 27 مادة


انا العضيب هذا حق ميزان واذرعة فقط متخصص لتويوتا ووسع نطاقه في باقي السيارات حاله حال اي واحد يفتح ميزان او محطة غيار زيت مايصنف بين الوكلاء !!!!!

أخوي السكوت أرحم.
قوانين وزارة التجارة مع الأسف ما تطبق إلا بطلعة الروح ولا تردع التاجر. انا اخذت الليد ومشيت ماني فاضي اقعد اطارد وراهم وادقق على كل صغيرة وكبيرة. من الأساس ليش ما يعاقبون الوكالة إذا لم تلتزم بالضمان وخدمة العملاء.

قوانين ولوائح وزارة التجارية مبينة بالكامل

قوانين الغش بالسيارات لها لائحة كاملة
قوانين قطع الغيار لها لائحة كاملة بالنص وتشمل الإطارات والبطارية

قوانين الاستدعاء والاعطال لها قوانين
قوانين السيارات البديل لها ايضا قائمة ولوائح


وهذه فيها 27 مادة وتتفرع باشياء كثيره

http://m.mci.gov.sa/LawsRegulations/SystemsAndRegulations/SystemOfCommercialAgencies/Pages/34-13.aspx

قريت المادات كامله وطريقة اخذ حقك انت وغيرك ؟؟

وزارة التجارة ماخلت الوكيل يسرح ويمر لك اغلب الناس ماتعرف تاخذ حقها وبعضهم يقول ياعمي خلاص ويطفش ولا يكمل الموضوع

واعتقد الموظف اللي كلمك يا انه موظف جديد او انه على نظام شركة مشغلة في الوزارة


في مفهوم القطعة حقتك اذا تأخر الوكيل ينقص من قيمة القطعة وفوق هذا يعطيك الوكيل عليها ضمان مختومة بورقة رسمية تكون نسخة عندك ونسخة عند الوزارة ويكون ضمان القطعة بالكيلوات وليس بالسنين علشان لو خربت قبل انقطاع مده ضمان عدد الكيلوات اللي مشيتها بالسيارة يجيب لك قيعه ثانية مجانا


هل طبقت الماده هذه مع الوكيل العيسى ولا بس اخذت قطعة الليد وقفلت البلاغ ؟؟؟؟

ما ادري ليش ردودي تسبب لك ازعاج ؟؟؟
طيب بغير كلامي يمكن ترضى ....( نيسان تعتبر من افضل شركات السيارات ووكلائها هم افضل الوكلاء في المنطقة وجميع قطع الغيار متوفرة حتى في البقالات والصيانة منتشرة في كل مكان وبصراحة الناس ماعندها سالفة تشتري تويوتا وكيا وهونداي وهم اسواء من نيسان بمراحل لأنهم مايفهموا العبقرية النيسانية المتمثلة في القير الخورافي cvt وما جربوا ds في القير عشان يفهموة .... مبسوط )

يا اخ السكوت ارحم ...اوقات كثيرة اشعر ان السكوت ارحم معاك ايش صاير معاك ...يعني عشان تحب نيسان او يمكن لك علاقة بوكيلها تكتب الكثير من المغالطات وتجبر الناس يصدقون واللي مايصدق يكون شاطح ...يا اخي هونها تهون الكلام اخذ وعطاء ...

اذا انت لك كم تجربة مع نيسان انا لي تاريخ معاهم ولعلمك نيسان رايح تعض اصابع الندم على الحمراني اللي كان رغم فشلة افضل من الشريطية الموجودين واذا فية امل لنيسان فهو بترومين يمكن تكون وكيل محترم ويمكن تلحق بالباقين

وقصة ان قطع الغيار متوفرة ما ادري ايش اقول لكن شعوري نفس شعور سعد الفرج ....

https://www.youtube.com/watch?v=rNomWep2elo

احب اضيف نقطة أخرى بالنسبة للعيسى أو غيره من الوكالات. ماله اي عذر ما يفتح فروع صيانة بكل مكان في المملكة . السوق كبير وفيه فرص وإذا مو قد الوكالة لا ياخذها.
على سبيل المثال شف مراكز العضيب للصيانة منتشرة في كل أنحاء مدينة الرياض وله فرع في الشرقية.
العضيب نشر الفروع بطريقة تأجير الأراضي وتأجير معدات وشغال ما شاء الله عليه.

أخوي السكوت أرحم.
انت تشعبت بالموضوع جزاك الله خير وانا داري ان الوكيل غصب عليه يوفر قطع الغيار.
بالنسبة للسيارة البديلة هذي لها أحكام مثل أن يكون الخلل عيب مصنعي وليس بإمكان العميل استخدام السيارة.
قوانين وزارة التجارة والله إني حافظها وعارفها ولكن وش الفايدة منها وأنا وغيري المئات يشتكون على الوكيل وما تأخذ حقك إلا بطلعة الروح ووزارة التجارة مخلينه يسرح ويمرح لا رقابة على الأسعار ولا الخدمة.

مانكب نيسان غير حبيبك الحمراني هذا !!! كتجربه بسيارات نيسان وجربت العيسى و الحمراني جميعهم ،


نيسان الشرق الأوسط موجودة من عام 1994 حتى الان ونجحت في الشرق الاوسط بعد مافتحوا مكتب اقليمي ولا قبل 1994 محد يسمع للشرق الاوسط وهي الوحيدة اللي تسمع وتلبي طلباء العملاء وتخدمك في كل شى زغم بعض العناصر الشىسيئين فيها الا انها ريحتني في احد يستجيب لي ويخذ حقي اذا الوكيل جحد الشى ولا تنسى ضمانهم 3 سنوات او 5 سنوات يشمل جميع دول الشرق الاوسط وهذا افضل ميزه قدموها



الحمراني :

انت تعرف من وكيل نيسان الرسمي بالسعودية ؟؟؟؟

وكيل نيسان الرسمي الاساسي هو الجفالي

يتفرع من الجفالي هم :،

الحمراني معتمد يوم كان وكيل
العيسى معتمد
بترومين معتمد

بما ان الجفالي هو الرسمي ومهب فاضي متفرغ لمرسيدس و الخزف السعودي المفروض يتركها لكنه طماع هو اللي يورد السيارات لهم حتى الان مع تنسيق كل من العيسى وبترومين


وكيل مثل الحمراني خدمته نيسان الشرق الاوسط والجفالي بالفروع وبالاعلانات بتوفير السيارات لكنه نايم داج ماعندك احد ثلاث ترباع الممملكة ماعندهم وكالة نيسان على وقته حتى صيانته بالرياض فرع واحد فقط بما ان الرياض تعتبر مهب مدينه مدن بكبر مساحتها الا انه موفر فرع واحد بس للصيانه ولا يعرفون يفرقون بين ماكسيما و التيما وداج فكريا وتسويقيا حتى الاسعار موظفينه مايعرفونه علشان اخذ قيع غيار مع زيت CVT كل شوي يغثني جب الاستماره جب الاستماره هذا هو الحمراني من يوم شريت نيسان وانا انغثيت منه حتى صياناته كانت مثل حوش الاغنام بمخرج 18 الله فكنا من ذي الوكالة


العيسى : -

سيى لكن افضل من تاريخ وسنين الحمراني اللي من فتره طويله وهو وكيل ولم يقدم شى العيسى سيئ لكنه خلال اواخر سنه 2013 كوكيل رسمي باع السيارات ونشر نيسان وشفنا الباترول بكل بنقع وطريق وباقي سيارات نيسان بالشوارع وعنده 5 مراكز صيانه و ثلاث منهم صيانات ثقيلة بالرياض لا انتم ولا انا عجبنا العيسى مع انه فتره مسكته للوكاله 3 سنين ولا عجبنا
حبيبي الشى اللي دمره الحمراني بمسيرته وكيل معتمد صعب يرجع مثل اول خلال سنتين او ثلاث او خمس سنين بعد
السعودية مساحتها كبيره والرياض او الشرقيه او الغربية مساحاتهم كبيره مهب بسيطه لازم دراسه المواقع

الرياض بما انا ساكن فيها وساكن بشمال الرياض علشان اروح لاخوياي اللي ساكن بجنوب الرياض مثل العزيزية او الشفاء استغرق 40 كيلو !!! الى 45 كيلو هذا غير الزحمات كيف تبي وكيل يقطر يغطي المملكة خلال 3 سنين و الرياض لحالها سفر لو اتمشى فيها
مهب دفاع عن العيسى لكن الواقع تجربه الاثنين كلهم سيئين والعيسى ارحم على الاقل قدر ينعش نيسان عندنا

ونيسان الشرق الاوسط جالسه تعاون العيسى و بترومين لانعاش جميع مناطق المملكة العيسى لحاله مهب قادر يغطي
التكاليف


في فرق وانا اخوك بين العيسى و الحمراني

الحمراني :
توفى الله يرحمه وعياله طلبوا الورث وطز بالناس وطز بالوكالة

العيسى :
توفى الله يرحمه و عياله كملوا مسيره ابوهم في وكالة السيارة

حتى ولد العيسى هو المسوؤل عن السيارات
اسمه / نجيب العيسى رجل متواضع لكن ادارته اللي تحته زفت في صيانات نيسان

كلامي طويل واعتذر لك بس حبيت اوضح لك فرق الاثنين

الحمراني كل اللي سواه من حساب ودعم نيسان الشرق الاوسط

الاخ / Khalid24 و الأخ / WZ1420

انا قلت غصب عنه العيسى يوفر القطع ما دافعت عنه صحيح وكيل سيئ لكنه افضل بمراحل من الحمراني اللي بهذلنا وشوه نيسان

وهذا النص تحديدا من وزارة التجارة اخر تحديث له كان في 5-3-2013

بخصوص توفير قطع الغيار غصب عن اي وكيل بالسعودية

هذا الرابط تحت اسم ( الوكالات التجارية )

http://m.mci.gov.sa/LawsRegulations/SystemsAndRegulations/SystemOfCommercialAgencies/Pages/34-12.aspx


وهذا رابط نظام مكافحة الغش التجاري اقرا نصها

http://m.mci.gov.sa/LawsRegulations/SystemsAndRegulations/SystemOfCommercialAnti-Fraud/Pages/30-7.aspx


واذا تبون اشرح لكم النص وطريقة الصحيحة وكيف تاخذ حقك من الوكيل ماديا او طريقة استدعاء السيارات انا مستعد اخدمكم واشرح لك بس شوفوا وين موقع مناسب وانا افرغ نفسي واسعادمم واكتبها لكم هنا


معليش اخوي خالد شكل موظف الوزارة جديد ماعرف كيف يخدمك !!!

لاني انا كنت بوزارة التجارة عند مكافحة الغش التجاري

شف ملفات وشكاوي العملاء على جميع الوكالات بدون استثناء احد

وكان اسواء وكلاء هم

الناغي ( هيونداي - بي ام دبليو - روز )
الجبر !! هذا كيف اخذ كيا وهو نكب نيسان بالشرقية
الحمراني

هذولي اسواء ثلاث وكلاء في السعودية الناغي هو راس القائمة
وافضل السيئين هم :،

الوعلان وعبداللطيف جميل اكثر ناس تشتكي عليهم لكنهم يخلصون الشكاوي بسرعة بعكس الوكلاء الثانيين

هذا انا شفتها بعين بقسم مكافحة الغش التجاري

لاني انا اشتكيت العيسى وسويت استدعاء وفوق هذا حاولوا يجحدوني بالسيارة البديلة خلال مده اللي كانت سيارتي بالصيانه وهي 20 يوم وقتها واخذت تعويض مادي غصب عنهم وهي بقرابه 5700 ريال قيمه سيارتي لانهم ماوفروا لي سيارة بديله

وهي حسبتها كذا

سعر سيارتي 114 الف ريال تقسيم 400 تطلع 285 ريال
285 ضرب 20 يوم تطلع 5700 ريال


واكررها لكم اذا تبون الطريقة الصحيحة وشلون تعرف حقك او طريقة الاستدعاء انا مستعد اكتبها بموضوع

بترومين وضعه مابين لحد الأن

في المبيعات تقدر تقول جيد من بدايته وفر أغلب السيارات وفيه تجربه لها بعد

لكن خدمات مابعد البيع كــ الصيانه وتوفر القطع لازال غير معلوم حاليا وننتظر التجارب وعسى الله يوفق .



شخصيا خايف من بترومين شوي !!

مراكز تغيير الزيوت لدى بترومين أسعارهم مبالغ فيها جدا جدا

أسعار الزيوت تصل لضعف سعرها الأصلي غالبا وأحيانا الضعف وزياده بعد !!

كـ تجربه سابقه : زيت كاسترول ماجنتيك 40-10 عند بترومين العلبه بــ 55 ريال

محلات بيع الجمله بــ 23-25 ريال فقط !!! وكذلك السيفون عنده أغلى من موزعين قطع الغيار

وقرأت أن بعض ملاك تويوتا لاحظ أن السيفون اللي يوفره بترومين يختلف عن اللي يوفره الوكيل

من شروط تمديد الضمان لدى العيسى انك تفحص السيارة عندهم كل 5000 كيلو . وإذا مرة فات عليك الفحص يسقط تمديد الضمان. احذروا يا إخوان من هالنقطة واقروا شروط تمديد الضمان زين.