سعر GTR بالسعودية استفسار عن طريقة للشراء

7000 شهرياً فقسط سيارة بكل صراحة أشوفها ما تستاهل
حتى لو كان راتبك 20 ألف فالأخير هي سيارة
وأنت حر فمالك والله يزيدك من واسع فضله
لكن لو كنت مكانك كان فكيت مطعم ومع الوقت تتوسع أكثر وليش لا يكون لك سلسة مطاعم بأسمك مع مجلس إدارة ومشرفين ومحاسبين وكل شي
نصيحتي لك إبدأ بالاسثمار ودامك في عز شبابك أستغل هالفرصة
شطحت عن الموضوع وأتمنى تتقبل رأيي.

.المشكلة مجموع القرض يشكل 80% من قيمة السيارة

شف اذا فيه شيء براسك خذه
لاىه مهما سويت وكابرت منتب مرتاح الا اذا خذته

انا انصحك بالمستعمل , اذكر قد حصلت جي تي ار قبل سنة
ماشية يمكن 12 الف فقط

بتحصلها ممشى قليل واسعار مميزة جدا
ولا تكتفي بالبحث بالرياض
بتحصل بجدة غالبا

بالتوفيق

اشوف انك تنتظر 6 شهور عشان تتضح الصوره الاقتصاديه للوضع الحاصل
ونصيحه اخويه هالسيارات تنفع كاش اما فكرة اقساط مااشجعك عليها نهائيا

ماانصحك بالجي تي ار

السياره صارت قديمة وOut dated

خاصة انت بتاخذ تقسيط

اذا مره صامل لاتاخذ جديد
خذ مستعمل already depreciated
استخدمها سنة طيح الي براسك
وارجع بيعها
كذا طيحة السعر تصير خفيفة

ماقصرتوا جميعا فيكم الخير والبركة وعلى الطاري اخ صالح من المعجبين بمواضيع التجارب اللي تسويها لك الف شكر على مرورك

.

اذا كنت فعلاً مقدم على الموضوع عليك انك تبعد تمااااااااااما عن فكرة تقسيط
لانهم سواء الوكالة او البنك بياخذ منك عمولة كبيرة والسيارة في الاصل قيمتها مرتفعة
والحل المثالي هو التقديم على قرض شرعي من البنك .. النسبة بتطلع عليك اقل من 2 في المية يعني لو الجي تي ار ب 400 الف مثلاً
البنك بياخذ عليك زيادة 40 الف فقط على مدى الخمس سنوات يعني القسط 400 الف + 40 الف = 440 الف ...... قسمة 60 = 7333 ريال شهري
السؤال لو قبل البنك براتبك على هذي الحسبة ... هل انت قادر على الاستغناء عن 43% من راتبك ولمدة خمس سنوات ؟؟؟ ولا تنسى انها سيارة سوبر رياضية .. يعني فواتيرها عالية ..
ادري انك متحمس لها وانا لو تدري يمكن اكثر حماسا منك لكن ... فكر فيها مرة ثانية والله يوفقنا واياك للخير

>
>
>
صحيح ، موضوع التاجير كله مشروع نصب في نصب على المواطن الضعيف ،

عموما انا رايي تاخذها من موقع حراج او معارض السيارات الفخمة مستعملة استعمال خفيف ،

هل درست موضوع الجي تي ار من كل نواحيه من ناحية قطع الغيار والصيانة والقيادة في شوارع متهالكة الرياض 2020

.