الأودي A8 الحالية هي الأقدم بين الموجود
و لكن ما يضر هذا الشي , خلينا نتكلم في السيارة نفسها.. شخصياً لا اراها تستحق هذه القيمة.. ابداً
خصوصاً مع المنافسين الظاهرين, و ابرزهم مرسيدس بنز فئة S بصراحة مرسيدس قتلت الفئة, جداً جداً جميلة و تستحق كل ريال يدفع فيها, خصوصاً الفئة الي تكون بعيدة شوي عن الرسمية منها , يعني لو كانت S600 او كت S600 تحسها سيارات ما تصلح الا لسواق.. لكن الـ S400 مع كت دايموند الي نزل بأول سنة ( 2014 ) جداً جميلة.. و شبابية ايضاً و كشخة
و فيها من المميزات اكثر مما تحلم فيه
هي من أفضل الخيارات الآن في السوق رفقة البانيميرا, الجديدة ام القديمة..
كذلك أقدر أضيف لك الجاكوار XJ , السيارة هذه بعد تغييرات 2016 تملك هدوء و فخامة عجيبة جداً, كل محركاتها قوية, 3.0 سوبرتشاجر لو تسوقه راح تتفاجئ أنه 6 سلندر !! و المحرك الثاني 5.0 لتر 8 سلندر سوبرتشارجر بقوة حوالي 470 حصان جداً قوي
و الأخير هو محرك الفئة الرياضية الـ R و هذا اقوى منهم كلهم
نرجع للأودي A8 , و خذ لك فرة على سوق المستعمل و اقصد من 2013 و أكثر.
شوف بكم اسعارها, وشوف مشاكلها.. و دقق على انها سيارات توها ما كملت حتى 4 - 5 سنوات في حياتها
الأودي سيارات غير عملية, و في هذا الوقت الي تعتبر فيه الاقدم بين كل منافسيها و الاقل مميزات, فالأفضل انك تلغي فكرة شرائها نهائياً..
الرينج روفر شهادتي فيه مجروحة, ما اقدر اقولك الا توكل على الله :)
