مكعب يمشي على الطريق ..
سيارة زي الفيل .. الأنوار والشبك جاي ضخم وكبير + ليد الأنوار تحسه جاي من الغرابي..
ما تعبوا بالتصميم ..ولا فيه أي لمسة ابداعية ..
حتى لو تبي تمطط الاكسبلورر ..بيطلع أجمل..
لأن اصلا الاكسبلورر جميل ..يعني وش المانع تسوي له تكبير ..
وتخلي الشكل أحلى ..
صراحة استهزاء وقلة حياء من الشركة .. لما تقول ان مصممين لينكون هم اللي صمموها..
هذا لعب على الذقون ..وكلام فاضي ..
وشو اللي صمموه أو اللي سووه عشان ينقال انهم اشتغلوا ؟
أتوقع صممها باستراحة الغداء على جواله ..والا هو طالع للبر..
حتى تدشينها كان باهت ..وبدون حس وخبر عنها..
داخليا
أجمل من اليوكن ..وأحب الداخلية اللي تجي مليانة أزرار ..
بس حركة القير..ما أعجبتني..
كان خليتها علاقي أو ارضي .. عشان تحس بنكهة الأمريكي..
بالنسبة لي .. خاب أملي جدا ..لأني كنت أنتظرها وقلت لنفسي انها فرصة تنزل بالشكل الجديد ..
وتضرب اليوكن والباترول واللاند ..ونستفيد كمستهلكين من حرب الأسعار ..
لكن كنسلت على السيارة وبتجه لليوكن بسبب :
- بودي الألمنيوم اللي من أصغر حادث ..تروح السيارة تشليح.
- بشاعة التصميم الخارجي ولأنه أقل من الذوق.
- محرك 6 سلندر وتيربو..يعني التيربو ما يتحمل حرارة الجو عندنا لمدة 8 شهور + تكلفته الصيانة.
- حركة القير ما فيها أي جمالية.
- الداخلية السوداء وكثرة اللون الأسود تقتل جمالية السيارة.
و اخيراً يا فور بتعودي المنافسة و نشوف الحماس و المضاربات
رأيي من ناحية التصميم
مرات اقول الجيل الحالي افضل مرات أقول الجديد أجمل
و السبب الخلوص و تصميم الصدامات للجيل الحالي افضل للطرق الوعرة بعكس الجديد
الجديد مشى على خطى التاهو دمج بين كروس و اس يو في
ولكن بكل صراحة الحالي افضل بكثير لأنه أنسب للطرق الوعره و هذي أقوى ميزه فيه تنافس التاهو
لي تحفظ على الاسطبات الخلفية و الامامية في رسم خطوطها ، شكله قلم الرسام قام يلعب معاه
عندي تعليق بسيط هو عدم الحكم بالصور الأولية و التسريبات العمد على التصوير الشخصي للسيارة
بوجهة نظري تصميم السيارة اخذ الطابع الأ,روبي بعيد كل البعد عن الروح الأمريكية المعروفة بسيارات فورد بعكس سيارات جنرال موتورز وكذلك سيارات فيات كرايسلر
طابع فورد أو بالأصح سياسة فورد تحولت بوجهتين وهو التصميم الأوروبي وتقنية والمحركات اليابانية لان سابقا كانت مع مازدا و كذلك كانت مع استون مارتن وتستخدم كذلك الاسلوب الاسترالي و الالماني لان عندها مهندسين في كل البلاد اللي ذكرتهم
تصميم الاكسبدشن أوروبي بعكس تصميم F150 ماخذ الطابع الأمريكي الهجومي
