استفسار عن قير سى فى تى ونزول العقبات

:xyxthumbs:

بارك الله فيك يالغالى

.

اتفق معك انها سقطة نظام الجير لكن انا استخدم سيارة اخوي بطرق جبلية وذكرت اشياء عنها هنا

https://www.assayyarat.com/forums/t312326.html

ايضا جربت السيارة مرة ثانية وكنت منتدب من عملي في الوجه و ضباء وحقل قبل 3 شهور تقريبا

فاتتني الطيارة اطريت اني اخذ السيارة وقطعت من الرياض الى القصيم ثم الى حائل ثم الى العلا ثم الى الوجه ثم ضباء واخيرا حقل وكل هذه الطرق كانت جبلية وخطيرة وكانت تمشي السيارة استخدم نظام اسبورت الزر الموجود في الجير صح انه مهب مثل المانول لكنه ساعدني وقابلت العضو تيسير وجرب السيارة وهو في منطقة جبلية

https://www.assayyarat.com/forums/t314051.html




للأسف هذه اغلب سيارات نيسان البواجي تكون في الثلاجة عندك الالتيما 6 سلندر و الماكسيما و الباترول و السنترا

حتى في تويوتا مثلا الافالون البواجي خلف الثلاجة صارت في معظم السيارات للأسف علشان انظمه تحسين صرفية الوقود


تحياتي لك

.
بما ان السيارة من مكتب تاجير فهي بمحرك 1.6 التعبان

انصح الوكيل بايقاف استيراد 1.6 لأنه سيء ويأثر سلبيا على سمعة السيارة

بلإضافة وهو الأهم أنه على العكس مما يعتقد الكثيرين 1.6 يستهلك بنزين أكثر من 1.8 !!

صعوبة تغيير البواجي في 1.6 والحاجة لفك الثلاجة

جزاك الله خير
قطعت الشك باليقين

.

عن تجربة السنترا 2015 شبه جديدة.و لمدة 15 يوم ايجار . بالطائف. وحواليها.
السيارة . 1- مريحة للغاية. 2- عزل ممتاز . 3- موفرة للوقود .4- جودة طيبة.
5- عزم ؟؟؟؟ شئ مُحزن جداُ فعلآ . وبالموت طلعت الشفاء وكانت تتردد بالطلوع و تود ان تعود للوراء طول الطريق لولا اني ادعس لها للاخير . علما ان مامعي ركاب الا شخصين والشنطة فارغة تماماً. ونفس الحال بالطلعات الاخرى تصيح مكانها ولاتعطي عزم لدرجة اني انحرجت من الركاب ومن المارة. المشكلة انك تواجهه بنفس الوقت والطريق طلعة ونزلة ثم طلعة والسيارة مابها عزم اصلآ. يعني يطيح عزمها بالنزول وانت تواجهه طلوع والناس وراك . بالسير. مشكلة فعلآ. وحتى لو تستخدم L بالطلوع ستواجهه مشكلة انه لايزيد عن سرعة 50 وتحنن بقوة. يعني مالها حل بالطلوع.
واما النزول فحدث ولا حرج فكنت اضع القير على L لكي لااحرق البريكات . لاكن ارتفع الضغط حتى 4 تقريباً .
6- العزم بالقومات والفزة لك عليه مايجمل للاسف .

واما السيارة بغير هذه السلبيات .
فهي ممتازة 10 / 10.

بارك الله فيكم جميعا ورزقكم من واسع فضله

فعلا سقطة ولا تنفع الا للمدن ال والطرق المستوية فقط
.

فعلا هذا اللى اقلقنى خصوصا فى المرتفعات والمنحدرات

جزاك الله خير اخوى
انا لااملكها ولكن افكر اشترى وحدة ومتردد بسبب القير

وعليكم السلام

خذ العلم الأكيد من شخص امتلك سيارات CVT وجرب انواع ناقل CVT بجميع حالاته من عددة شركات


وانا اقول هذه تعتبر غلط كبيرة من نيسان للجيل الثالث من هذا الناقل وهو الفعلي يعتبر الجيل الرابع لهم في ناقل CVT

الجيل الثاني من ناقل CVT في سيارات نيسان كان يتوفر فيه خاصية المانول ترد النمر والتعشيق كانت موجودة في الالتيما 2008 حتى 2012 وبعدها تحول النظام في فئة 4 سلندر انه يصير DS بدال المانول للاسف وهذه غلط تفوق المنافسين في هذه الخاصية .



السنترا للاسف نسخة الشرق الأوسط لا تتوفر فيها خاصية DS والسبب هو يعود ان زر أسبورت لهذه الخاصية غير متوفر في اسواقنا ومكانه هنا لبعض الاسواق وضمنها امريكا

‏



جميع سيارات نيسان CVT الحالية بدون تعشيق المانول بستثناء الالتيما 6 سلندر و الماكسيما المتوفر فيها خاصية المانول من 7 سرعات وهمية ،، فيها خاصية اسمها أسبورت عند الناقل هذه تختلف عن أسبورت الموجود في القرب من التراكشن هذا الزر يثبت كأنه يرد نمرة وهو يختلف عن L هذا جربتها بالسنترا يقوم بتثبيت عند بداية عزم الدوران 3600 RPM وهي بداية عزم محرك نيسان سنترا يثقل السيارة ويثبتها في المنعطفات الحادة ويفيد في المرتفعات و المنخفضات

هذا الزر موجود في نفس الناقل ( سبورت )


الالتيما 4 سلندر
الاكستريل
الباثفايندر
جوك
كيكس
سنترا
تيدا


اذا ضغطت هذا الزر مثلا في السنترا يثبتها عداد RPM عند 3600 وهذا بداية عزم محرك السنترا اول ماتدعس يتجاوب معك المحرك بشكل سريع. افصل هذا الزر وبعدها ادعس بنزين تلقى المحرك تأخر استجابته ولا يقبل بارتفاع عداد الكيلوات بشكل سريع الا اذا وصل عند عداد الضغط 3,6 او نقول 3600 دورة في الدقيقة ..

هذا الزر موجود بالسهم الأحمر تلقاه


‏

يعني نيسان مبرمجة هذا الزر عند بدايه عزم المحرك سواء كان 1.6 لتر او 1.8 لتر او 2.5 و 3.5 لتر كل محرك يختلف بدايه عزمه عن الثاني انا عطيتك بدايه عزم السنترا


وهذا اعتبره سقطة من نيسان صح يرد نمرة لكن المنافسين يقدمون مانول وهمي

تحياتي لك

صحيح السنترا مافيها نظام تحويل سرعات ليست مثل تويوتا كرولا وكأنها سياره كهربائيه حتى انتشارها لدى شركات التأجير قليل وانشاء الله يفيدونك الاعضاء

ماجربت تحط القير على L؟ وتشوف تضبط او لا؟

اعتقد ولا استبعد ذلك ان نظام CVT في السنترا متأخر قليلاً من ناحية التطور عن الموجود في الالتيما والسيارات الاخرى بحكم ان ماعندك خاصية تغيير اليدوي في هذه الفئة واعتقد معظم الفئات فيها هذي الخاصية

جزاك الله خير

ان شاء الله احاول استأجر واشوف

انا بحثت فى اليوتيوب للتجارب مالقيت

اخي الفاضل

نزلت وطلعت بالالتيما 2017 2017 في عقبة ابها في طريقي الى جيزان.

النزول : اضع القير على Ds وهذا الاسبورت اسفل ال D العادي ولاحظت ان السياره ممسوكه معي وعداد الآر بي ام مرتفع قليلا مقارنةبه على الD العادي وهذا شيء متوقع لزيادة عزم السياره وتقليل سرعتها. وكانت حاجتي الى الفرامل قليله.

الطلوع: احتجت ل Ds عشان احافظ على عزم السياره للوصول الى السرعه المطلوبه. كان فيه ارتفاع جدا بسيط في حرارة السياره ( الالتيما حرارتها على الربع دائما ) لكن ما وصلت الى الثلث.

باختصار ...استمتعت بقيادها رغم تخوفي من قير السي في تي في البدايه لكنه اثبت جدارته.

اتمنى اكون افدتك

.بالنسبة للنزول القير مجرد ماتنزل يرتفع عداد الضغط بدون تعشيق فيه عندك زر سبورت او وضعه بنمرة ال وبالنهاية كلهن يبي يجيبن السرعة القصوى
فية برمجة غبية اي نزول يرتفع عداد الضغط واذا ضغط فرامل يثبت حشيش من نوع فاخر
النزول موفر للوقود المفروض مايرتفع الا مع البريك

جزاك الله خير على الرد
السنترا مافيها تبترونيك لو فيها ماكان سالت
لاحظ صورة القير فيها فقط الدى ونمرة واحدة ثقيل فقط