اخوي واحد من العيال عنده ماكسيما 2004 اقل نوع طبلونه عادي
اشترى من التشليح طبلون ليزر قلنا خدو السياره وروحو ركبوه
رحنا ابو لهب ودورنا احد يركب واحد مصري قال ب100 سبيته ومشيت واحد هندي قال طيب بعدين قال الكلبسات تختلف واحد فنان في كل شي سالناه صرفنا قال مااعرف
لاحوووول ايش نسوي كلمت واحد من العيال كلنا عندنا ماكسيمات قلنا خلينا نحنا نركبه بنفسنا
والله بس مسمارين تفك الغطاء و4 مسامير تفك الطبلون وتلاقي من ورا 3 كلبسات)افياش) فكيناها وركبنا الطبلون الجديد لقيناه شغال بس لمبة الايرباق كانت شغاله لأنه السياره اللي اخدنا الطبلون منها انصقعت وطلع الايرباق المهم فكينا الطبلون وكسرنا اللمبه لأنه السياره هذه مافيها ايرباق اصلا
ورجعنا لقينا كلللللللللل شي تمام ماعدا وحده مشكله
السياره موديل 2004 ماشيه 4000 كيلو بس
الطبلون مكتوب 83 الف كيلو لأنه طبلون سياره مستعمله وماشيه
قلنا يارجال لو وديتهاالشركه رجع الطبلون القديم وكم ماشي 4 الاف بس خخخخخخخ حتى لمن يبيعها نفس الشي
