باترول 6 سلندر تيتانيوم ولا لاندكروزر 8 سلندر GXR

مبروك اخوي stroker الباترول خيار جيد يعطيك خيره ويكفيك شره

شكوا للجميع وبالأخص اخوي بن نيسان :).

. .يعطيكم العافيه يا شباب
حبيت اقولكم ان شريت ال 2019 بلاتينيوم 6 سلندر
قسما بالله استغرب من الي يقول ان المكينه ما اتشيله
المكينه مرتاحه والسحبه ممتازه والموتر ناعم ما شاء الله
التكييف ممتاز ( مع انه شتا حاليا )
استهلاك الوقود أيضا ممتاز
سياره عائليه و شبابيه نفس الوقت
استعمال بالمدينة وعلى الخط ممتاز
ماشي 120 والضغط 2000 ار بي ام مرتاح

توني خالص تمرين وبجرب مع الربع لاند جي اكس 4.6 و بخبركم :)

مقارنه مع اللاندكروزر 2019 جراند تورنج الي نفس سعره الباترول بلاتينيوم 2019

لا فخامه
لا سواقه
لا شكل داخلي ولا خارجي
لا استهلاك بانزين

باقي التجربه ( بالشارع طبعا )

بجرب وبخبركم ان شاء الله و اي سؤال انا حاضر

.

ان شاء الله خيار موفق

مبروك مقدماً

بن نيسان
شكلي باجر بروح اخلص مع وكالة نيسان
مريت شفت اللاند 2019 نسخة جراند تورنج

صراحه الباترول لحد الحين متفوق عليه ك شكل

المكيف كفاءته جيدة جدا وبارد سواء الامامي او الخلفي

والسيارة صار لها سنتين عندي وماشية تقريبا 50 الف ، ولا مره وديتها الوكيل للصيانة ، كل الي اعمله صيانات سريعة بالخارج عند الحاجة مثلا بدلت اقمشة فرامل مره واحدة عند ممشى 40 الف ، وفلتر مكيف بقيمته 40 ريال

حد علمي ال 6 سلندر ما في مشاكل بالتكييف

احرص على كفاءة المكيف

خذلك سيدان او كروس اوفر فاخر بسعر الباترول اوفر بنزين وافخم واحدث
خصوصا انه لايوجد مناطق وعرة عندكم في الكويت
لكن لو كنت راعي مكشات وتروح للخفجي وحفر الباطن وقتها اشتر جيب دفع رباعي ..

.هلا بالشباب
ال 2019 توه نزل مع لونين جدد بس. مافي اي تغيير ثاني

احترت يا الربع
سيارتي الي عندي بخليه للدوام والجديده حق الاستعمال بالعاصمة او طلعات

لكزس نزلوا الجيل اليديد من ES350 والفل سعرها نفس سعر الباترول

وكيل اللكزس عندنا فوق الممتاز مقارنه اب نيسان الي عليه شكاوي نسبيا

شرايكم؟

هلا بالشباب
تمت تجربة باترول 6 سلندر بلاتينيوم سيتي بالخط وصحيح كلامكم السحبه لا تقارن باللاند 8 سلندر حتى ولكن الممشى يناسبني لاني مو راعي طعوس ولا سباق

الممشى ناعم وما فيه حنه بالمره تبارك الرحمن

ال 2018 زياده فيه الكاميرا الخلفية المرتفعة + فتحات يو اس بي بالخلف

لاحظت المكيف ممتاز وبارد وتعمدت اجربه الظهر بعد و قالي موظف نيسان الموتر صار مروحتين من بعد 2016 ف ما عاد فيه مشكلة حراره

الف شكر اخواني وحاضر لو عندكم اي سؤال

مشكور وما قصرت يا الطيب
اذكر الوكاله قالي الباترول الشكل الجديد اب ينزل 2019 و اللاند اب ينزل 2020

احترت والله :(

المصيبه حتى ماني لاقي باترول 6 سلندر أجار علشان اجربه واشوف الملاحظات الي ذكرتوها ههههه

صحيح الامريكي مشكلة الكبرى بالكهرباء على مستوى العالم تشتكي منه حتى سوق الصيني ذكر هذا الشى

لكن اذا تبي سيارة عملية مثل اول صعب تحصلها لجميع الشركات مهما كانت العلامة التجارية اللي بيحافظ على عمر السيارة اهتمامك بالصيانة الدورية مهما كانت طريقة قيادتك للسيارة ...

بخصوص الحنه محرك 5.6 لتر قوي جدا ولا فيه اي حنه مشكلة هذا المحرك هو اختلف بالنسخة العالمية مقارنة بالنسخة الامريكية بسبب نوع الوقود وبرضوا صوت النسخ الامريكية يكون افضل الكل يعرف الامريكيين يحبون أصوات 8 سلندر لكن النسخة العالمية نيسان مقفلة صوت الأقزوزت و تقنية الحقن المباشر هو يكون خارج غرفه الاحتراق مختلفة عن المنافسين بطريقة احتراق الوقود علشان يعطي اداء افضل وهذا معلومات المحرك

https://www.engine-specs.net/nissan/vk56vd.html


وهذا نوع الناقل الخاص فيه

http://www.motospecs.com.au/assets/files/downloads/Nissan_Jatco_RE7R01A_JR710E.pdf

الناقل 7 سرعات نسب التروس قصيرة جدا يعني يغير النمر اللي بعدها بشكل سريع المحرك مرتاح هذا اللي يميزه يقبل التسارع بشكل قوي او بشكل قيادة عادية



هذا تجربة لواحد كويتي لنسخة التيتانيوم وماشاء الله عليه فاهم بالسيارات شف المقطع كامل بيعجبك

‏https://youtu.be/15kgRt8hmEc

عيوب الباترول :


1- انت جيت في اواخر حياة الباترول وقرب نهاية هذا الجيل بمعنى انه عمر سيارات SUV اليابانية من بين 9 سنوات الى 11 سنة ويتغير بعكس الامريكي كل 5-6 سنوات يتغير

2- عرض السيارة بالقيادة ماراح تحس بالعرض السيارة لكن بيتعبك في المواقف العامة

3- التابلوه و انظمة الترفيه تعتبر استهلكت مع انه من أوائل الشركات اللي تقدم لك مزايا من 2009 ماطلعت عند المنافسين الا في موديلات 2015- في الامريكي و لاندكروزر 2016 يعني الباترول سابق عصره لكن التابلوه قديم

4- الإضاءات ضعيفة مقارنة باللاندكروز في الليل عدسته الإضاءات صغيره

5- أوكتان البنزين للمحرك جدا عالية ماراح تقبل الا 95 الى 98 لايعطيك اداء 400 حصان ولا يقبل أوكتان 91



اذا تبي باترول انا اقول شيل من رأسك محرك 6 سلندر لان الجير 7 سرعات استجابته افضل يكون لمحرك نيسان 6 سلندر القوية مثل 3.7 لتر في Z ولا محركات نيسان 8 سلندر اما باترول 6 سلندر تحس ان الجير كسول بسبب تواضع المحرك

دام الباترول في اخر أجياله انا اقول تشوف لك مستخدم نظيف افضل لك وتوفر فلوسك خلال 3 سنوات بيعجبك وماتحس انك دفعت كثير وتتحسف مستقبلا

تقدر تشتري باترول مثلا من السعودية او الإمارات من اي مكان ضمان نيسان الشرق الاوسط موحد لهذه الدول وتحديدا دول الخليج يعني تشتري سيارة من الكويت تقدر تزين صيانتها في السعودية وضمان ماشي بس شف لك مستخدم نظيف نسخة تيتانيوم


اذا تفكر في باترول 6 سلندر انا اقول لك خذ لاندكروزر 8 سلندر افضل بك حتى وان كان محركه متواضع 4.6 لتر وغيار الجير 6 سرعات لكن عبير لاندكروزر GX-R داخليته متواضعة مقارنة في VX-R و VX-S


اذا اخترت وحدة من السيارتين لا تشتريهم جديد شف لك مستخدم نظيف لان نهايتهم قربت كل من الباترول و الاندكروزو بيتغيرون خلال 3 سنوات الجاية


كلامي طويل لكن حبيت أوضح أمور كثير علشان ماتضيع فلوسك على الفاضي

.هلا اخوي السكوت أرحم

الامريكي كوالتي تعبان ووكالات تعبانه اكثر
مالي بالأمريكي كلش

تويوتا جبار وما عليه كلام طبعا بس مليت وودي أغير. البيت كله لاندكروزرات والحين حاليا برادو ههههههههههه

قلت بكسر وبجرب الباترول ومثل ما قلتلك انا مو راعي طعوس ولا بر. اهم شي يكون مريح حق 100 كيلو رابح راجع للدوام + فخامه قفت معاي العايله او الأولاد

باترول 8 سلندر بلاتينيوم اغلى بالسعر وسمعت ان مكينته اتحن ومعاونته هايدروليك وتخرب بسرعه

الا بسألك.... موضوع الصرصره بالسياره تفادوه بالموديلات 17-18 ولا للحين موجود ؟
لان لاحظت منتشره هالمشكله كثير بالباترول

انصحك تستخدم سيارات SUV الامريكية وخاصة يوكن او اكسبدشن الجديد اذا انت مهب راعي طرق وعرة وفرق صرفية البنزين بتكون افور بالسيارات الامريكية بسبب تصميم هيكل السيارة باساسي دفع خلفي ومن سيارات البيك اب كبيرة الحجم


سيارات مثل لاندكروزر فهي مخصصة للطرق الوعرة وراح تكون متعبة لك من ناحية الراحة مع ان اللاند كروزر فيه خاصية حلوة وهو امتصاص الطرق الغير معبدة ويعطيها شعور بالراحة لكن بشكل عام لا يتقارن بالراحة الامريكية



وانت تعرف جيدا عيب سيارات تويوتا تحديد SUV في الفرامل وانت كمستخدم للبرادو اكيد واجهتك مشكلة ضغط الفرامل تحس بصعوبة انها تمسك وهذه جربتها في الفورتشنر ولاندكروزر و اف جي


الباترول هو خليط بين سيارات الطرق الوعرة مثل اللاندكروزر ومثل السيارات الامريكية SUV يمتلك الراحة الكاملة واقارنة في فورد اكسبدشن بمثابة الراحة

شخصية جربت الباترول 6 سلندر بشكل مطول وكان نسخة بلاتينيوم

https://www.assayyarat.com/forums/t304701.html



انصحك فيه بنسبة 65% لكن بالمحركات راح افضل محرك لاندكروزر 8 سلندر على نسخة نيسان باترول 6 سلندر رغم تفوق التورق لصالح النيسان كتوزيع قوة المحرك لين العجلات نيسان افضل لكن كعزم تويوتا افضل من ناحية 8 سلندر مقارنة ب 6 سلندر


تيتانيوم غير متوفرة بنسخة 6 سلندر فقط محصورة بمحرك 8 سلندر ومحرك 8 سلندر لا يقبل اوكتان اقل من 95 ويفضل استخدام اوكتان 98 علشان تاخذ 400 حصان بشكل اكبر مع تشتت هذه القوة لين الكفرات


اذا بتاخذ باترول اما نسخة 8 سلندر 400 حصان او تشوف لك بديل ليس بسبب قوة المحرك او مقارنة بالصرفية حجم السيارة ثقيل جدا كوزن 2795 كيلو بمثابة 2.8 طن هذه يفضل لها اما محرك 8 سلندر او 6 سلندر توربو يفضل بالخطوط الطويلة لمقاومة وتشتت هواء الطريق


الخيار الافضل اما باترول 8 سلندر او لاندكروزر 8 سلندر او التوجه للسيارات الامريكية بهذه الحجم الامريكيين مهتمين فيها بشكل كبير لكن العملانية فهي لتويوتا كمحركات اما الناقل فلك عليه شوي


موفق

بالنسبة للجودة لاتشيل هم
انظمة حماية المستهلك الامريكية شديدة عندهم قانون يسمى lemon law
الوكيل ملزم يصلح السيارة لو تعطلت واذا تعذر اصلاحها او لم يجد حل جذري للمشكلة يلزم بدفع كامل المبلغ للزبون لذلك الشركات الي تبيع في امريكا في امريكا حريصة على الجودة واذا حصلت مشكلة عامة سوو استدعاء وتجبرهم NHTSA الادارة الوطنية الامريكية للحماية على الطرق السريعة
على الاستدعاء وتغرم الشركات بالملايين ولو قلنا ان السيارات في امريكا غير عن الي هنا غير منطقي لانه يكلف الشركات مبالغ لتغيير خطوط الانتاج
الحرص على الصيانة والاستخدام الطبيعي باذن الله تعمر معك السيارة
اما يحط زيت ثقيل على مكينة تستخدم زيت خفيف او يهمل تغيير زيت القير لاتستغرب المكينة والقير تخبط او يلعب بالكهرباء واضافات كهربائية
زائدة بتضرب علبة الفيوزات او يصدم بالسيارة ويصقع ارصفة بتنعدم من اسفل ... ممكن تبقى ملاحظات في الجودة بسيطة مثل رجه او اصوات في الديكور او تنسيم هواء وهذه ممكن تقبلها وغض الطرف عنها مقابل الراحة والمواصفات الي تقدمها السيارة
.

تسلم يا بن نيسان
بالنسبه لصوت المحرك
ما جربت تسأل الوكيل؟ يمكن يكون في recall وحلوا المشكله
تدري الموتر جديد ووراد اتصير مشاكل واكيد اب يتفادونها للسنين الجاي

مشكورين يا الربع وما قصرتوا