اخوي مجنون هوندا معليش كلن يعشق سيارة ويدافع عنها وهذا حقه بس انه يتهجم على الناس ويتهمه اتهامات باطله قبل ما يتأكد فهذا شي غلط و لايليق. اسمع كلامي ان الكامري قوتها 142 حصان والله ما جبته من راسي رح الى وكالة تويوتا في طريق العليا وناظر دليلهم حق السيارات وشف كلامي هو صدق والا لا والله ان دليلهم حق السيارات موجود عندي منه نسخه وهذا الي مكتوب بالظبط محرك الكامري 4 سلندر قوته 142 حصان .
تقول ان خالك مدري عمك عنده كامري 99 ومنعدمه والله ما هي مسؤليتي اذا كان ما يهتم بسيارته ولا يصونها والا يفحط عليها بعد .
حبيبي التويوتا والله يعيش معك عشر سنوات بالراحه اذا عطيته اهتمام .
واكبر مثال : واحد من الشباب عنده كرسيدا موديل 92 وحنا طبعا الان في سنة 2002 والله موديته من الرياض الى ابها يعني اكثر من 1200 كيلو . وانا متأكد ان الشباب يوافقوني الراي.
وعلى العموم كلمة الحق تنقال الهوندا والله موتر يصبر ويعيش اذا حافظة عليه. اما واحد يهمل سيارته ويعدمها وتقول ليش انعدمة هذا والله مو منطق.
