عليكم السلام
ياهلا وسهلا فيك أخوي وحياك الله
الله يبارك لله ويعطيك خيرها ويكفيك شرها
عموما طبيعي مروحة المكيف تشتغل مع تشغيله والحرارة راح تصير على الربع او أعلى بقليل أما بدون تشغيل المكيف عادي وطبيعي جدا انها تصل الى النصف وأصلا كل المواتر الخليجيه كذا سواء لكزس أو كامري ......كلها نفس العمل ونفس الحرارة وأهم شئ أنها ماتتعدى النصف ومع الخط أو المشي الطويل نسبيا لازم تنخفض عن النصف والمهم لاتشيل هم وهذا الكلام متأكد منه أنا وسبق وجربت كذا سيارة من تويوتا سعوديه أو خليجية حرارتها كلها كذا
- تشغيل المكيف مايضر بالمكينه الا اذا شخص يشغله ويخلي السيارة واقفه بساعات كثيرة بدون تحرك أو مشي
يا بطل الله يسلمك , انا اتكلم عن المروحه التي بجانب الراديتور والتي مهمتها تبرد ماء الراديتور , هي لا تشتغل الا اذا شغلت المكيف , وهذا امر اراه غير طبيعي , ولا ادري شركة تويوتا لماذا ربطت تشغيلها بتشغيل المكيف , والسيارة تسخن ان لم تشتغل تلك المروحه واحيانا تقارب للنصف , والنصف ليس سهلا , ولا انسى الجيب 91 الذي خلط الزيت بالماء عشان ان حرارته ارتفعت للنصف , الارتفاع الى النصف يفتق جلد الوجيه , فاذا رجغت السيارة تبرد وانكمشت تلك الجلد والوجيه في راس الموتورر صارهناك فراغا فيما بينها مما يؤدي الى اختلاط الزيت بالماء , وانت يا باشا مهندس اعرف مني في هذا , وبعد قصة الجيب صرت اتشائم من ارتفاع الحرارة فوق الربع بشكل مطلق , كانت عندي سيارة شيفر ونفس القضية كانت مروحة الراديتور لا تشتغل الا اذا شغلت المكيف , فذهبت الى ورشه كهربائي والمشكله انني قد نسيت تلك الورشه لان الكهربائئين عندنا كثر , مهندس الورشه فصل سلك المروحه ووصله بسلك الى فيوز السلف , فصارت المروحه تشتغل عند تشغيل السلف وصارت السيارة لا ترتفع حرارتها فوق الخمس , وياليت احصل مهندس كذاك يحول لي سلك المروحه الى فيوز السلف ,انا اصلا لا احب تشغيل المكيف كثيرا لانني اعرف انه يشد على الموتور, لا اشغله الا ان كانت العائله معي , اما انا فاحب الهوا الطبيعي , افتح الزجاج للنصف واترك الهواء يهفهف
.
