قريت ان قير الـ7 سرعات حق نيسان حساس ومن عائلة وحدة 2 بدلوا القير وتوقعت انه بسبب التأخر
في تغيير الزيت وفيه واحد ماشي 66 الف وخبط عليه قبل ما يغير!
الي أعرفه انه يخبط بعد التغيير! وفي الكاتالوج يقولون التغيير كل 80 ألف وهذا المعقول!
فيه لاندات ماشية فوق النص مليون يقولون ما ندري ان زيت القير يتغير!
أعتقد انه اجتهاد من الوكالة يوم يقولون غيره كل 40 ألف لكن إذا ما نفع ما راح يضر الا
زيادة تكلفة تغيير الزيت 50% والواضح ان قير أبو 7 حق نيسان حساس وغير عملي.
غلطان يا أخي العزيز
التيويوتا تنصح بتغيير زيت القير كل 80 ألف وهذا موجود ايضا في كتيب الصيانة وصار لواحد من الشباب ما غير الزيت لين ما يقارب ال150 الف بعدها القير قام يطلع أصوات عند التبديل ولما كشفوا على الزيت لقوا الكلتشات محروقة بسبب عدم المواظبة على تغيير الزيت
وقير النيسان بالعكس عملي جدا ولو ماكان عملي كان نيسان ما وضعته في معظم سيارات الدفع الخلفي
واعرف ناس ما شاء الله سياراتهم ماشية فوق ال400 ألف بهذا الجير وفي منهم ما بدلوا زيت الجير الا على 140 الف او 180 الف
