اربي على الزد

انت بتاخذ المكينة كامله اي نظام زيت بتحتاجه؟ اويل بمب؟ ذكرته في موضوع سابق لك عيب مكاين ال ls الاويل بمب صوت التكايات بسرعه تطلع فمثل ماقتلك قبل الاويل بمب تاخذه من اي محل قطع تزويد ايل بمب شركة (ميلنق)

بخصوص كولر القير اكيد اي سياره تحتاجه كولر القير خذه من شركة هايدن من عند اي محل قطع تزويد لايغرك الحجم وتاخذ كولر من شركة تروكول الكبير اللي العالم طايحه فيه كولر الهايدن اصغر وانحف وبرد افضل بمليون مره من التروكول اللي حجمه يسد واجهة السياره يخنقها

هل انت شغال على المشروع حاليا!! ولا منشف دمي وتفكر بالموضوع هههه اذا شغال ع المشروع بكتبلك لسته كامله بالقطع واسم الشركة الخلطه كامله شرط انك اطبقها اما توديها ورشه وقولك لا هذا غلط ومين قالك ويخترعلك وانا تعبي يروح هههه

حدد طلبك مكينه ستوك او مع كام شفت رياضي


اتجه لورشة محترفه وشوف موضوع القير والدفرنس والضفيرة خلطة المكينه هينه مب صعبه نعطيك اياها ان نويت

موفق

.

اقصد نظام التزييت حق الماكينه ( oil lubrication ) او تركيب ( oil cooler ) حق القير , ولا مولازم !!
هذا قصدي ,
ارجو الافادة

السؤال مب واضح شنو تقصد بالاويل سستم

بخصوص نظام التبريد بتضطر انك تفصل رديتر يناسب المساحه اللي عندك وتركب مراوح من شركة سبال او شركة فلكس واذا المساحه كافية الافضل مراوح بلد مراوح كابرس او لومينا هي نفسهها مع بلف حرارة اصلي من جي ام
علما انه حرارة محركات ls الطبيعيه تبدا من 90 وحتى 104 درجة مئوية لاتفكر انك تنزلها عن حرارة الشتغيل الطبيعيه الا اذا دخلت في مرحلة التزويد للمحرك
بس الاويل سستم هذه مافهمت عليك
.

يعطيك العافيه على المعلومات الطيبه ,
انزين بالنسبه الى ( oil system ) او نظام التبريد يتغير ولا لا ؟!
ودمت سالم

اكيد طبعا المحرك طبعا بتاخذه بانجكتراته مع الفيول لاين

لكن الفيول بمب لازم يتغير وانصحك تركب فيول بمب من شركة AEM ابتعد عن اي فيول بمب من شرككة ولبرو هذه الشركة معظم منتجاتها فالخليج حظك نصيبك نصها مضروب يادوبك تركبها كم يوم وتخترب بضاعتهم تعبانه

السلام عليكم ,
ادري اخوي تعبتك معاي , السموحه ,
انزين بالنسبه نظام الوقود ( fuel system ) هم لازم يتغير ولا لا ؟!
تسلم

لو البدي بدي كورفت لومينا كابرس بونتياك كدلك اوك انا هني بعطيك التفاصيل الممله لكن بدي الزد انا مافهم فيه كثير

اذا تركب كرونة الكمارو رقم 3.45 ممتاز جداااا عزم محترم

ولكن اللي يحددلك اياها صاحب الورشة بناء على عمود الشفت عمود الدوران اي نوع بيركب وشنو طوله اللي يناسب سيارتك وشنو الوصلة اللي بولفها عشان يركب الكرونة . والقير والخ

في شغلات انا صعب اشرحها لك وطويلة عريضة محد بيقدر يعطيك التفاصيل الا اللي بيشتغل على سيارتك التطبيق النظري ودراسة المشروع بالمقام الاول مثل ماتدري هذا تزويد بالاخير مب شغل وكالة فصعب جداااا افتيلك بكل برغي بيركب
.

يعطيك العافيه اخوي ,
انزين بالنسبه للبككس ( ريشيو الكرونه ) او نسبه الانضغاط جم راح تكون ؟!

عفوا يعدلون على ضفيرة ls او تفصيل انا افضل التفصيل بدال القص واللحيم بضفيرة بلد

بخصوص الضفيرة لا يعدلون على ضفيرة ls او تفصل ضفيرة افضل وتشرط عليهم كل شي يشتغل بالسيارة

بخصوص السسبنشن نظام التعليق ابحث في موقع شركة monroe وعندك شركة koni وعندك شركة Gabriel وعندك شركة supepro وشركة Bilstein وشركة KYB من افضل الشركات في العالم في هالمجال

بخصوص تحويلة القير اقصد فيها الهاوزنق مابين القير والمكينة مثل ماقتلك لازم صاحب ورشة تعديل هو بنفسه يشوف السيارة وقولك شنو المتطلبات عشان يجلس عليها قير كمارو او قير ثاني يكون تركيبه اسهل واوفر بالتكلفة

السلام عليكم ,

اخوي اذا ابي اركب هيئه اماميه وخلفيه , شنو نوعهم ؟
وفي شغله يالغالي شنو تقصد ( بالتحويله ) ؟
ودمت سالم

تسلم يالغالي , ويعطيك العافيه على المعلومات الطيبه ..

قير كمارو قير عادي موديل 2011
الهيئة نعم اكيد تقدر تطلبها من شركة تشتغل على نظام التعليق

.

تنصحني اركب قير كمارو , يقولون يتحمل اكثر , صج هذا الكلام ؟!
وبالنسبه للبككس لازم يتغير ولا لا ؟
والهيئه الاماميه والخلفية هم لازم يتبدلون بهيئه اقسى واقوى ولا لا ؟!

نعم هذا الللي اطريه اي محرك من كابرس او لومينا او كورفت المهم من المحركات الجديده بلوك المنيوم مش حديد

6.0 ls2 نزلت ع الكابرس واللومينا والكورفت ال c6
6.2 ls3 نزلت ع الكمارو والكورفت والكدلك س تي اس في


خذ محرك ls2 مستعمل من 2014 فما فوق كلهم بلوك المنيوم


خذلك كت كام شفت نوع GT11 استخدام يومي مع الكت سبرنقات بلوف من ششركة كومب واسياخ اللي بوش رود من شركة كومب وتكايات محرك ls7 اللي تستخدم في محرك الكورفت zo6 ممتازه للاداء العالي بالاضافه الى اويل بمب من شركة ميلنق اما بخصوص الروكرات ف الافضل اتم وكاله ماتحتاج تغيرها

بقية الامور من سبرنقات والخ لازم تستبدل مع الكام شفت عساس يتحملون اللفت العالي

يعد تجهيز المحرك مثل ماذكرت لك شوفلك ورشة تشتغل ع التزويد واي قير يقدرون يركبونه لك مع التحويله والخ والضفيرة هم لازم تتعدل اما الكمبيوتر ف استخدم كمبيوتر ls2 تبع المحرك

بخصوص نظام العادم بتضطر الى تفصيل هدرز الى اخر دبه حجم 2.5 لاتزيد عنه ولا بطيح العزم

بعد انتهاء المشروع شوفلك مبرمج على برنامج اتش بي تيونر يبرمجها لك ( لاتفتح الار بي ام اكثر من 6000 دورة )


هذا اللي يحضرني حاليا اذا عندك سؤال اخر اطرحه وان شاء الله برد عليك اول ماشوفه

اشرايك في هذي الماكينه