وش الي يرفع ضغطك في الشارع؟؟؟

كابـــSSـــرس · 2003-12-06T10:05:00+03:00

بسم الله الرحمن الرحيم السلام عليكم ورحمة الله وبركاته كيف الحال اخواني انشاءا لله بخير|1| اخواني حبيت اطرح هذا الموضوع للنناقشه سويا|3| وهو ماهو الش الذي يرفع ضغطك في الشارع؟؟:mad: ولاتبخلوا علينا بارائكم اخوكم كابرسss

z28_3amroosh @user_8581 · 10-12-2003

انا تضايقني الزحمه وخاصه اذا جالك واحد سيارته مكسره ويلحم فيك باقي شوي ويدفك
لا وبعضهم يدفونك بعد
ولا يجيلك واحد بيصفط وصقع سيارتك ولما تروحله يقولك ادري اصلا شايف السياره
وبدون اعتذار وبنفس خايسه وتشوفه شايب ولاتقدر تسويله شي
ولا تكون مسرع على الخط وتشوف واحد يكبسلك ولما تخفف تبي تشوفه يقولك وشفيك مجنون تقول كانه امن الطرق

T O R N A D O @user_2487 · 08-12-2003

مشكووور اخوي كابريس ss على الموضوع الرائع ...

انا اكثر شي يرفع ضغطي اصحاب الوايتات .. تلقاه ماسك آخر اليمين في شارع ضيق ويروح يسار ولا يهمه اللي وراه ..

واللي على الدائري يصقط مع الكتف الايسر ويكبس والكتف فاضي يعني لازم توخر عن السيد الايسر كله علشان ابو الشباب يسقط مع الكتف :@ ..

والا اللي تكون داخل من شارع فرعي (حاره) الى شارع رئيسي وتلقى واحد يمشي صفر وقريب منك وانت تسوي اخلاق وتوقف له وفي الاخير يروح يمين ولا يدق اشاره ولا شي :@

ولا اللي يجيك ماسك اليمين عند الاشاره وهو يبي يروح يسار وتلقاه يعطل 1000 سياره وراه علشان ابو الشباب ما وده يصف مع العالم والناس 5 دقايق او اقل :@

هذا اللي عندي الحين .. والجايات اكثر من الرايحات .

تحـــ راعي الـss ــياتي

كابـــSSـــرس @user_6060 صاحب الموضوع · 07-12-2003

مشكورين على التفاعل مع الموضوع
والله كل اي قلتوه اشياء مهمه
والى الان موجوده
وانا معكم في كل الي طرحتموه
اخوكم
كابرسSS

مجنون أوميغا @user_1272 · 07-12-2003

انا الحركه الي ترفع ضغطي اذا جيت مسرع وقدامي واحد واكبسله ولا فتح
هذا ودي اوقفه وادوس على بطنه

حـــيـــران @user_8385 · 07-12-2003

تدري وش احلى الصدف

انك تسير بلا هدف <<<<<<< مضيع هههههه

لا تدري وش اللي يذبل التسبد من جد

راعيييييين الليموزينات بلا منازززززززززززززع

ياكرهي لهم

CamSHAFT @user_6565 · 06-12-2003

ما شاء الله عليك اخوي كابـــSSـــــرس سبقتني بطرح هالموضوع
والله هالأيام الأشياء اللي ترفع الضغط في الشارع ما يحصيها الا ربك
منها بالنسبة لي:
قذارة وقلة ادب بعض الناس اذا جاك يرمي زبالته في الشارع وهو واقف عند الاشارة
لما تكون ماشي نظامي بالدائري ويجونك هالبزارين اصحاب الطواقي بالكورولا والكامري (ولا يهونون الشباب اللي معهم هالسيارتين) ويكبسون لك وتلاقيهم ماشين 160
اذا كنت واقف عند لفة تبغى تدخل على طريق رئيسي ويجيك واحد ماسك اليمين وتنتظره يتعداك واخرتها يدخل مع اللفة اللي انت فيها بدون ما يدق اشارة
البزارين اللي يدورون ويزعجون خلق الله في التحليه والتخصصي ورافعين صوت المسجل يسمعه اللي برا الرياض
اذا جاك واحد عند اشارة ماسك اليمين ويعرض موتره يبغى يروح يسار او يديور
هذا اللي في بالي وانشاء الله لي رد اخر وبقية الشباب ما يقصرون