هل يضر تبديل القي والسيارة لا تعمل

CamSHAFT @user_6565 · 06-12-2003

شباب هناك بعض السيارات لا يمكن فيها اخراج المفتاح من السويتش بعد اطفاء السيارة الا والقيربوكس (الاوتو) في وضع P وهذه ميزة امان
لكن احيانا اكون متعود في سيارتي اطلع المفتاح من السويتش والقير في وضع N واذا اخذت سيارة من النوع الأول انسى واطفي السيارة والقير على الــ N واذا بغيت اسحب المفتاح ما يطلع زي ماذكرت ..
هل انا مضطر الى تشغيل السيارة ووضع القير في نمرة P ام ابدل القير الى P والسيارة مطفأة ؟؟؟؟
وهل يضر؟؟؟ لاني والله ما عندي استعداد اشغل السيارة فقط لتغيير القير ثم اطفيها بعد ذلك ان شاء الله تفيدوني

zoom6 @user_6761 · 23-12-2003

تسلمو على هذي المعلومات

CamSHAFT @user_6565 صاحب الموضوع · 22-12-2003

مشكورين على الردود يا شباب

SMG II @user_8714 · 18-12-2003

نا اتوقع انه يضر القير لانه عملية تغيير القير في الاوتوماتيك ليست ميكانيكية فقط ..
والله أعلم

K I F Y @user_6053 · 18-12-2003

مرحباً أخوي

كثرتها تضر
لكن مرة مرتين لا تأثر
إلا يمكن في السيارات الجديدة

أكورد وبس @user_7944 · 08-12-2003

ما يضر .. لو يضر كان ما خلو القير يتحرك إذا شغلت السلف بدون تشغيل السيارة ..

متخصص السيارات @user_148 · 08-12-2003

انشاءلله لا ضرر في ذلك وقد قلنا في موضوع سابق انك تستطيع وضع الناقل على N ونزع النفتاح والنزول من السيارة وتركها الى يوم اخر اذا كانت متوقف على ارض مستويه والكابح اليدوي ماسك السيارة جيدا ... شكراا

aaz @user_6158 · 08-12-2003

إذا نسيت وطفيت السيارة وهي في الN فلا يوجد ضرر ما يضر لو أن الهندبريك مرفوع والسيارة ليست على منحدر لكي لا توقف السيارة على الP بس الطريقه السليمة هي أنك قبل ما تقفل السيارة تضع الغير على الN وتسحب الهندبريك أو تدوس عليه ، حرك عصا الغير للP وبعدين طفي السيارة

STA(Blue)NG @user_9054 · 08-12-2003

السلام عليكم للاسف الشباب مافهمو قصدك مضبوط

انا كانت عندي ماكس وكانت فيها هالحركه ماتقدر تشيل المفتاح الا اذا حطيته على الباركينج واحيانا انسى واطفي السياره وانا حاط القير في الإن واضطر اني احطه على الباركينج والسياره طافيه عاد يوم شافوها اللي اعرفهم بعضهم قالولي موب زين كذا يخرب تروس القير مدري ايش وبعضهم يقولون عادي مافيها شي انا احترت بينهم

ان شالله االلي فاهمين يساعدونا ويعطونا العلم الاكيد

كابـــSSـــرس @user_6060 · 08-12-2003

الاخوان يفيدونك
بس انا اعتقد انه يضر
اخوك
كابرسss

MAX+300E @user_7728 Banned · 08-12-2003

اتاكد من رفع البريك عشان لاتتحدر السياره وعادي حط البريك وانت واقف مايفرق بس طبعا بسرعه يعني لاتوقف على الريوس

Dr.abab_ab @user_4117 · 07-12-2003

والله ما عندي علم

CamSHAFT @user_6565 صاحب الموضوع · 07-12-2003

يا اخي انا اقصد هل يضر تبديل القير من N إلى P والسيارة لاتعمل؟؟؟لانه زي ماذكرت هناك سيارات ما يطلع المفتاح منها الا لما يكون القير بوضع P واكون انا مطفي السيارة والقير على N هل احتاج الشغل المكينة واغير القير ام اغيره مباشرة بدون التشغيل؟؟؟؟
هذا سؤالي
وين الجواب يا شباب؟؟؟؟؟؟؟

wes @user_7989 · 06-12-2003

مافيها شي إذا شغلت أو طفيت السيارة والقير على N