مين قدك يا هايلكس

يا خــــــــــوي هد السرعه ليطلعلك بعير يعلمك اصوووول الدعس.........

حركه مسحت طبلون الهايلكس ...

الله يستر علينا وعليه بس ...

تحياتي ..

موضوع قوي وحماسي

ومن ناحيتي

الددسن اقوى واسرع وافخم (لاهي تعصب ولاهي تكبير)
الا هي حقائق واضحه

الددسن اقوى واكثر تحمل ولو نسوي مقارنه عن الددسن والهايلكس من 86 وتحت كان شفنا الفرق الشاسع لصالح الددسن

ومن ناحيه السرعه فالددسن اسرع وارسى واريح وافخم من الهايلكس واللي مومصدق خلنا نروح الوكاله للنيسان وللتويوتا وانتم شوفو واحكمو بنفسكم

وانا ماقلت هالكلام عشان اطير الددسن واخلي محد قدها فأنا قايل هالكلام من الواقع واللي يعرفه اكثر الناس بس ينكرونه

وتحياتي لندني

الهايلكس هذا حده اذا صارت شد بلد ..اما الددسن 220 عاشت ايامه..
وعلى العموم مشكور على هذا الموضوع؟؟؟

MaZeN 575 تسلم على الصورة

ماشاء الله عيني عليها بارده.

مين قدك ياهايلكس.

واووو مشاء الله ماغط
مشكور أخوي على الصور الرائعه

الصراحه شكله ما يبي نفسه ولا الهايلكس حقه والله يستر لا يصقع ولا ينقلب ولا تشوفه الدوريات
تحياتي اخوك ابو راشد

السلام عليكم ورحمة الله وبركاته
الددسسن اقوى من الهايلكس حتىلوكان بخاخات
الهايلكس شفه في البر يناقز ويطامر مايضره
وعلى القومه انا شايففف هايلكس غمار2002 مع ددسن غمار بس مدري هو2002 او 2003 المهم راعي الهايلكس كام هلي وراحوا بر نفس الشيء الهايلكس يلعب في البرررررررررررررر
تقبلوا تحياتي

كوووووووووووووووووووول

رح راجع الصور اللي نشرتها في منتدى الدفع الرباعي واح تقتنع

ويكفيك أن طبلونه 200K/Mوتحت عشره وتسفطهن بالراحه وسلامي لراعي الددسن العايدي

(( واللي رقى أم دباب الله يسلمك لو تدري منين جاي كان تقول زين أنه ماتعدا السعوديه
وتقبل خالص تحياتي.....ديزل ))) هههههههههههههههه صادق والله ..تحياتي لك


--------------

اخوي انا اتحداك تحدي اذا كان موترك بخاخ ... اما اذا كان كربريتر فانا انصحك باقرب زبالة وانت الكرامة ... ما تسوى بمعنى الكلمة حدها 170 بعد ...

يا عمي خلاصة الكلام ... رح خذلك ددسن بخاخ وهايلكس بخاخ (( بس يكونون شد بلد )) وجرب قومتهم سوا ... ذاك الوقت تعال اشوف ردك ...


تحياتي لك ...

أخوي (New) جزاك الله خير على المداخله الحلوه
أنت بالقصيم والقصيم مشهوره بالتويوتا وأغلب مناطق المملكه تويوتا ونسبة التويوتا
يمكن أكثر من النيسان طيب ماقلنا شيء كلام حلو والتويوتا يمسك سعره أزين وأزين
طيب وش المطلوب
والله ياأخوي (New) من وجهة نظري إذا الددسن اللي معك تحت 99 أقولك بعها الحين قبل بكره وإذا معك ددسن 2000 (بشرط) بخاخ أقولك غلطان ليش
أقولك ليش الله يسلمك الددسن تتميز بالراحه ورخص قطع الغيار ومن ناحية الصبر على حسب الأستعمال
والأهم من ذلك الددسن تتفوق على الهايلكس بالقوه تبي تقولي تكذب زين خلني أقولك كم القوه والفروق وثم أحكم على كلامي
الددسن 160حصان (البخاخ طبعاُ ) 2400هذي هي سعة المكينه وليست القوه (طبعا البخاخ اللي مكتوب على طرف الصندوق160HP) وفيه اللي مكتوب على طرف الصندوق 2400 هذي كربريتر هذي منتشره بس مهيب اللي أتكلم عنها وتراها ضعيفه

لكن الهايلكس 157حصان من 2002 وفوق وطبعا بخاخ وسعة المكينه 2700
البعض يقول الهايلكس أقوى لأنها 2700أقولك هذي مالها دخل بالقوه القوه تقاس بالحصانات
وإذا أنت مانت مصدق راجع كتلوجات السيارتين وشف الفرق
خلاصة الكلام إن الددسن أقوى من الهايلكس وكثير من الشباب مايصدق ويقول أنا شفت هايلكس تقوم على ددسن
وإذا شفنا الهايلكس تلقاهامركب مراوح كهرب وفلاتر وهدرز وترهيمات وبلاوي
والمثل يقول(وللناس فيما يشتهون مذاهب ) والأقناع للغير صعب وخصوصا إذا كان متعصب وأغلب أصحاب الهايلكسات متعصبين وبشده وأي سياره غير سيارته ماهي زينه حتى لوكانت هايلكس
وبعدين الله يسلمك الصور اللي أنت جايبهن هذولي مثل ماقلتلك مركبين مراوح كهرب وفلاتر وهدرز وسده وملحم الكارونه يعني ملعوبنبه ليييين قالت بس
على كذا ماله فخر بقوة السياره لأنه لاعب بالموتر
واللي رقى أم دباب الله يسلمك لو تدري منين جاي كان تقول زين أنه ماتعدا السعوديه
وتقبل خالص تحياتي.....ديزل

المشكلة مامعي كمرة فيديو علشان اصور لك ..

ادخل هذا الموقع وشف واحكم ... ادخل للمواضيع والمشاركات وشف
لا تدخل للمرهمات

ام دباب

http://www.omdbbab.com/arab/

عمرك شفت ددسن تطعس ؟؟؟

يكفيك شكل الهايلوكس احلا

http://www.omdbbab.com/photo/hiluxphoto-04.htm










والباقي راجع لك ... تقتنع ولا كيفك :D ملييييت

وارجع واقول لايكون بخاطرك شي ولا تزعل مني (( الكلام لك شخص لشوق وديزل ))

وهذا راااااااااائيي

وشكراً|3|

السلام عليكم ورحمة الله وبركاته

؟؟(((( ياروووووووووووووووحي يا الددسن البخاخ وبس ... اركد مع هليكسك بس ...)))) ؟؟



الددسن حلوة ماقلنا شي .. (( انا ما احبطبك علشانك شاري ددسن ))

يأخي .. حنا نقارن بينهن .. ايهما احسن من ناحيت :

القوة والتحمل والمكدة

شوف عيني ما احد قالي ومجربهن كلا السيارتين

شف الناس من حولك واحكم

رح لأم دباب وشف بعينك رح للبعيثة رح لل ...

لأي مكان فيه تتطعيس وشف .. لاتروح للقرى .. لأن اكثر القرى ددسن وبس

ولا تعتبر هذي مسبه بالعكس

------

شووووووووووووف عيني وتجربتي


واحد معه 98 هايلوكس غمارة عادي (( مو 2002 )) ملعون ابوها محللة

تطلع طلوع وش اقولك بس ... وهي مكروفة ومكدودة


مافيه مقارنة تاااااااااااااااااااايوتا ...

اسئل الي تبي وش ازين تايوتا ولا نيسان ؟؟؟


وعلى فكرة ترى مامعي هايلوكس

معي ددسن وعن قريب اببيعا واشترى هايلوكس

وخالي معه ددسن 2002 واحد من الاصدقاء معه بعد


يعني لاتظن اني كل السيارات الي عندي هايلوكسات وقاعد امدحهن


وارجع واقول انا ما اسب الددسن بالعكس

الددسن حلوووووة مافيها عيب

بس اذا بغيتها للبر والتطعيس وللمكدة الاكثر خذ هايلوكس

وهذي بس مقارنه بينهن ايهما اقوى واصبر فقط


ولاتفهمني غلللللللط ... ولا تزعل مني

والف شكر لك اخووووووووي :)

تسلم والله يا(الـشـ رهين ـوق) والمثل الصحيح (المادح نفسه كذاب)

يعني حنا نبي دلائل وحقائق لأصحاب الهايلكس مافيه

تقبل خالص تحياتي وشكرااااا

قصدك يقول المثل :

(( مايمدح العروس الا امها ))

والثاني يقول :

(( الناس صاروا يستغبون عن الحقيقة ارضاءً لتورطهم بسيارتهم )) ...



مهما تكلموا ومهما يحاولون تجد ردودهم اراء شخصية مخدوع بها وللأسف انه يحاول قدر الامكان بالابتعاد عن الحقيقة الواضحة جدااااااااااااًً ...

ياخي وش فيها اذا اعترفت بالحقيقة ...


الددسن اقوى وافخم واوسع واسرع وارسى ... ولا احد ينكر الكلام هذا الا عن طريق ذكر سالفة صارت له مع موتره ... يا ابن الحلال ما نبي الدعوة كل واحد يجيب سالفة من بيت ابوة نبي (( حقائق ثاااااااااااابتة )) وبس .... والا سكوتك يا زينة زينااااااااه



ياروووووووووووووووحي يا الددسن البخاخ وبس ... اركد مع هليكسك بس ...

السلا م عليكم
يقول المثل
سوق على مهلك ترجع سليم لاهلك


تحياتي لمحبي
assayyaratnet.com