السلام عليكم ورحمة الله وبركاته، اول مشاركة لي معكم بالموضوع ويارب ماتكون الاخيرة.. اخواني انا احد ملاك مازدا 6 ستاندر وخاطري اغير جنوطها للفل، وسألت عن سعرها بالوكاله وكل شي تمام! الا اني لاحظت ان كثير يشتكون منها ومن سوءها في المطبات! واللحين والله ضاق صدري واحترت، اغير ولا أبقى على ما انا عليه!؟ حتى اني قريت ان عضو هنا معنا معه الفل وراح غير لجنوط 17 عشان يرتاح! لهالدرجة يا شباب؟ الله يعافيكم ابي مشورتكم لأني بأمس الحاجة لها لاهنتم.. وخصوصا ان مبلغ الجنوط مع الكفرات بيكلفني حدود 7000 ريال.. والف شكر لكل من بيرد مقدما.
جنوط 19 بطبيعتها أقسى وترصيصها أصعب بحكم فصر جدار الكفر واللي يخليها يتأثر بأي مطب. ولاتنسى نوعية الكفرات والقساوة بالمطب بعد يحكمها نظام التوازن والمساعدات، طبعاُ أنا غيرت ل 17 وارتحت وطلبت مساعدات Koni وراح أسوي لها مراجعة إذا ركبتها ان شاء الله واعلمكم اذا هي تستاهل الفرق لانهم والله مهب رخيصات.
بس أنا أشوف القساوة نسبية يعني اللي قاسي عندي ممكن يكون عادي عندك والعكس بالعكس.
موفق.
