السلام عليكم ورحمة الله وبركاته
وصل المطلوب الحين انت لو مانتا ملاقيه اعطيني خبر اكلم واحد من الشباب خبرة في توريد الجنوط انا اشتريت جنطي من عنده
بس المهم كم حدك في السعر عشان اتفاهم معاه لو حابب
تحياتي
مشكور اخوي وماتقصر والله
بس انا ماني ناوي على الجنوط الآن لان الخط اللي اداوم عليه كله ابيار اقصد حفر :a1120(121):
خلي حركة النقل تجي ويسهلها ربك ان شاء الله
معليه بس عطني كم يوم ادخل ع بروفايل صاحب التشارجر
واشوف اذا كان حاط اسم وشركة الجنط
ما يحتاج تتعب نفسك اخوي الشباب ما قصروا يعطيهم العافية
وجزاك الله الف خير
ما اقول إلا عسى الله لا يربح ورشة قيركو اللي في الصناعية القديمة بالرياض
هالورشة يا شباب ويا اعضاء الرابطة نصابة درجة أولى وياليتهم نصابين وبس إلا والله يخربون السياره ولا همهم أحد
وديت الشارجر للوكالة لصيانة 40 ألف وقالت لي الوكالة انهم مزحومين جدا جدا وراح تخلص السيارة من الصيانة بعد 10 ايام مع العلم ان السياره ما عاد تتحمل مشي بسبب الفحمات منتهية عالااااااااااخر ( ينسمع صوت الحديد يحك ببعضه )
وبما اني مستعجل كثير قررت اضحي بضمان الوكالة وأروح اعمل الصيانة خارج الوكاله :smilie20:
رحت لفرع الوكالة في الصناعية وشريت القطع اللي احتاجها للصيانة مثل بواجي وفلاتر وزيووت وفحمات أمامية ... الخ
وسألت السوداني اللي في المحل التابع للوكاله عن ورشة تكون شغلها تمام
قالي مالك يا زول إلا ورشة قيركو فيها فلبيني ممتاااااااااااااااااااز اسمه توتو
قلت أوكي توكلنا على الله
القطع كلفتني 965 ريال
لما رحت للورشه قالي السوري شوقي حسبي الله عليه ( والله ما اسامحه يوم القيامه ) انه راح نسوي لك فحص وبرمجه ونطلع موترك مضبوط أحلى من الوكالة
هالسوري يا شباب من النوع اللي لسانه معسوول وكلامة يخليك ترقد عالجمر وكل واحد يدخل على مكتبه في الورشه وهو زعلان ومعصب يطلع وهو ما يدري عن نفسه أصلا ليش كان زعلان ومعصب ويضطر أنه يدفع التكاليف غصب عنه ( هذا والله شكله ساحر :c0214: )
المهم قالي شغل اليد 1000 ريال
قلت مو مشكله المهم تخلص السياره اليوم قالي Ok
اتصلت فيه بالليل قالي السياره مخلصه بس ما جربناها تعال بكرى الساعه 9 صباحاً واستلم سيارتك
قلت خلاص اوكي
ولما رحت اليوم الثاني تفاجأت من الفواتير اللي مطلعها علي
تكاليف باهضه وقطع غيار غير زيادة على اللي انا شريتها بـ 965 ريال وهالقطع اللي جايبها قيمتها 1475 ريال
ولما دخلت عليه وتهاوشنا وتلاعنا قلت له خلي الموتر عندك ما راح استلمه
قال أييييه شو عليه <<< هنا انا حقدت عليه وبقوووة
وانتف جوالي واتصل على الدوريات وقلت خمس دقايق لو ما جيتوني والله لأثوووور فيه
والله شويات وهم جايين واخذنا الفواتير والشغلات هذي ورحت الوكاله وطلبت تقرير عن هالاشياء اللي هو عاملها هل لها لازمة في صيانة 40 الف ؟
اللي مستغربه هو علبه صغيره فيها زيت قيمتها فوق 300 ريال والغرض منها انها تضاف لزيت الجربوكس علشان ما ادري ايش لانو ما ادري شنو ( باقي شوي ويقولي علشان الاطفال ينبسطو لما ياكلو في السياره !!!! )
المهم رفعت عليه قضية نصب واستغلال
والوكاله ما قصرت عطتني تقرير حلو جدا
وفي مركز الشرطة الضابط قالي الحين انت وش تبي بالضبط من هالورشه ؟
قلت له حاجة من ثنتين
يا انهم يفكون كل اللي عملوه ويحملو الموتر سطحه على حسابهم للوكاله
او اني احاسبهم على القطع وكل شي ركبوه ما عدا شغل اليد
قال السوري الله لا يهنيه بحياته دنيا وآخره ( لأ هيك ولا هيك ) :a1120(82):
شوياااات وأبوي وأخوي لحقو للمركز ومسكوني على جنب وقالو أعقل وكبر راسك ما تدري يمكن يعملون شي في موترك ويودونك في داهيه وانت ما تدري هذولي ناس ما عندهم ضمير ولا ذمة ومن هذا الكلام ...الخ
المهم قلت اجل خلاص ودخلت عالضابط وقفلت الموضوع ودفعت كل التكاليف اللي طالعه اكثر وأغلى من الوكالة
حسبي الله على ورشة قيركو وكل من له يد في هالموضوع
تخيلو يا شباب قعدت تقريبا ساعه إلا ربع في مكتب شوقي مدير ورشة قيركو وما تتخيلو كم واحد يدخل وهو متعصب من اللي يصير في موتره ( عاد احسبو انتم كم واحد خلال يوم كامل ؟ )
للعلم علشان ما تطيحو في هالورشة
الورشة اسمها قيركو - جيركو جوار ورشة شالنجر
الحين الموتر عندي لاحظت فيه شغلتين غريبه
1- بعض الاوقات وانا ثابت على سرعه معينه مثل 100 يقوم ويغير تعشيقة ويرتفع الار بي ام كأني نزلت القير على L مع صوت طقه وقت التغير
2- إضاءة الطابلون تضعف وتتقوى من نفسها مع انخفاض في عداد الـ RPM
الله يعين بصراحة ما ادري ايش اسوي الحين
بصراحة وانا اقرا مشكلتك شوي اتهور والكم الشاشة :a1120(82): :a1120(82): :a1120(82):
بس كان المفروض انك تودي السيارة لاي بنشري وتخليه يغيرلك الفحمات وباقي الاشياء كان تنتظر الين الوكالة يخف عليها الضغط
عالعموم ... ما ينفع البكا على اللبن المسكوب
دحين انت ما قدامك غير انك تودي السيارة للوكالة وخليهم يشوفوا اش المشكلة بالزبط
( وعلى ما اعتقد انه الهرجة كلها في البرمجة )
تحياتي
[/CENTER]
