للي عنده فكره عن المستورد ..ممكن مساعده

أبو العز @user_4711 · 22-12-2003

السلام عليكم ورحمة الله وبركاته.........

إخواني الكرام ... اللي عنده فكره عن السيارات المستورده ..... أبغى مشورتكم

إخواني .. أنا لقيت لي سيارة نوع كامري إستخدام أمريكي ( بطاقة جمركية ) والسيارة ما يحتاج فل كامل .... ومواصفاتها حقيقه ممتازه جدا ...

بس اللي حاب أعرفه منكم.. يعني هل تنصحوني بأني أشتريها وبعطيكم المواصفات اللي فيها بس أتمنى إني أصل الى قرار أكيد ...

إخواني السيارة مواصفاتها كالتالي :

1ـ سيارة نوع كامري إستخدام إمريكي ( بطاقة جمركية ) .

2ـ موديها ... 1994 .

3ـ فل كامل ....فتحه بالسقف ... جنوط ..... جناح ...... مقاعد مخمل..... قير أتوماتيك........

4ـ السعر ..النهائي اللي معروضه السيارة عليه ( 22 ألف ريال )

بس حبيت أتأكد منكم إخواني ...... يعني السيارة اللي تكون مستورده خاصة في الحرارة هل تساعد الاجواء هنا خاصة في جده بإستخدامها ...

والشي الثاني هل السيارة متوفر لها قطع غيار ... خاصة الداخلية

والشي الثالث ... هل السعر مناسب ....

وتحياتي لكم ...

أبو العز @user_4711 صاحب الموضوع · 24-12-2003

طيب يا أخوان .... كلامكم سليم وبيكون في عين الاعتبار ......

بس هيا أنا طالبها منكم .... دورولي على سيارة نظيفة ( هوندا أكورد أو مكسيما أو كامري ) وبسعر معقول ومقبول ..... ومالكم مني الا كل خير .......

أنا كنت أدور على هوندا أكورد وأغلب اللي لقيته هنا في جده مكسر وحالته حاله وأغلبه من مكاتب تأجير وشركات ..... وإذا لقيت وحده إستخدام شخصي بيكون سعرها شاحط مره ....

ودورت على ماكسيما ما لقيت غير المصدوم والمكسور وإن لقيت وحده نظيفة بيكون سعرها ما بينه وبين الجديد إلا القليل ...يعني ما يبغالي غير كم ألف وأشتري وكالة ..

والشي الوحيد اللي لقيته ودخل مزاجي الكامري اللي أخبرتكم عنها .... بحكم إنها اللي أقدر عليه في الوقت الحالي..... والشي النظيف الموجود في السوق

هيا شوفوا لي حل وأنا حاضر ......

فواز @user_561 · 23-12-2003

سعرها مبالغ فيه جدا

انصحك شيلها من بالك ودور لك على سيارة تكون مواصفات الخليج وبتلاقيها ارخص بكثير

بالتوفيق

LEGACY @user_3814 · 23-12-2003

22 الف ...لـ94 ...

تروح الأمارت تاخذ لك موديل 96 ونضيف ....

تعال قولي اذا تجاوز هالسعر الي حاطنه .... والشيى الثاني انه موديلات برى غالبا ما تكون مصممة لبرى ... ولكن يمكن تعديلها لتلائم اجوائنا ..... ولكن كل شي بحقه ...

وعلى فكرة السعر شوي غالي ...

وتحياتي لك عزيزي ...

N.M.N @user_4374 · 23-12-2003

اخوي أبو العز

والله غالي سعرها

والمشكله انها امريكيه ومواصفات امريكيه

لو عندنا في الرياض كان شفتها اقل من 20 الف

وهي كامله المواصفات ومراتب جلد

وسعوديه واستعمالها سعودي نظيف

ولكن ما قلتلنا كم ماشيه ... ترى الامريكان يكرفون السياره كرف

تحياتي

كابـــSSـــرس @user_6060 · 23-12-2003

السياره المستورده

ما اعتقد انها نفس السياره التي تجرب في الخليج

اغلب السيارات التي تنزل في دول الخليج تكون مصممه لدول الخليج

اما عن قطع الغيار انشاء الله متوفر

اخوي سعرها هذا يعتمد على السياراه

اذا كانت بحاله جيده

ولكن 94 و 22 الف >>>>> والله واجد

ولكن انت افحص السياراه

اخوك

كابرسss

Polite @user_1346 · 23-12-2003

تم النقل لمنتدى السيارات الآسيوية ،
لاختصاصه بمثل هذه الموضوعات ...

تحياتي الصادقة لكاتب الموضوع ..|2|

Polite @user_1346 · 23-12-2003

مرحبا أخوي ،
أنا أشوف ان سعرها مبالغ فيه نوعا ما ،
تحت الـ20 معقول ..
وبخصوص القطع لا تخاف ،
موجودة عند الوكيل وفي تفعيل مستمر ،
بس أهم شي تأكد لا تكون مخبوطة أو مصدومة ،
أو يكونا مستخدمينها استخدام تكاسي ...:)