بسم الله الرحمن الرحيم ....
إخواني وأحبابي الكرام ..إسمحولي في وجهة نظر ربما تكون مفيده .
شباب إنتم شايفن وعارفين تمام الوضع اللي صاير في زينة وكماليات السيارات ، هو شي جميل ورائع تزيين السياره ولا يختلف عليه إثنان بس المشكلة هنا يا إخوان في الزينة المفرطة والتي تصل لحد التخريف وربما الجنون .. وأنا حقيقة لا أجد سبب مقنع لكل هذا التخريف ....
كويس إذا كانت الزينة تعطي رونق وتعكس جمال السياره بس بالحد المناسب والمعقول ....
وإنتم إخواني تعرفون تماما الاموال اللي تصرف على هذه الزينة أو التعديلات لدرجة خيالية ومو معقوله والله أحيانا في سيارات كلها على بعضها ما تسوى قيمتها قيمة الزينة والتعديل اللي فيها ... طيب على إيش كل ذا التعب .
وبعدين لازم تعرفوا إخواني إن التعديل ذا بيسبب مشاكل في السياره قد يعرقل حركتها ... حتى أن بعض السيارات في أبسط المطبات لا تستطيع السير فيها ولا حتى تجاوزها والمشكلة هنا يا إخوان اللي حاب أقولها لكم إن السيارات المعدله بتتعب صاحبها إذا حب يبيعها صدقوني ما تجيب له سعر وبعدين إذا حاب يرجعها لحالتها الطبيعيه أكيد بيدفع مبلغ وقدره طبعا هذا على حسب نوع التعديل والمبلغ المدفوع سابقاً .
وأحب أقول لكم شي ولا تأخذوني فيه ... إن بعض السيارات المعدله تعديل ربما أشبه ما يكون بالقبيح أو تعديل ناتج عن جهل وقلة معرفه بصراحه الشي الوحيد اللي يعكس على السياره بإنها سيارة ( شبهه ) وإنتم عارفين وشايفين الشي ذا خاصة عند نقاط التفتيش السياره ما تعدي من النقطة إلا بعد ما تتنفض مزبوط والسبب واضح .
طيب وعلى إيش الاحراج ذا ... مو كفاية الخسارة .
يعني والله بصراحه يا إخوان في ناس تستحي تركب أهلها في السياره والسبب هم نفسهم عارفينه ....... عارفين إن السياره شبهه .
في ناس أنا سألتهم بصراحه عن سيارتهم وعن السبب اللي خلاهم يعدلون سياراتهم ..... أغلبهم كانت إجاباتهم بصراحه غير مقتعه .... في منهم اللي قال زحف وفي منهم اللي قال شباب .... وفي منهم بصراحه أنا إكتشفت أن مخه فاضي والظاهر فلوسه زايده مو عارف يوديها وين ..... حطها كلها في السياراه ويالته حطها في شي مقبول أو مقنع إلا جا يكحلها عماها ...
إخواني معليش إذا كنت سببت إحراج بس والله الاشكال اللي كل يوم نشوفها في الشوارع والاشارات ..ترفع الضغط .
الواحد يوقف في الاشاره أو يمشي في الشارع أو يكون في أي مكان ويجيك واحد من بعد كيلو ورافع الصوت .... دج ..دج .. دج .. دج ومسوي زحمه على الفاضي زي اللي يقول أسمعوني بالقوه ..... بيعرفنا إنوا مركب أوفرات وسياراتي شوفوها مقطبه ........ ولو تشوفوا الشكل اللي راكب فيها الواحد يستغفر ربه أحسن ..
عاد إسمحولي إخواني وحاب أقول كلمة أخيره راجعوا أنفسكم وعيدوا النظر والتفكير في زينة السيارات وإسئلو أنفسكم مره ومرتين هل اللي بيصير صحيح وإلا لا .....
وفي أمان الله .
