سؤال صعب يبي له واحد فاهم بالسيايير حيل.. عن ديناميكا الهواء

bo_na9r @user_8204 · 12-02-2004

السلام عليكم
يا جماعه ابي واحد فاهم يوقف معاي بسالفه كل من قلت له اياها ضحك عليها
انا طالب بكلية الهندسه وتخصصي ميكانيكا
"اكثر السيايير اللي عليها جناح.. يزيدون من سرعتها"
هالمعلومه هذي في احد يوافقني عليها؟؟؟
بس شرح بسيط
هذا علم اسمه ديناميكا يهتم بطريقة انسياب/حركة الهواء او الماء على الاسطح المختلفه.. وفي تخصص بعلم الديناميكا اسمه Coanda
الجناح يساعد بانه يقص الهوا عشان تثبت السياره وطبعًا السياره لما تثبت تزيد سرعتها..
يعني لو اقول لكم اثنينه يتسابقون.. اثنيناتهم دايسين بانزين وعداد البانزين يقول انهم قاعدين يصرفون 15 لتر كل 100 كيلو.. يعني البانزين المحروق متساوي بالسيارتين..
الاول قاعد يمشي بخط مستقيم وسيارته ثابته 100%
والثاني قاعد يمشي بخط مستقيم بعد بس سيارته تهتز او ترجف.. يعني الهوا يلعب فيها..
منو يوصل اسرع حق خط النهايه؟؟؟؟

الجناح اللي يجيك من الوكاله ما انحط عالسياره عبط.. اهو يزيد من وزنها عدل وبتقول لي يمكن يخفف من سرعتها نتيجه لزيادة الوزن لا غلطان.. اهو يعوض زيادة الوزن بشغله اسمها downforce .. يعني الجناح يتلاعب بالهوا ويخلي الهوا يضغط السياره لي تحت ويقلص المسافه بينها وبين الارض
والدليل سيارات فورملا.. انا شايف هالشغله بقناة دسكفري.. سياره فورملا تدخل نفق وتدوس وبعدين لما توصل سرعتها120 كم/س يلف السايق ويروح على السقف وتمشي السياره على السقف.. وتمشي مسافه طويله بدون توقف بس بشرط انه تكون سرعتها اكثر من 120 كم/س.. شلون؟؟ لانه قوة جذب الارض للفورملا تكون اقل من الdownforce .. للتوضيح: الجناح قاعد يخلي الهوا يدفع السياره للاسفل بقوة 500 نيوتن ووزن السياره مع السايق 450 نيوتن

سيايير فورملا كلها عليها جناح والسيايير السبورت كلها عليها جناح وجناح ال911 ما يفتح الا لما يوصل سرعه معينه

للي يعرف يقرا انجليزي:

هذا موقع يبين طريقة انسياب الهوا او الماي حول الاسطح
http://www.amasci.com/wing/airgif2.html

وهذا فلم فيديو يبين طريقة انسياب الماي حول الاسطح.. مع العلم بانه طريقة الماي نفس طريقة الهوا:
http://jnaudin.free.fr/videos/coandvid.rm

وهذا موضوع بمنتدى انجليزي متخصص بالسيارات وعنوان الموضوع "هل الجناح يزيد من سرعة السياره"؟: spoiler makes you go fatser ?
http://www.automotiveforums.com/vbulletin/t116125.html

وهذا موضوع ثاني:
http://groups.yahoo.com/group/boatdesign/message/5890?source=1

بعد كل هالكلام.. في احد يأيدني؟؟؟؟؟ او يزيد على كلامي؟؟؟؟ لانه مليت وانا اشرح حق ناس اغبيه مو فاهمه واهم يضحكون علي

acceleraction @user_9509 · 20-02-2004

السلام عليكم ورحمة الله وبركاته

الصراحة في اشياء كثيرة لتزويد السرعة راسي دائما يفكر في هذه الاشياء بس ما عندي المال اي اختراع سيارة تسير بسرعة مافوق 500ك/س الحلم الذي انتظره بس تكون بمجهود يدي لاني احب الشغل هذا وان شاء الله حتسمعون زي ماسمعتم البحريني الذي ابتكر سيارة وجاب القطع وسوى شكل السيارة وفاز في البطولة قريت المقالة في مجلة تقنية السيارات ====
==== وشكرا على الرد ====

Dr 3 @user_1751 عضو · 17-02-2004

مشكور أخوي [COLOR=orange]bo_na9r وهذي المعلومه قد سمعت عنها

بس أنت خليتني أصدق هذا الكلام بإستنباطك

بسيارات الفورميلا 1[/COLOR]

موضوع وجهد لا [COLOR=orange]يعلى عليه منك [/COLOR]

bo_na9r @user_8204 صاحب الموضوع · 16-02-2004

كاتب الرسالة الأصلية just 4 u
السلام عليكم
أولا: أحيي فيك الطرح العلمي للموضوع حيث أن أغلب الشباب يحطون الجناح فقط المنظر أو التقليد ولا يدرون وش السالفة
ثانيا:بالنسبة لعلم ديناميكاالهواء يعتبر من العلوم الحديثة في علم الفيزياء الحديثة وهو مايسمى بaerodynamics وبحكم تخصصي العلمي في الفيزياء فأن هذ العلم يدرس في هندسة الطيران والفضاء و بشكل غير كافي لأن المتخصصون في الهندسة لاحتاجون (حسب أعتقادهم ) لدراسة هذ العلم كاملا بحكم التخصص وهذ العلم ينتمي الى علوم الفيزياء وليس إلى علوم الهندسة وبالنسبة لشركات العالمية
فالشركة الوحيدة التي لديها شخص متخصص في (التخصص الدقيق) ديناميكا الهواء
هي شركة لوتس ,,,,,,,

لا اخوي غلطان.. الهندسه تهتم بالديناميكا.. والدليل انه مادة الديناميكا ماده اساسيه بالهندسه ولازم ياخذها الطالب عشان يتخرج

bo_na9r @user_8204 صاحب الموضوع · 16-02-2004

كاتب الرسالة الأصلية الطـ موسوس ـايف
bo_na9r

حياك الله ياخوي والله يوفقك ياباش مهندس
كلامك سليم لكن تعال

ماهو اي سياره جا عليها جناح معناها انه يزيد السرعه...
عندك سيارات الفرمولا
وعندك السيارات الايطاليه (لامبورجيني وفيراري)
هذي الجناح فيها اساااااسي

لكن زي سياراتنا العاديه مثل الماكسيما والكامري
وهالخرابيط ابدا الجناح ما يفيدها بس مجرد اكسسوارات لتمييزها عن الطراز (ستاندرد)
محاكاه لتلك السيارات الصاروخيه
بعدين اثر الجناح على حركة السير لا يظهر الا على الخطوط الطويله والسرعات العاليه

عموما تحياتي

موسوس الطايف

بصراحه ما ادري عن السيارات الصالون .. هذي المعلومه تقدر تاخذها من الوكاله.. تسألهم هل تصميم جناح السياره الفلانيه ينحط مجرد شكل ونظره ولا ينحط على اسس علوم الديناميكا؟؟

just 4 u @user_8337 · 15-02-2004

السلام عليكم
أولا: أحيي فيك الطرح العلمي للموضوع حيث أن أغلب الشباب يحطون الجناح فقط المنظر أو التقليد ولا يدرون وش السالفة
ثانيا:بالنسبة لعلم ديناميكاالهواء يعتبر من العلوم الحديثة في علم الفيزياء الحديثة وهو مايسمى بaerodynamics وبحكم تخصصي العلمي في الفيزياء فأن هذ العلم يدرس في هندسة الطيران والفضاء و بشكل غير كافي لأن المتخصصون في الهندسة لاحتاجون (حسب أعتقادهم ) لدراسة هذ العلم كاملا بحكم التخصص وهذ العلم ينتمي الى علوم الفيزياء وليس إلى علوم الهندسة وبالنسبة لشركات العالمية
فالشركة الوحيدة التي لديها شخص متخصص في (التخصص الدقيق) ديناميكا الهواء
هي شركة لوتس ,,,,,,,

عميد الطائف @user_3293 · 14-02-2004

bo_na9r

حياك الله ياخوي والله يوفقك ياباش مهندس
كلامك سليم لكن تعال

ماهو اي سياره جا عليها جناح معناها انه يزيد السرعه...
عندك سيارات الفرمولا
وعندك السيارات الايطاليه (لامبورجيني وفيراري)
هذي الجناح فيها اساااااسي

لكن زي سياراتنا العاديه مثل الماكسيما والكامري
وهالخرابيط ابدا الجناح ما يفيدها بس مجرد اكسسوارات لتمييزها عن الطراز (ستاندرد)
محاكاه لتلك السيارات الصاروخيه
بعدين اثر الجناح على حركة السير لا يظهر الا على الخطوط الطويله والسرعات العاليه

عموما تحياتي

موسوس الطايف

zr1farsi @user_104 · 14-02-2004

bo_na9r والله كلام ولا فيه احلاء منه
وبلفعل مو بس الجناح حتى الزوايد السفلية للسيارة لها تأثير جامد

acceleraction @user_9509 · 13-02-2004

الاجنحة تستخدم في الطائرات حسب القانون الفيزيائي الذي درسناه في ثالث ثانوي الفصل الدراسي الاول ان كلما زادت سرعة المائع (السائل ا والغاز) قل ضغطه
حيث يكون سرعة المائع اسرع من فوق الجناح واسفله وتكون سرعة المائع على سطح الجناح اقل وكلما زاد الفرق زادت القوة الضاغطة على الجناح حيث ضغط المائع على الجناح اعلى .
وتزداد السرعة النهائية عند السرعة العالية بسب وجود وزن زائد تدفعه المكينة وانسيابتها للهواء حيث تنخفظ السيارة وقلة الاحتكاك ما اسفل السيارة .
=========ودمتم سالمين
شوفتوا ياناس ايش فايدة الدراسة هذه نتيجة الي مايذاكر ايام الدراسة

واسفين على الاطالة واسفين اذا غلطنا فيكم.

VIPER LoVeR @user_2373 · 13-02-2004

اخوي اسئل الدكتور

وانا اعتقد انها تزيد سرعه السياره

واسمع كمان انو بعض اجنحه السيارات التقليديه ممن تؤدي الى انقلاب السياره

تحياتي

acceleraction @user_9509 · 12-02-2004

السلام عليكم
اني اوافقكك على هذا الشيء ومعلومة 100% صح لاني ربي اعطاني عقل فيزيائي
واستنتجت هذا الشيء من زمان ويوجد شريط GT3 في البلاي ستيشن 2 سيارات سباق اللعبة فيها قوانين الفيزياء تقول حقيقية والفيزياء مادتي المفضلة بعد القران عندما كنت ادرس في الثانوية وان شاء الله ادخل الميكانيكا .
والسرعة بعد 120ك/س يوجد ا حتكاك مابين الجسم والهواء تزداد بقوة مع زيادة السرعة اقرا موضوعي السابق عن استغلال الهواء في تثقيل السيارة وعندي معلومات كثيرة اخرى اذا تريد
========ودمتم سالمين

bo_na9r @user_8204 صاحب الموضوع · 12-02-2004

للتأكيد:
ادخل هالموقع: http://www.automotiveforums.com/vbulletin/t116125.html

المشاركه الخامس.. الفقره الثانيه السطر الاول:
A spolier does increase speed
ترجمته: الجناح يزيد السرعه

المشاركه السابعه الفقره الثانيه السطر الاول:
Also, having a wing or spoiler creates much less turbulent air behind the car, which makes it more stable at speed, which is always good.
ترجمته: ايضًا، وجود الجناح يقلل من اضطراب الهواء خلف السياره، مما يجعلها أكثر ثباتًا، ويعتبر هذا مؤشر جيد

مع العلم بانه في 20 مشاركه.. واغلبهم فيهم كلام يأيد كلامي
بس انا ابي واحد عربي يقول اللي قاعد اقوووله

ملاحظه: الجناح ما يزيد السرعه الا اذا كانت السياره اساسًا ماشيه بسرعه عاليه.. يعني لما تكون سرعتك خفيفه ما راح يفيدك الجناح.. بس اذا كانت سرعتك عاليه راح يفيدك
ملاحظه ثانيه: انا ما اتكلم عن كل الاجنحه.. انا اتكلم عن الاجنحه اللي مصممتها الوكاله.. تصميم مدروس ومحسوب .. مو تروح وتركب لي اي جناح على اي سياره وتقول لي بيزيد سرعتي

والحين عطوني رايكم يا جماعه