قرار مفاجئ بالسعوديه منعوا التضليل الخلفي

TSS · 2004-02-13T01:20:28+03:00

:) بسم الله الرحمن الرحيم اقولكم القصه الي صارت معي اليوم كنت ماشي في امان الله مع اصدقاي بالجمس كان مضلل خلفي جمس عائلي المهم كان فيه تفتيش وانووووووواع السيارات واقفه وانوووووووواع المخالفات قال احد اصدقاي يمكن فيه تجمع او موكب قلت يمكن يوم وصلت قالي الرخصه والاستماره عطيته قالي ليش

][][ ابــوعــكــس ][][ @user_9601 · 15-02-2004

<-------------<< شاف بنفس التفتيش (بالدايري _الرياض)

والله كلامك صدق وانا شفت الناس يوم الخميس

لو تشوف الدايري (محل التفتيش الي شفته)
من كثر التضليلات على الارض ماتقول الى انها زباله من كثرها

والله انك صادق

مانقول حسبي الله ونعم الوكيل

TSS @user_5129 صاحب الموضوع · 15-02-2004

هلا شباب

احلى والله طلعت الفضايح :D:D

اشكركم على المتابعه

gmc_97 @user_9824 · 15-02-2004

والله ياشباب لي يمكن شهر او اكثر مظلل ما قد خلوني الدوريات افك التظليله مع ان معي جمس اللي في التوقيع ادور في التحليه وكل مكان ماقد فكيت التظليله مره اكتم اسود ومره نيكل والان نيكل وما فكيتها

abbodi @user_4180 · 15-02-2004

والله وحتى انا
كنت مضلل الزجاج الخلفي فقط وليس الابواب يعني مظلل بس زجاجه وحده
ورحت لشرقية ووقفت عن تفتيش وقال لي فك التظليله
ساعة وانا اترجاه واقول له عندنا برياض مسموح قال هذا عندكم مو عندنا

وفكيتها بس الحمد لله ماعطاني مخالفه

والله حاله العسكري قام يطلع قوانين من عنده ....ابغى افهم ياناس ياعالم كيف مسموح في الرياض وممنوع في الشرقيه..صدق هذي اللي اسمها اللكاعه....

اما انا...يقابلني اذا فكيتها ..واذا عطاني القسيه اول شي اسويه اخذ اسمه....

لاحظ انا العساكر الملكعين ما يحطون اساميهم على البدله ...

وعلى طاري المخالفات ...في مخالفتين ما ادري احد سمع فيها ولا لا..مخالفة تمزيق مخالفة و مخالفة انذار بموقع رادار!!!!!

The snake @user_5344 · 14-02-2004

انا مره كنت مظلل كامل السياره من اولها لأخرها كاتم وهي لونها اسود
الى ان طبيت في ذاك التفتيش قالي فك التظليل الحين وماراح اعطيك مخالفه ((جيته بأخلاق )) قمت فكيته كامل لأن القزاز الخلفي لحاله مظلل مالها داعي ..بس الكلام هذا من مده

بس والله نكبه حتى الخلفي ينفك ما سمعت قبل كذا وهذا موضوع الي خبرني ((امحق لبناني):D )) على العموم الله يكون في العون

عبود في رحلة @user_10290 · 14-02-2004

هااااااااء أنا احد الضحاياء أمس عند القاعدة الجوية أخذتها بس بعد تفاهم أخدنها بس مافكينا التظليل واخذنا المخالفة قبل العشاء سدو نفسي عن الأكل لو بعد العشاء كنت بتكون أحلى تهضيم ,,,,,,, قرار طالع قرار نازل وأحنا ماندري عن شي0

TSS @user_5129 صاحب الموضوع · 14-02-2004

هلا شباب

اشكركم على التفاعل

لكن وش اسوي اخذت القسيمه وخلاص

لو اقوله اثبت لي انه ممنوع

كان اقرب باب لي هو التوقيف :D:D

الله يكون في عوننا

ع البال @user_9416 · 14-02-2004

منع التضليل بهالوقت لأسباب أمنية.

وكان من المفروظ انهم يقولون ويعلموننا.

انا لو منكم ما آخذ القسيمة الا اذا اثبت انه ممنوع:)

الضفدع المسحور @user_1029 · 13-02-2004

شباب المشكله مو مشكله رؤيه المشكله مشكلة تفجيرات:eek:
اليوم التلفزيون السعودي نزل خبر على الاخبار تبليغ عن سياره جمس موديل 91 رصاصي مكتم الي ورا (تضليل عائلي) وعلى ما اضن انه ملغم بمتفجرات
طبعا هذا استنتاج من عندي لاكن اتوقع 90% ان هذا هو السبب
|3|

Dr 3 @user_1751 عضو · 13-02-2004

والله غريبه أصلا مافيه أي فايده يمنعو التضليل
الخلفي لأن مايحجب الرأيه لمن بداخل السيارة

مشكور أخوي على التنبيه بس شكل السيارة
غبي إلي ورى مفكوك والجوانب مضلله ..سوري..

هايلكس 2001 وبس @user_7991 · 13-02-2004

لا يا شيخ وش هذا الخبر

اول مرة اسمعه منكم

لكن الله يعين وش نسوي

C a M r Y @user_5875 · 13-02-2004

والله خبر يرفع الظغط

الله يكون بالعون

انا مضلل الخلفي كاااااااااااااااااااااتم والابواب الاربعة زيرو زيرو كذا مرة اعدي من تفتيش مايتكلمووووون :D

لكن اقول شكلي بروح انزلة كلللللللللله قبل مايصلخني واحد مايستاهل قسيمة

:D

مستشار التفحيط @user_8774 · 13-02-2004

بس اخووووووووي ما فهمت التظليل الخلفي
حق القزاز الورا ولا قصدك كله ممنوع التظليل من اصله خلاص ؟؟؟
ومشكووووووور على الخبر الغير سعيد

TSS @user_5129 صاحب الموضوع · 13-02-2004

هلا شباب

موضوع تفاعل معه كثير مع انه ماله الا 12 ساعه نازل بس

ماشاء الله

اخواني اكرر التضليل ممنوع لكل السياره ابتداءً من السبت الماضي

اشكركم على الردود

Shadow @user_1149 · 13-02-2004

شي عادي .... بعض العساكر الله يهديهم يبتكرون قوانين من عندهم ..وهي على المزاجيه ..ماتقدر تعترض..

لكن..

اذا كنا حقا نطبق النظام ...التظليل المسموح هو الخلفي وانه يكون مرئي ..لايكون كاتم او ثقيل...يعني لو تظليلك كاتمه فمعاه حق ...نظاما ...

TARIQ.M @user_74 · 13-02-2004

والله وحتى انا
كنت مضلل الزجاج الخلفي فقط وليس الابواب يعني مظلل بس زجاجه وحده
ورحت لشرقية ووقفت عن تفتيش وقال لي فك التظليله
ساعة وانا اترجاه واقول له عندنا برياض مسموح قال هذا عندكم مو عندنا

وفكيتها بس الحمد لله ماعطاني مخالفه

راعي الاوديTT @user_6152 · 13-02-2004

صايل

عندك عدم تعرض

صايل @user_10242 · 13-02-2004

والله انا مضلل سيارتي كتم ورا وقدام والزجاجه الاماميه نص والخلفيه كامله

وحامض على اي واحد فيهم يمسكني الا ارز في وجهه عدم التعرض

والله يعينكم

راعي الاوديTT @user_6152 · 13-02-2004

كاتب الرسالة الأصلية zr1farsi
ما ينفع يسون اعلان بالجريدة لنه اذا سوو اعلان ما راح يطلعون افلوس من ظهور الناس

:D

همس البحر @user_5441 · 13-02-2004

معقوووووووووول
انا قبل اسبوع تقريبا كانت وراي دوريه وشويه ماسمعت الى يقول صفت على جنب ياراعي السيارة...... وقلت ياقلق وش اللبش هذا المهم طلب الرخصة وعدتها وقالي (وين تشتغل ها وين تشتغل;) ) وقال ليش مظلل القزاز الخلفي ( طبعا كنت مظلله اسود ثقيل ) قلت يابو الشباب انتو سامحين بالتظليل الخلفي ولا انا غلطان وشويه طالع فالتظليل وقال هذا مايمنع الرؤية، وما اعطاني قسيمة وقال اسف للازعاج......
اسف للاطــــــــــالة

همس البحر