لو سمحتوا ابغى اعرف مواصفات البيجو 307

اخوي عاشق الجولف
شكرا على المشاركه انا خويي عنده 206 موديل 2001 حايكانها حوك مو طبيعي
بس ماشاء الله عليها ماتقول شي الحين اتوقع وصلت اكثر ال 80000 كيلو

اخوي القناص

اهاااااا كيدا يعني

طلعت مو للبيع لكن تحصلهم بعد فتره يبيعوها
طبعا 206 سي سي يبيعوه
لان شفت وين وايد مفلتين

شكرااا

أهلا أكورد 1997

هو صحيح 307 سي سي الحمرا موجودة بواجهة الوكالة ومعروضة كشف وخلفها 206 سي سي
بس يوم سألتهم الإسبوع الماضي قالوا ليي أنها للعرض مش للبيع !!!!

تحياتي

مرحبا يا شباب
أنا عندي بيجو 307 صارلي من اشتريتها شهرين ماشي 4000كم بس بصراحة السيارة حلو وعملية واقتصادية بس بالنسبة الخرابات اسمع بعض الشباب يتكلمون عنها بس صاحبي عند السيارة نفس المواصفات 2003 ماشي 47000كم وكارف السيارة كرف يقول ما عليها كلام مع أنه ما عنده عناية بالسيارة وكل دعس ويمشي على الزيت زيادة ........ والأمر راجع لك .

هلا والله اخوي القناص

اخوي تنزل البيجو 307 سي سي

انا راكب واحده في الوكاله الي في الدمام ولونها احمر بعد

بس مواصفاتها حلوه بصراحه

سلااااااااااام

البيجو 307 سي سي ما يجي السعودية

أما البيجو اللي شفته فهو ستاندر وفيه أثنين منه في القطيف بس

وسعرها ألحين ما يقل عن الـ45 وهذا عرض محدود من الوكالة

وإذا بتقارنها بغيرها مثل الكورولا أو الصني بتتفوق عليهم من جهة المواصفات و الشكل بس

أنا عندي بيجو 307 بس لألحين ما اتعاملت مع وكيلها غير من جهة الفحص.. والسيارة ماشية معي تمام

والمصيبة الكبيرة أن ما لها قطع غيار في السوق وسعر الوكالة غالي

شكرا اخواني على الردود ماقصرتوا
انا من قبل كنت افكر اخذ لي وحده اول مانزلت حيث كانت وايد رخيصه
كان سعر القير العادي 43 الف والتماتيك 46 الف تقريبا

بس الظروف ماسمحت لي للاسف
طبعا السياره حلوه بس الحين سعرها مو فيها
كما الوكيل الي عندنا اشوف الناس كلها مضايقه منه
عالعموم شباب ماقصرتوا معاي
واشكركم مره ثانيه

سلااااااام

-------------------------------------------------------------------------------------------------
اخوي اكورد 1997
بأتكلم لك عن تجربه شخصيه
عندي انا بيجو 307 قير عادي فتحه
المواصفات الميكانيكيه
سعة المحرك 1.6
عدد الإسطوانات 4 cylinders
قوة الحصان 110HP
ناقل الحركة /اما جير عادي اوتيبرتونيك
الفئه الثانيه سعة المحرك/ 2.0عدد الإسطوانات 4 cylinders
قوة الحصان 138HP
ناقل الحركة 4 Speed Automatic Triptronic
نظام ABS للفرامل
اوفر سبيد جميع الموديلات
جنوط 16 بوصه او 17
الـــــــــــــــــــــــــــــــــــــداخليه/
مكيف الكتروني بشاشه
شاشه تعرض درجة الحراره الخارجيه والوقت والتاريخ ومواعيد الصيانه ومعدل استهلاك الوقود وكم يكفي الوقود ومعلومات المسجل والراديو
تحكم في المسجل والراديو من خلف المقود
مكيف خلفي
اماكن تخزين متعدده>>>>>اكثر شيء بدعوا فيه
2ايرباج للفئه المتوسطه اما القير الاوتو 4 ايرباج
انوار ضباب
تحكم في الانوار الاماميه
الدرج الامامي يتحول الى ثلاجه
زجاج قابل للارتداد عند وجود عائق
زجاج امامي مضلل
كل الزجاج يطلع وينزل بضغطه واحده
ريموت متعدد الوظائف(قفال الابواب-الزجاج- الفتحه)
قفل لايرباج الراكب الامامي


اتمنى اكون افدتك ولو بنصف ماتريد
اخوك ميني مان

هذه البيجو اللي انت تتكلم عنها هي بيجو 307 كوبيــــه

على شكل هاتشباك ولكن ببابين

اذا ماعلمنا انها منفسة للجولف الكوبيه اياضا التي لم تصل الى اسواقنا الى الان

عموما اذا كنت تفكر تشتري منها انصحك كل النصح ابعد عنها
باختصار
مشاكل كثيييييييييييرة ووجع راس

تسلمون يالغاليين.......

ماقصرتوا
اخوي فوفو
اي نعم عدل كلامك كلاهم هاتشباك (بس انا قصدي ام بابين)
لاني بصراحه انا مستغرب شفت واحده ومافي الاهي اشوفها
تشوفها 307 عاديه ولكن باب واحد ولاهي سي سي

وشكرا على ردودكم.....

المكينه نوعين(cc1800-cc2000) الاولى110حصان والثانيه138حصان
النوع العايدي مافيه الى من الاولى والتماتيك من النوعين
المهم كلها اقتصاديه
وللمعلوميه كلها هاتش باك مافيه منها سيدان