مشكلة في الأكورد

**الأكوردي** · 2004-02-27T19:26:04+03:00

من أول يوم أقود فيه السيارة الاحظ أنها تميل للجهة اليسرى بشكل تدريجي .. حتى إذا كان الشارع نظيف ومستوي . يعني لو تركت الدركسون وأنا ماشي بأي سرعة تميل السيارة . ذهبت إلى الوكالة عند صيانة ال 5000 كلم قالوا أنها وزنية الهوا في الإطارات ولكن بدون جدوى المشكلة موجودة موجودة حبيت أسأل من لدية ا

أكـورد @user_5135 · 09-03-2004

اخوي معانق الاكورد هل انت متاكد من هالمعلومه انه تلعب بالهوبات.

معانق الاكورد @user_5541 · 08-03-2004

فيه سيارتي صوت لكن احس انه طبيعي ولاتضغط الفرامل وانت مسرع تلعب بالهوبات لعب

خالع وسكن والـع @user_2652 · 08-03-2004

مااشتكينا من الموتر بالعكس ماشي زي الحلاوة والله..ومرتاح معه بقوة..والصوت على فكرة سمعت عنه قبل بس مادريت عنه بسيارتي الا عقب 3 شهور..!!

بالعربي الصوت موب واضح...لان على الاغلب تصير ماشي 160 وفوق وتفرمل بشكل شبه مفاجيء او قوي..ولا لو الفرامل بالتدريج مافيه اي صوووت...

أكـورد @user_5135 · 08-03-2004

ياشباب انا الحمدلله مع ابو نايف9999
ماقد سمعت الصوت وانشالله مااسمعه والله الموتر توافيق فيه ناس تشتكي منه وناس ماشي معها زي الحلاوه.

**الأكوردي** @user_5924 صاحب الموضوع · 07-03-2004

بالنسبة لي ما سمعت الصوت أبدأً والحمد لله

خالع وسكن والـع @user_2652 · 07-03-2004

انا سمعت الصوت انه اي بي اس من كم واحد..بس موب عجيب ان هالصوت مايطلع الا في الاكورد.؟!

اغلب الموااتر الحين فيه اي بي اس...مو معقول انه حساس لهالدرجة..!!

يمكن ذي فقشة ملفقينها الوكالة عشان يسكتون العالم...

**الأكوردي** @user_5924 صاحب الموضوع · 06-03-2004

مشكور عزيزي اوكسجين الحياة
على فكرة .ليش رجعت اليايات الاصلية ..هل هناك أي مشكلة بالنسبة لليايات الرياضية

أوكسجين @user_10679 · 06-03-2004

الصراحة انا سيارتي كانت تحذف لليمين بس بعدين ركبتلها يايات رياضيه ووزنتها صارت زي الحلاوة لا تروح يمين ولا يسار بعدين رجعت اليايات الاصليه حقت بلدها ورجعت المشكلة زي ماهي!!

بس واحد يقولي راح وسوا مشكله وخلاهم يسوا ترصيص ووزن وفي الاخير بقيت زي ماهي

في النهايه قالي انه طاره هوندا مرة خفيفه واذا في ميلان في الشارع ولو درجة بسيطة تلقى السياره تحذف!!

وبالنسبة للصوت اللي يوم تضغط الفرامل بعد ال180 او 160 وورررررررررررررر

هذا طبيعي هذا هو الاي بي اس!!

يعني زي ماتقول ينبهك وبس

**الأكوردي** @user_5924 صاحب الموضوع · 05-03-2004

مشكورين على الردود

عزيزي العضو سيارة:لكل شخص نظرة تخطيطية ...طبعا أكيد ...
ولكن من باب الحرص المفروض الواحد يتبع التعليمات علشان لا يكون هناك أي مبرر للشركة في حال حدوث أي مشكلة في المكينة مستقبلا (لا سمح الله).
أما بالنسبة للنسيان أيضا معاك حق .....
كل إنسان نساي ولكن عداد الزيت واضح تماما . في كل مرة تقود فية السيارة وأضن أن عدم التغيير مقصودة من الأخوان .
بس حبيت أقول أن أي سيارة جديدة لازم الواحد يدلعها ويحافظ عليها قدر الإمكان

سيارة:: لا ألاحظ أي ميلان أبدا ..بس احتمال أن ضغط الهوا ناقص في سيارتك تأكد من ذلك

كون @user_9907 · 05-03-2004

الحقيقة يا جماعة الخير هذه المشكلة يدخل فيها عاملين ...

الأول :

عندما نشتري سيارة جديدة فان حساسيتنا تجاهها تكون عالية بسبب عدم التعود عليها
بعد ان تعودت على سيارتك السابقة لمدة طويلة , وبسبب خوفك من الحصول على
سيارة معيوبة وان تكون ضحية لعملية غش أو خداع .

الثاني :

لم أقود سيارة في حياتي كلها لا تحذف جهة اليسار أو اليمين , ولم أجد جوابا شافيا لسببها
حتى حللت السبب من عندي أن هذه العلمية مقصودة من الصانع لتتم السيطرة على
السيارة وذلك بتثبيت الجهة التي تحذف لها , بالتالي أفضل من أن توجه المقود
يمنة ويسرة طوال الوقت .

هذا ما لدي والله أعلم

سيارة @user_5479 · 04-03-2004

يا اخي احس ان السيارات توافيق

ناس تشتكي وناس لا

اللة يكون بالعون

الصبر جميل

على فكرة سيارتي تحذف يسار

ابو نايف 9999
ما تلاحظ على سيارتك اي ميلان وهي واقفة نحو اليسار ؟!

aamz @user_7526 · 03-03-2004

لا أخوي المشكلة بسيارتك أنا سيارتي مشيت فيها215 ومافي شي كل شي طبيعي
المهم خذ سيارتك للوكالة خلهم يشيكون عليها مثل ما قال( ل و ك 151)

أكـورد @user_5135 · 03-03-2004

وأنا مع أبو نايف تحذف يسار.

**الأكوردي** @user_5924 صاحب الموضوع · 02-03-2004

وأنا يسار

سيارة @user_5479 · 02-03-2004

حبيت اضيف

امس لقيت واحد فى الوكالة مدخل سيارتة صيانة الالف كلم

ابيض فل 4 يقول عندة مشكلة فى الحذف تحذف معاة يمين

وانا خالي معاة فل 4 تحذف ايضاً يمين

تحياتي لك ,,,

سيارة @user_5479 · 02-03-2004

كاتب الرسالة الأصلية خالع وسكن والـع
اجل لو اقولكم كل كم اغير الزيت وش تسوون فيني:D

<--- كل 5 الاف يغير...

والزيت يطلع عادي ومافيه اي مشكلة....والوكالة والكتالوج يقولون 5 الاف...لاتنسى انه زيت هوندا اصلي مهوب بربسة الباقين..

اخوي ابو نايف 9999

ترا المسألة فيها نسيان انا امس غيرت الزيت فى الوكالة على 5088 كلم

بعدين هالفترة الجو بارد يعني عاااااااااااايدي لو يطول الزيت معاك

ولكل واحد نظرة مستقلة نحو تخطيطة:D

تحياتي لك ,,,|3|

**الأكوردي** @user_5924 صاحب الموضوع · 01-03-2004

مشكور عزيزي ..أكورد.....وأنا تحت أمرك في إي وقت

خالع وسكن والع ...وينك .....من زمان ما شفنا ردودك ومشاركاتك
فيه مثل معروف يقول(كل واحد ينام على الجنب اللي يريحه)ههههه
لا يكون زعلت بس أضحك عليك يوم قلت كل 5000 كلم ...لا تكون قحروطي وحنا ماندري ..هههه (أمزح)

خالع وسكن والـع @user_2652 · 01-03-2004

اجل لو اقولكم كل كم اغير الزيت وش تسوون فيني:D

<--- كل 5 الاف يغير...

والزيت يطلع عادي ومافيه اي مشكلة....والوكالة والكتالوج يقولون 5 الاف...لاتنسى انه زيت هوندا اصلي مهوب بربسة الباقين..

أكـورد @user_5135 · 01-03-2004

ابو نايف9999 حبيبي والله اشكرك اخوي على نصيحتك الثمينه وماعاش من يزعلك ونصيحتك الذهبيه هذي بتصير في عين الاعتبار الف شكر.

**الأكوردي** @user_5924 صاحب الموضوع · 29-02-2004

أكورد : كيفك حبيبي
تراك زعلتني والله ......... والله السيارة ما تستاهل
ماشاء الله اشتريتها ودفعت دم قلبك فيها .. وما تقدر تغير زيت المكينة فعلا شي محير
شوف حبيبي طبعا أنا جلست مع فنيين الصيانة في الشركة وأيضاً مع نفس اللي يغيروا الزيت ودقيت صحبة معهم خصوصا مع بعض الشباب السعوديين
ذكروا لي أن الزيت يتم تغييره كل 2500 كلم وإذا وصلته إلى3000
كلم فهذا أقصى حد .. يعني لزوجة الزيت تبدأ تقل تدريجيا وأيضا مستوى الزيت يقل وهذا سيؤثر على
على إحتكاك المكينة من الداخل وحضرتك وصلت ل 4000 ؟؟؟؟؟؟
إذا كنت لاتعلم فهي مصيبة وإذا كنت تعلم فالمصيبة أكبر
المهم لا تقلل ياعزيزي حاول تروح بكرة أو بعدة بالكثير وغير الزيت
على فكرة بالنسبة للصيانة تراك ملخبط نفسك المفروض تمشي على هذا النمط
عند ال 1000 كلم صيانة الألف و يتم تغيير الزيت والفلتر
عند ال 3500 كلم يتم تغيير الزيت فقط
عند ال5000 صيانة ال الخمسة الاف يتم تغيير الزيت والفلتر
عند ال7500 يتم تغيير الزيت فقط
عند ال 10000 كلم صيانة العشرة الاف ويتم تغيير الزيت والفلتر
وهكذا .ولا تنسى الكرت اللي يعطونك ويسجلوا فية المواعيد التي تم فيها التغيير ..لأن هناك خصم عند التغيير السابع

الباندا:::::ممكن توضح لوسمحت (وهي نتيجة الاستخدام )
إذا كنت تقصد على مشكلة الحذفة فهي بسيطة وسوف نجد الحل بإذن الله ولكن ليست بسبب الاستخدام وذكرت أن المشكلة من أول يوم اشتريت فيها السيارة