هل الجير الأوتوماتيك أداؤه مثل الجير العايدي على الطعس بالنسبة للباثفايندر.؟

الباثفايندر نزل بمكينتين
الأولى 3.3 بقوة 180 حصان بعد سنة 2002 نزل محرك 3.5 الجديد وانا انصح بالجير العادي لأن قوتة 250 حصان اما العادي 240 حصان هذا بالنسبة للباثفايندر

عندك الاندكروزر اغلب الشباب الحيين يطعسون بالأوتو لأنه صار قوية

اعتقد انه مافي عاد احد يسوق عادي كلهم جير اوتو
الا عاد اذا هو يطعس كل يوم خله ياخذ عادي زي ماقالو الشباب

على فكرة بيني وبين العادي (عداااااااااااااااوة) ما اواطنه بعيشة الله هههههههههههههه

متعب في المدينة بشكل ماتتخيله بالذات في الزحمات

اقولك حقيقه اذا الرجال راعي مهايط وتعطيس الله يكفينا الشر العادي ماعنه مصد اما اذا هوطلعاته للبر مواسم يعني هبقات الاوتوماتك زين بعدين الباثفايندر خفيفه وما تفرق كثير عادي ولا اوتو بس على فكره لو يجلد الاوتو في البر ويحتمي يعني لاسمح الله جاوب عليه ماعنه وعن الوكاله وتوضيب القير حول 7500 ريال اما العادي مايكلفه اكثر من 800 في الوكاله وبرا اكيد ارخص

اكيد هو مو كل يوم بيروح الطعوس

ياخذ له قير اوتو اريح له ... والاوتو ممتاز على الطعوس وماعليه خلاف

بالتوفيق :)

اذا هو حق براااااااان وحق تطعيس ياخذ قير عادي واذا هو يروح البر ناااادر الاوتو ماشي حاله...

الباثفايندر العادي قوته 250
اما الاوتوماتك قوته 240

انا قريبي عنده وحده 2002 مكينتها 180 حصان
واوتو ماتك بس ماشاء الله ما بها شي .

هذا شي أكيد أن الغير العادي افضل من الاوتو على الطعوس لأنك تتحكم فيه كيفما تشاء اما الاوتو فهو يقوم بالتبديل إذا وصل عند حد معين من الريس أو ضغط المكينة
أن شاء الله نكون افدناك عزيز

سلاااااااااااام اخوي وسع صدرك


بخصوص الجير الاوتو والعادي...طبعا العادي احسن بواجد من الاوتو في التطعيس لانك تتحكم في عزم السيارة..
لكن انا اعرف واحد من الشباب معه باثفايندر 2003 جير اوتو وماشاء الله يمشي في الطعوس بس طبعا ما يمشي مثل العادي...
وطبعا فيه ميزة في الاوتو انه راحة في السواقة العادية بس العادي قلق..

فهي على حسب الشخص اذا يبغى اوتو او عادي..
وعلى العموم الله يعطي قريبك خيرها ويكفيك شرها...


تحياتي لك...