سيارتي إما........ أو بأولع فيها .

اخي العزيز LEGACY GX والله مشكلتك انت عويصة لانه انا كمان كان عندي زي سيارتك بس 2002 و جير اوتو و كنت احس انو عزمها طايح ووديتها للوكاله وقالو مافيه شي كذا طبيعي و امشي حالي الين اطلع مع واحد من الشباب معاه 99 جير عادي و كان يطلع عليا انقهر و ارجعها الوكاله و على هالحال اللين طفشتهم

بس انت سيارتك حاله خاصه انت عارف الخط حق الكر اللي انت جبت فيه 225 والله العظيم انا بسيارتي كنت اجيب فيه حوالي 260 بالراحه يعني العداد كان شوي ويلمس الشاشة حقت عداد الكيلومتر لاااااااااااا والمكيف شغال بعد...


بس على العموم ولا يهمك انا اعرف شباب في بالبيد في فرع الطايف و انشاء الله اكلمهم لك ولا يهمك


على فكرة انا ما اعتقد انو من الكلتش لانو الادمي اللي اقولك عنده99 كان الكلتش عنده رايح فيها و يطلع علي بالراحه ...


لو احتجت اي شي كلمني على الايميل ولا يهمك انا في الخدمه سواء في الطائف او مكه او جده ...

السلام عليكم ورحمة الله وبركاته

ممكن سؤال ... ليه يا عشاق اللجاسي ((مثلي احم)) ما تكتبون مواضيع الا اذا في اجازتي )) :D

عموما عزيزي LEGACY GX انا برد عليك .. ولكن ما اعتقد ان ردي بيفيدك بالكثير .... ((لأني مش المكيانيكي الكبير في هذي الشغلات )) بس اذا كنت من الشرقية اعرف ورشة تخصصها السوبارو هنا افي التركية الصناعية واذا بغيت ممكن ادليك اياها في اقرب وقت ..
..
او ممكن تستشير ... الفني في منتدى الورشة ...

===== رد عام على الموضوع.....

الغريب بسيارتك انها ما تنزل اكثر من 160 او 170 ...وانت 5ر2 لتر .. وسيارتي تنزل 200 و210 .. ولا موديل 1998 .. ودفرنش قدام بس .. وقير اوتو ...

على فكرة ((البرميرا في الخط اقول لها باااااااااي )) بس قومه معاه حق انه يقوم ....

طيب .. انت يوم اخذتها من الوكالة مرنتها خلال الـ1600 كيلو اوكيه ((شي فيه بعض الظرورة))

((اذا كنت من رواد بالبيد باستمرار .. وهم الي يغيروا الزيت .. تاكد من زيت المحرك قبل لا تخرج ((لأن صارت لي 6 مرات للأسف يكون الزيت تبع المكينة نااااااااااقص ... لذالك احذروا من الوكالات مثل ذي حتى على زيت بخيل ...))

وثاني شي سيارتك عادي ... راجع باقي الزيوت من زيت الجير وغيره .. خصوصا الجير لأن الجير العادي على حسب فهمي انه يحتاج الى تشيك كل اسبوع .. ((واذا فاضي شيكه كل يوم ... خصوصا اذا كنت من مكثرين الطلعات ))

مثلي على ايام سيارتي الأولية ..بس كانت نيسان بلو بيرد

===== هذا اكيد ما هو الحل الان ... لكن الحل .في نظري ..

بالنسبة لمجرى الهواء الى المكينة .. الفلتر ومالى ذالك لين يدخل الهواء الميكنة للأحتراق ((انا شفت في سيارات 1999 وطالع عدم وجود منظم هواء ضاهر للعيان ما ادري فيه او لا ... لكن فيه هذي الماصورة الت توصل الهواء للمكنية راجعها ... وراجع طريقة دخول الهواء وشوف هل الهواء يدخل او لا ؟؟ يعني برمجة كمبيوتر وتنظيف بخاخات .... واذا امكن تحطها في اختبار هل تشغتل المكينة بشكل اوكيه يعين .. البساتم الصمامات والشغلات الداخلية تشتغل اوكيه ....

ما تخربط وتخلط ؟؟ .... شغل عويصي ها ;) .. بس راجعه يمكن يكون الخلل فيه ....

الأمر الأخر ... مخرج الهواء من المكينة ... الى الخارج .. هدرزات اكزوز دبة والشعلات دي ... ايظا راجعها ... يمكن يكون الخرا ب منها .. والله العالم كل شي وارد ...

بالنسبة للكلتش والصحن تبعه .. والجير عوموما لا اذكر احد اشتكى من الجير بصفه عامة ...

ولكن من يعلم ربما تكون المشكلة فيه ...

بسئل ؟؟؟ هل تحس انك تدوس ويرتفع الأر بي ام .. بدون ما تطلع السيارة بقوة ؟؟؟؟

يمكن الجير ...
ويمكن برمجة الكمبوتر ..
يمكن مخارج الهواء من المكينة ...
يمكن مداخل لهواء للمكينة ؟؟؟
ويمكن شغل المكينة الداخل وهيئة الادخال والاحتراق والأخراج .......

اعتقد احد الأمور هذي راح تكون وياك .... والله يساعدك ...


============== في الختام ....

سوف انقل الموضوع مع جعل رابط له ... هنا ..

وانشاء الله الفني يقوم بمساعدتك ....


واذا تبني ادليك الورشة .. ارسلي على الخاص... خلال هاليومنين


لأني يمكن اطلع واخذ شوية في الغيبة اوكيه عزيزي ...


وبالتوفيق للجميع |3|

ارجو من الأخ LEGACY أو أي أحد خبير في السوبارو ابداء رأئهم في المشكلة وأخذ الموضوع بجدية ..


تحياتي

وانت تستهين في البرميرا النيسان ...
انا ماشفت سيارتك ولا شفت عزمها لاكن المعرووف انه البرميرا خصوصا قير عادي قومه غير طبيعيه تقوم على الهوندا بسهوله والكامري اسهل اما الكورلا 1.8 منافسه لها مع ذالك تقدم عليها ..
السوبارو مااستهين فيها بس قدام عيني كورلا قايمه عليها ...

الأخ هاوي بنز السيارة لما ابت تعدي 160 كانت خط مستو " يعني فيه شوية طلعة " كان المكيف شغال لكن في خط الكر توصل 225 تقريبا بالراحة والمكيف مقفل .
وأعوذ بالله من أن المكينة تكون فيها شي لأني من جد بأولع فيها |5| ..
ومشكور على الرد



الأخ أبو هجوس
حبيبي عزم السيارة طايح والكلتش أكثر من مرة تطلع ريحته لما اطلع طلعات عالية مره ولما اركبه ارصفه في الجامعة عشان كذا قلت الكلتش منتهي .

الوكالة تحاول تقنعني ان العزم طبيعي لكن أنا شايفه ناقص ، وشكل من كثر ما اتشكا لهم من العزم قالوا خلونا نقوله ما عاد فيه حل عشان ننفك من رقعة وجهه :D .

بالنسبة لفلتر الهواء قد فكيته مره من المرارير ولقيته برتقالي يعني جديد 100% وما فيه أي مشكلة حتى حاولت اطالع اذا كان فيه أوساخ أو لا ما لقيت فيه شي ..
بالنسبة للقزوز فراح اشوف عنها لكن ما اعتقد السيارة ما قد اكلت بها مطبات ولا حفر ولا " طعست بها " عشان يصير في تنسيم أو غير في الكنداسة يعني من تحت تلمع " جديدة " .:p .

في أخر مره وديت السيارة الوكالة برمجوا كمبيوترها من جديد وصرت أحس فيه شوية فرق " يعني زاد إلى حد ما " .

بالنسبة لإحتمال وجود عيب مصنعي ما اعتقد لان السيارة أو ما شريتها كانت اسرع من الصارخ خاصة في القومة شئ غير طبيعي لكن " العين حق " .

اشكر لك أخوي تعاونك وجاوبك مع الموضوع " واتمنى لك التوفيق أنت وسيارتك "


الأخ هتلـــــر
اللي سويته فيهم كفاية وزود طفشتهم تطفيش حتى مدير الصيانة لما اقوله بالتلفون السوبارو السوداء يقول عرفتها عرفتها :D . ... يعطيك العافية .



الأخ Initial D عزيزي بالنسبة للزيت مثل ما سبق وذكرته الزيت ما فيه اي تسريب لا من برا ولا من جوا .. عموما يعطيك العافية .

يعطيكم العافيه شباب وبالفعل ما قصرتم والله لا يوريكم مكروه ..



ونحن في إنتظار الأخ LEGACY

مثل ماقال الاخ ... شيك فلتر الهوا يمكن انه مسدود أو يمكن طفح الزيت عندك ووصل للفلتر وخلاه ينسد ...؟

والله اخوي مشكلتك عوييييييييصه......

يبغالك تروح الشركه وتسويلهم جنان....؟؟؟؟

الله يكون في عونك..... نفسي اساعدك....بس للاسف ماعندي علم بالمشكله

سلام عليكم ورحمة الله أخوي LEGACY GX


أنا بالنسبة لي عندي سبارو 2001 تمشي زي الصاروخ ولله احمد والمنه ....

أنا أوضح لك بعض إلي اعرفه بما أني ماشفت سيارتك ولا أعرف ميكانيكا لكن الخبرة تلعب دور ...

عزيزي انت قلت عزم السيارة رايح منتهي وإلا الكلش منتهي لأنه الكلش منتهي ماله دخل بعزم السيارة ولايقل ولاينقص....

الوكالة شافوها وقالوا لك مانقدر نسوي لك شيء إذا كنت اول واحد المفروض يسوي لك شيء لكن إذا كنت من ألف شخص عنده المشكلة مايسوون لأنه السيارة ماعليها ضمان من اليابان ضمانها بالبيد السعوديه وتقدر تجدده ....ماعلينا ..
إذا المكينة صاحية ولافيه أي عيوب فهذا عيب مصنعي ويعني مامنها فايدة المكينة أو في احتمالات أنا راح اقول لك عليها بالنسبة لي شفت متى يقل العزم ومتى يزيد ....

حبيب قلبي شيك على فلتر الهواء من اوله إلى أخره ..مافيه تنسيم أو مركب عدل ...لانه يطيح عزم السيارة لو تشيل الفلتر ..ولاتجيب حتى 100 ...هذا أحتمال أنا مش خبير مثل ماقلت لك ....
شوف القزوز ...ومن الكنداسة للمكينة مافيه صوت يطلع ولا تنسيم من البيبات من المكينة إلى الكنداسة ...أحتمال ثاني ...
القير عادي مثل ماذكرت ولاأعتقد انه يخرب بهذه السهولة ...
اخيراً وليس آخراً كمبيوتر المكينة تعبان يبي له تغيير او برمجة من جديد او شيء من هذا القبيل ...

ماعندي شيء أضيفه الله يعنيك أخوي ....موديل 2002 أنا شفت ثنتين غيروا الكمبيوتر تبعها الوكالة بعد شهر من استخدامه عيب مصنعي فأحتمال كبير يكون ايضاً لسيارتك بها عيب مصنعي ...


والله ييوفق الجميع ...


|4|

في سوبارو حقت واحد من الربع يقول امشى خط حدها 170 يقول بس ارفع رجل عن الدواسع تقوم السياره ترجف من المكينه الظاهر انها دمار وزي حالتك

شباب فين الفزعة :( ..


ارجو الرد بسرعة


تحياتي

VIPER LoVeR
L . o . D . e

اشكر لكما ردكما وتفاعلكما مع الموضوع .. والله يعين ..

Initial D
مشكور على الرد والتفاعل والسيارة مثل ما ذكرت فل كامل يعني 2.5 والمكينة ما تسرب زيت السيارة توها متعدية 30000 كلم " جديدة " لكن المشكلة ما اعتقد في الماكينة اعتقد في الكلتش بس اذا تعرف اش المشاكل اللي ممكن اواجها اذا كان الكلتش عندي خربان ؟


أكرر شكري للجميع ..



تحياتي

أخوي والله مدري شنهي المشكله بالضبط بس ماعمري سمعت انه السوبارو فيها مشاكل...؟؟ أنا عندي سوبارو 2003 وهي ماشيه حول الـ80000 كم ومن يوم خذتها ما عمري مريت على الوكاله مع انه استخدامي قاسي للسياره ....
أخوي ممكن تقول لنا إذا فيه صوت غريب من المحرك ... جرب تفحص مستوى الزيت عندك إذا لقيته ناقص فأعتقد انه بيكون عندك مشكله كبيره (( أو بالاحرى بتودع المكينه )) المهم إذا لقيته ناقص جرب تزيده وشوفه ينقص بسرعه مع الاستخدام ولا لا ..
إلا ما قلت لي اللي عندك 2.5 ... إذا 2.5 مستحيل تروح البرميرا عنك
إما إذا 2.0 فأعتقد انه بيروح عنك
وشيء ثاني ترى الـ2.5 تطرح الـ240 كم
أما الـ2.0 مثل اللي عندي فتطرح الـ215 كم

الله يكون في عونك