اسئلة بخصوص الفحص الدوري المروري

شدعوة أخوي خلف3 ما سوينا إلا الواجب اللي علينا

لا لا ما معك يا خلف ،
أنا أعرف جيدا ما تحدثت عنه ،
وصدقني المشرفين في ذا المنتدى لن تجد أطيب منهم ،
لكن أنت الله يهداك تعصب بسرعة :D



أشكرك على التجاوب الطيب ،
وكذلك أشكر أخي الكريم [ أحمد مطر ] على الكلام الطيب ،
وأنا قبل 4 أشهر بالتمام والكمال وديت اللكزس للفحص الدوري ،
ولو حسبت حساب المنتدى كان أخذت كاميرا وصورت الفحص من أوله لآخره ...


شكرا للجميع .

هلا أخوي خلف,,,




أبشر بالخير جاك الوصف...



هو عند حراج الدمام حق السيارات معارض الدمام وأنت رايح للرياض تجيك على اليمين هو على يدك اليسار,,


وإذا ما دليت قلي,,,

ألف شكر
أفدتوني والله لأني باودي السيارة

مشكورين وما قصرتوا
وخصوصا أخوي Polite

ابوطريخم.....ترا
:mad:
1ساعة=60دقيقة:mad:

كشت فينا بارك الله فيك:mad:

الموضوع لما يكون حيوي ويخدم الجميع لا نتردد في الرد عليه ولا شكر على واجب أخوي خلف ولا تحرمنا من مشاركاتك .
بارك الله فيك .|3|

شكراً اخوي احمد مطر.....تقصد يشهد علي الله انو انا لما كنت اشيك موضوعي .زصدفة شفت اسمك تحت مع الاعضاء المشاركين ووالله قلت شكللو احمد مطر هو اللي بيرد ورديت انت ..سبحان الله..بارك الله فيك يااخوي|3|

ما هي الإجراءآت التي ينبغي لك عملها للسيارة قبل الفحص الدوري

هذا هو السؤآل المهم والذي لم تسأل عنه .

أولاً : تأكد من صلاحية الفرامل وآدائها وتأكد من آداء الجلنط
ثانياً : الكفرات وأن تكون من مقاس واحد حتى لو كانت مختلفة الماركات
ثالثاً : مساحات الزجاج والموية بتاعتها وتأكد من صلاحية الهرن ( البوري )
رابعاً : الكسور في الزجاج وخاصة الأمامي ولا يزيد طول الشعر في الزجاج الأمامي عن 10 سم .
خامساً : التظليل يجب ان يكون في الأبواب الخلفية فقط
سادساً : عالج تنديات الزيوت والكربون وأوزن الأنوار عدل وتأكد من ثبات الأنوار والأسطبات وأن لا يكون في الأصطبات أدنى كسر .
سابعاً : أن تكون لوحات السيارة هي اللوحة الرسمية الصادرة من المرور
ثامناً : إذا في السيارة صدمات قوية ما يقبلها الفحص الدوري
تاسعاً : تأكد من الأنوار جميعها وهي الأنوار الأمامية والخلفية وبالذات نور الفرامل والخطر والإشارات ولمبة الفرامل اللي فوق الطبلون الخلفي ولمبات اللوحات والريوس . الخ
عاشراً : تأكد من وزن الأذرعة والمقصات
الحادي عشر : أنوار الزينون إذا هي مركبة تجاري ما تقبل في الفحص الدوري وأي زوائد على السيارة وخاصة المحرك أو المحرك مغير ما يقبلها الفحص
الثاني عشر : طابق رقم هيكل السيارة ورقم لوحاتها مع الرقم الموجود في الإستمارة إذا هو غلط أو مختلف الله يعينك على تعديله .
الثالث عشر : قبل ما تدخل للفحص الدوري مر الورش اللي عند الفحص وعط أبو هنود 20 ريال وقول شيًك على السيارة تحت مسئوليتك وهو يتولاها وبإذن الله تدخل مره واحده ما تعود للفحص ثانية .
الرابع عشر : لا تنسى من الفرحة عندما تنجح سيارتك في الفحص من أن تمر مكتب المرور وتختمها والا راح ترجع مرة ثانية تختم .

بالتوفيق وإذا أنت ماتحب الإنتظار تحت أشعة الشمس الحارقة في هذا الصيف القائظ خاصة ونحن قد دخلنا في موسم طباخة الرطب فنصيحتي ود السيارة لأحد المعارض وأعط العامل هناك 100 ريال أجرة وهو يتولاها ويفحصها بالفواتير .

الأخ الفاضل خلف : أنت بهذا الإستفسار فتحت لنا آفاقاً لموضوع حيوي ومفيد وأقترح على أخي وعزيزي Polite بأن يصيغ المعلومات الرائعة في رده مع المعلومات في ردي هذا وإبرازها في موضوع مستقل يحمل عنوان ( الفحص الدوري ما لك وما عليك ) أو أي عنوان يراه لتعم الفائدة وافوضه في التعديل كيفما يشاء .

مع السلامه .

ياهلا وغلا فيك




وكل شيء ولا زعلك يالغالــي بس ساعه وحده والخبر عندك بإذن الله,,

شكراً اخوي ابو طريخم ..ونعم والله والف نعم فيك ..رجّال ولد رجّال ..ان اشهد ..وهذا العشم فيك ...بارك الله فيك ....:D

هلا أخوي خلف والله ما إنتهبت للموضوع..




أولا أنا ماني من سكان الدمام أنا من الجبيل ....



وبعدين يعني ما شاء الله تبارك الرحمن الشباب ما قصروا معك باقيلك الموقع,,




عطني ساعه وأردلك خبر إصبر علي,,,,,,



ولاتعصب أهم شيءءء

وين ابوطريخم؟؟؟!!!:confused:

اخوي pilot

اول ماشفت اسمك بالرد قلت خلاص نقلوا موضوعي لمنتدى محد يجيه ..ووقفوا عضويتي ..لأن دايماً حظي تبن مع مشرفينكم ..بس طلعت رجال ونعم شكراً جزيلاً على التواصل|3|

اخوي octavia

بارك الله فيك ومشكور وماقصرت وكفيت ووفيت|3|

هلا أخوي خلف ،
منور المنتدى بعودتك ..
وهذه أجوبتي وإن شاء الله تكون صحيحة .

1) اين موقع محطة الفحص الدوري بالدمام؟؟الرجاء الوصف بدقة ...انا ساكن بحي البادية جنب مخابز القصيم اللي على شارع بن خلدون بالدمام
للأسف لست من المنطقة الشرقية،
وإلا فيشرفني خدمتك ومن عيوني بعد ..

2) كم رسوم الفحص الدوري؟
73 ريال ، وعند إعادة الفحص مرة ثانية تدفع 21 ريال

3)ا ستمارتي قاربت على الانتهاء باقي لها اسبوعان واردت التجديد وسمعت انه لازم اروح الفحص الدوري ..طيب اروح على طول الفحص مباشرة او بالأول لازم امر المرور يعطوني ورقة للفحص؟؟؟
لازم تروح للفحص تسوي فحص وتاخذ ورقة الإجتياز ،
ثم تروح للمرور وتسوي تجديد للاستمارة بـ300 ريال
إذا رحت للمرور بعد إنتهاء الإستمارة بتدفع 100 ريال زيادة
علشان كذا خلـّــص إجراءات الفحص وخذ ورقة الإجتياز وروح للمرور بدري

4) اذا وصلت محطة الفحص اصف بالسرا من الباب على طول او امر مكان معين فيه لأخذ دور اورقم ترتيب؟؟؟
تنزل من السيارة وتروح للمكتب تدفع الرسوم وهو يعطيك ورقة
بعدين تركب سيارتك وتروح توقفها بالسرا وتنزل تنتظر
والعمال ياخذوا السيارة ويشيكوا عليها ويفحصوها
وتستلمها بعدين إذا أنتهوا منها وأعطوك ورقة الإجتياز

5) كم تستغرق مدة فحص السيارة؟؟
إذا مافيه زحمة ما تاخذ أكثر من 15 دقيقة
لكن لو فيه زحمة ممكن تتأخر ساعة ، ساعتين ، ثلاث ..

6) بعد الفحص هل يعطوني ورقة اوديها على طول للمرور في نفس اليوم لتجديد الاستمارة ام ماذا؟؟
تاخذ ورقة الإجتياز وتروح للمرور علشان تجدد الإستمارة ،
إذا وديتها بعد إنتهاء الإستمارة بيوم أو يومين ما ياخذوا عليك 100 ريال ،
لكن إذا تأخرت شهر فأكثر يحسبوا عليك 100 ريال علشان التأخير

7) كم رسوم تجديد الاستمارة الجديدة...يقولون صغرت ::الاستمارة بالحجم؟؟!!300 ريال
والاستمارة أصبحت تتكون من بطاقتين تأتي كل وحدة بحجم بطاقة الفيزا أو بطاقة الأحوال ،
لكن للأسف مع هذا التطور إلا أن المعلومات يتم كتابتها بخط اليد ..

8) كم يستغرق تجديد الاستمارة؟؟
ما بياخذ وقت كثير ،
على حسب الزحام ،
لكن أنت روح بدري وتنتهي بسرعة إن شاء الله .

9) متى يبدأ دوام محطة الفحص الدوري بالدمام؟؟سبعة صباحاً مثلاً؟؟!!
السابعة والنصف صباحا ،
وكل ما رحت بدري كان أفضل لك .




في الختام ،
الشباب بيفيدوك ويخدموك من عيونهم ،
لكن لا تستعجل لهالحد ؟
معقولة تكتب موضوع ثم بعده بدقيقتين تكتب ردين وانت معصب علشان ما ردوا عليك ؟؟؟
ما يصيـــــــــــــــــــــر ..:rolleyes:
أركد وأنا أخوك .



تحياتي لك ،
وإن شاء الله تتم إجراءاتك بكل سهولة ويسر . |3|
وبالنسبة لرسوم الفحص ماني متأكد منها بالضبط لعل الشباب يعطوك الخبر الأكيد .

1- أخوي للأسف ما أقدر أفيدك لأني من القطيف ..

2- الفحص ما عليه رسوم .. بس تجديد الإستمارة عليه 300 ريال ..

3- أظن أتروح المرور وتقل لهم وبعدين تروح للفحص ..

4- هذي والله مادري عنها ..

5- نصف ساعة لا اكثر ..

6- نعم يعطوك ورقة توديها المرور وهم يطلعولك الأوراق الازمة و الإستمارة الجديدة ..

7- 300 ريال .. نعم صارت صغيرة ,, أصغر من بطاقة الأحوال أو بحجمها تقريباً ..

8- زي ما قلت لك نهار لا أكثر ولا أقل يعني تأخذ ساعتين في الفحص و التجديد إذا مو أقل يعني .

9- والله زي ماقلت لك أنا من القطيف فما أقدر أساعدك ..

إن شاء الله أفدتك ..

تحياتي
|3|

لم تردواااااااااااااااااااااااااااااااااااااااااااااااااا!!!!!
آه آههه رأسي يؤلمني آهه :mad: