مغلق للصلاه

طيب اذا انا كنت امشي في الطريق وخلص علي البنزين شسوي ؟؟
الواجب يفتحون محطة بنزين في كل 500 متر في المدن .. |471|
طيب افرضوا واحد معاه حالة نفسية مستعصية يبي ياكل موز بسرعة ليه مايحطون سوق الخضار على الشوارع زي البقالات ؟؟ |566|
طيب يااخي انا مااحب الاشارة الحمراء لان عندي عمى الوان اشوفها بعض الاحيان خضرا وامشي الواجب يحولونها بيضا |521|

ياجماعة الخير ترا السالفة صارت مهزلة ..
محطات البنزين موب تقفل يوم وتفتح عشرة يعني ماتدري متى تقفل ..
انت تعرف ان محطات البنزين عند كل صلاة تقفل فشيء طبيعي انك لازم تحط لك علبة كبيرة وتشيل فيها عالاقل عشرة لتر بنزين ..

اذا في حالات طارئة عندك فالخطأ عليك انت انك لم تستعد لها وتحتاط ..
مو معناها ان معي حالة طارئة وتعرضت لمشكلة معناها ان لازم اغير نظام البلد كله معناها انك انت لازم تغير نظامك في احتياطك لمثل هذي الامور ..
يعني مو معقول اننا نقول لازم لا خيمنا بالبر تقعد جنبنا سيارة مطافي علشان لااحترق المخيم يطفون النار ..
لكن نجيب معانا طفايات ونكون على استعداد تام لأي حالة طارئة ..

وتذكروا ان درء المفاسد مقدم على جلب المصالح في شريعتنا الاسلامية ..
وانتبهوا ان تكونوا جنودا لبنو علمان - لعنهم الله - ..

معاي في الشركه موظفين مسيح وفيهم عرب بعد وأحيانا وصارت اكثر من مره يرسل المدير أحدهم للموقع قريب نهاية
الدوام على اذان العصر يطلع الموظف وعلى محطة البنزين على طول ويلقاها مسكره وينتظر ثلث ساعه لين يعبي بنزيل
وما يوصل للموقع الا خلص الدوام وما يشوف الى الغبر.

إغلاق المحطات والمحلات التجارية هو إحترام لهذه الفريضة العظيمة التي أمرنا الله بها . فإذا أذن المؤذن فهذا يعني دخول وقت الصلاة والعبادة ويجب على العبد المسلم أن يتجرد من كل مشاغل الدنيا ويمتثل للنداء .

ومن آداب الصلاة انه أثناء رفع الأذان يجب على العبد ان يتوجه الى ربه بكل جوارحه وحواسة ويترك أمور الدنيا ويردد خلف المؤذن ، فلا يدري أحدنا ربما تكون هذه اللحظة لحظة صلاحه وفلاحة في الدنيا والآخرة . والعبادات والصلاة هي مفتاح الرزق ، ومن ترك شيئاً لله عوضه الله خيراً منه . وليس من الأدب مع خالقنا ان نسمع النداء ونعبي بنزين أو خلاف ذلك .

ولكن ربما يمر أحدنا بمثل هذه اللحظة الحرجة كأن يكون معه مريض أو مصاب وهذا الأمر يرجع لتقدير أبو هنود عامل المحطه وينبغي عليه تعبئة البنزين لمن يمر بمثل هذا الظرف فإن شاف الحاله أمامه ولا قدرها وأنا متأكد انه ما راح يقدرها فعلى الله العوض .

وفق الله الجميع .

ما أقدر أقول أكثر مما قاله الأخ Shadow جزاه الله كل خير وكثر من أمثاله .

هل تعلم يامن تهاونت بالصلاة أن آخر وصايا المصطفى عليه الصلاة والسلام كانت الصلاة الصلاة

السلام عليكم ورحمة الله وبركاته ....

اتمنى أن نتكلم عن نقطة معينه ولانعمم القضيه من أجل بعض الامور الاخرى ...

مسألة اغلاق المحطات من أجل الصلاة لاغبار عليه ..والصلاة لاتستغرق أكثر من ثلث ساعه ..قصيرة على من يؤديها ... طويلة على من لا (يصلي) وينتظر المحلات أن تفتح بعد الصلاة ...

سبق وأن نوقشت هذه المسألة قبل ثلاث سنوات وكان الموضوع يبت في القضيه نفسها ...

لااعتقد أن الصلاة سوف تأخر الشخص عن أموره بسبب عشر دقائق للصلاة ... ومنذ متى كانت اعمال الدنيا اهم من اعمال الاخره ...

بصراحه عن نفسي وعلى كثر مسكي للخطوط ... لم اتعرض لمشكله كهذه فدائما ماتجد المحطات شغاله وحتى ان كان وقت صلاة فلامشكله أن تنتظر قليلا وتصلي ...

أما من يتعذر ويقول حالات طارئه .. امي مريضه تبي الصيدليه ..عندي مشوار هام وبتعطل عشان خمس دقائق

لم نسمع ان حدث امر كهذا بسبب اغلاق المحل للصلاة .......

نريد مثالا واقعيا وليست أفتراضات وهمية مبنية على (لو ) ..........

:)

ما فهمت أي بلاوي الي تتكلم عنها

-------------------------------------------------------------------------------------


* قضية تأخير الصلاه تحصل في كل مكان حتى في الحرم المكي
لا حظوا الفرق بين دخول وقت الصلاه ووقت الصلاه "نفس الوقت يمكن يستخدمه العمال في المناوبه"

* في الجامعه مثلا اذا جا وقت الصلاه وسط المحاضره الطلاب ينتظروا لنهاية المحاضره وبعدها يصلون وتصل في بعض الأحيان ثلث ساعه وأكثر

* لكل صلاه وقت شرعي وهو وقت طويل مقارنة بوقت الصلاه مثلا وقت صلاة الظهر من وقت صلاة الظهر الى وقت صلاة
العصر تقريبا ثلاث ساعات .... ليه ويش الحكمه!!!!!

لما تحتاج لمحطة بنزين في أمر طاريء طالع مشوار طويل ولازم توصل في وقت معين وخلص البنزين "تروح البيت وتعبي
من الأحتياطي!!!!! وللا اللي يقول ليموزينات انا المكان الي اتكلمت عنه مستحيل يمر فيه ليموزين واحد الا كل ست ساعات و بالصدفه بعد
______________________________________________

اختلاف الرأي لا يفسد للود قضيه |48|

حسن Gs كلامك 100%

وتحياتي لكم

جزاك الله الف خير.....







ولا تحرمنا من جديدك......






اخوك
moody

والله كذا مره صار لي مثل هالموقف

بس الصلاه اهم واهم من اي شي

الرسول عليه افضل الصلاة والسلام لحظة وفاته (:كان يقول الصلاة وما ملكت ايمانكم )

بالنسبه لاغلاق المحال وقت الصلاه هذي نعمه بس حنا مو حاسين فيها

والسالفه اصلاً مو من الصلاه من البوفسيه اللي ماهو راضي يعبي لك بنزين يبي يريح

والله يكون بالعون

مع اطيب تحيه

انا رايي من راي داجاني

والله مـوضـوع مـدري وش أقـول فيـه

وخـاصه اليـوم أنـا معـي (( حاله )) معصب على ناوي حرش على ضايع

االمهـم بالمختـصـر ولا ودي اكتـب جـرايـد

معـك حـاله معـك مـريـظ الغـلطه غلطتـك قـايم تـدور وأنـت مامـعـك بـانزيــن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وثـانـي شـي المستشفيـات مفتـوحـه لكـن ودي يسكـرونـهـا لأن كـل هي السبـب في معصيه الممرظات والممرظين

وثـانـي شـي لاتنسـى فـي كـل تأخيـر لصـلاه لـك اجـر يحتسـب عـنـد الله وثانـي شي

بتقـولي معك مرض ولا تـروح تصـلي <---<< محشش حبتين

المهـم يالحبـيب الزبـده
يمكن تسيـر بلاوي بسبـه المحطات المفتـوحـه

مثل ما قال أخونا GMC

والصلاة أهم من بعض المشاوير!

قضية مهمة يجب التوقف عندها ،
لأن مثل ما تفضلت أحيانا الواحد يكون عنده مشوار طارئ ووقت صلاة ومافيه بنزين بالسيارة ..
ربما من الحلول إن الواحد يكون عنده بحوش البيت جالون 20 لتر ..
ويكون ممتلىء بإستمرار لإستعماله وقت الحاجة ..


أخوي Dajani ،
أستغرب منك كيف تحكم على هذا الأمر بأنه شيء يقهر ؟
أليس من العدل والإنصاف أن نعطي وقت لربنا مثل ما بنعطي وقت لكل مشاغلنا وأمورنا ..

الآن الواحد بالدوام لو عنده أمر طارئ ممكن يخرج ومكن لا ،
لكن وقت الصلاة بيخرج ولا كأن وراه رب بيحاسبه على كل صغيرة وكبيرة ..
فليش نكيل بمكيالين ونقول (( إسلام آخر زمان )) .؟؟

الله يصلحك ويصلحني . :)

لا أحد يفهمني غلط أنا ما حللت ولا حرمت

ولا قلت ان المستشفيات تسكر للصلاه!!!

أنا قلت ان المفروض ان يكون فيه تصنيف للأشياء الي تغلق والأشياء الي تبقى مفتوحه و يكون بدل صلاه جماعه وحده
صلاتين بجماعتين والفرق كله عشر دقايق بس

وتأخير الصلاه عشر دقايق لقضاء حاجة المسلمين ما أعتقد انه يمس الأسلام في شي


المملكة العربيه السعوديه هي الدوله الوحيده الي تغلق فيه المحلات للصلاه هذا شي يشرفنا ونعتز فيه
ويثبت ان الدنيا لسه بخير

وحتى هذا مو مطبق بالوجه الصحيح: اذكر كنت مره بالمخازن الكبرى والكاونترات تسكر وقت الصلاه لكن المتسوقين
يبقون محبوسين طول وقت الصلاه تقريبا نصف ساعه باختيارهم طبعا والصلاه بعد التسوق!!!!!!!!!!

مو هذا الي اطالب به انا تكلمت عن محطات بنزين وخاصة الي على الخط "الهاي واي"

لا بركه و لا خير في عمل يأخر عن الصلاه ،،

بس المفروض فتح الماشين ذا اللي على قولته و عبأ لك البنزين !!

و أنا ملاحظ انهم يقولون صلاه صلاه ولا أحد يروح يصلي

عموما ً ، أنا أشوف ان أغلب اللي شغالين في المحطات يكونون جماعه و يصلون و يخلصون قبل المساجد و المفروض يخلون واحد يعبي للمستعجل و بعد ما ينتهون الجماعه يصير تبديل و الله أعلم عاد اذا كان حلال و إلا لأ !!!

الله يكون بعونك أخوي و بالتوفيق

تحياتي لك

والله يالغالـــي الصراحه ما ادري من وين أبدء....

لكن أقولك المستشفيات ما تسكر وقت الصلاه أم عن المحطات ممكن العامل إلي فيها يبغى يصيلي كيف يعني...

يترك الواجب إلي عليه عشان يعبي للناس وبعدين مثل ما قال أخوي الغالي حسن Gs تشوف أنت العداد يعني لو مثلا...

قرب يخلص البانزين راح يطلع عندك بالعداد وبعدين الله يكثر هالموزينات..........

ونرجوا عدم الزعل أو العصبيه الزايده..

وانت مصدق الهندي مشين سكر صلاة
لايكون الاله اللي تعبي تروح تصلي!!!
وايش صار بالمريض اللي معاك انشاء اللحين بخير؟


مشكور على الموضوع

المستشفيات تقفل وقت الصلاه هذي كثر منها ..

اما محطات البنزين لازم تقفل هي وبقية المحلات وقت الصلاة ..

عشان ( أنشاء الله ) حنا شعب مسلم , ويوجد في بلادنا الحرمين الشريفين ..

والمملكه العربيه السعوديه قدوه لبقية الدول الأسلاميه والله سبحانه وتعالى شرفها بهذه المكانه

المقدسه وهذا فخر لكل سعودي ..

وأذا كان فيه حاله طارئه زي ماتقولون في حلين :

الأول : ان عداد البنزين قدام عينك وتقدر تشوف متى ينقص بنزينك لا وبعد تطلعلك أشاره توضيحيه

بأن البنزين على وشك ينتهي يعني اذا طلعت الأشاره تقدر تمشيك السياره 30 كيلو تقريبا بمعدل 25 دقيقه

وانت ماشي بالسياره يعني وقف وعب بنزين قبل ما يأذن ..


الثاني : اللهم لك الحمد الليموزينات تلقاها في كل طريق وشارع وحاره

يعني يمديك تتصرف وتركب مع اي واحدأو تتصل على الشباب يفزعون لك ..


ولا ننسى قول الله تعالى :

بسم الله الرحمن الرحيم

( أن الصلاة تنهى عن الفحشاء والنكر ) صدق الله العظيم ..




أما عن اللي يقول ( حسبنا الله ونعم الوكيل على أسلام أخر زمن )

أقوله أستغفر ربك والله يهدينا وياك , انا لاأدعي الكمال ولا المعرفه ولكن ندعو الله جميعا بأن لأ يعاقبنا بما نقول أو نفعل

واللهم أعز الأسلام والمسلمين آمين ........