صعوبة في تشغيل السيارة صباحا

اشكر كل من قام بالرد على استفساري ومنكم انشاء الله نستفيد وان دل ذلك على شئ وانما يدل على ان هناك عقول عربية تفهم في امور السيارات وليس فقط الهنود والاسيويين .. واقبلوا تحياتي

شوف حبيبي اذكر الوالد قبل في بداية السبعينات كانت عنده كورولا 72 وكان في موسم الشتاء والبرد يلحف الماكينه |516| بطانية علشان الصبح بدري يشغلها وهي مرتاحه لانه في هذيك الايام ما يعرفون شي دق السيارة سلف وامشي 0 المهم انا عندي فان 86 كبريتر عادي لازم قبل لا اشغله ادعسله 5 او 6 دعسات يالايشتغل واذا كنت مخليه اسبوعين او اكثر رجلي اتخدر على ما يشتغل المهم السبب هو :
* طول المسافة من التانكي الى الكبريتر
* هوزات التوصيل ناشفة ما فيها ريحة البانزين بالمرة
* ضعف طرمبة البانزين الميكانيكية ( لان العندي موكهربا )
* تحتاج تصفية ( شمعات الاحتراق , كيبلات توصيل الكهربا , فحمة الديلكو , فلتر هواء , طقم اصلاح كبريتر )
هذي اللي عليك اتسويه اذا حالتك مثل حالتي
وسلامتك وتعيش

افحص القطعه مال ريس الصباح اذا ما تشتغل بدلها


على فكره ايش السياره

شوف حبيبي اذا بغيت تشغل السيارة في اوقات الصباح الباكر فان البنزين يكون بعيد عن مصدر الاحتراق فلذالك اذا بغيت تشغل السيارة ادعس دواسة البنزين الى النصف وفكه وبعد ذلك شغل السيارة وتشتغل على طول انشاء الله .

أعتقد الأخ traveller كفى ووفى


وعموما صعوبة تشغيل المحرك في الصباح البارد يعود لأحد الأسباب التاليه :

1. البطارية ضعيفة.

2. عطل في دائرة الوقود.

3. البخاخات بها تهريب أو عطل.

4. الشاكوش مستهلك او به رواسب كربون