لوحة 444 للبيع ( عاجل جداً لأول سومه زينه )

ههههههههههههه العفو اخوي

شكراً سلطان على الفكره

اليماني هالحين في اليمن راح يعيد مع اهله هناك . وعلى وشك عودته هالأيام .

وأنا عندي سياره مرسيدس أفنجارد موديل 98 لوحتها تفشل . راح أنقلها عليها

حروفها ( ك س س ـ 496 ) والله ان الحروف حلوه بالحيل بس ما ودك تشوفها الا في غرفة النوم .


شكرً على الإقتراح اللي راح أنفذه .

اخوي احمد اذا السالفه على النقل سجل السياره حقت المشتري باسم راعي اللوحه الاساسي وتنقلها وانت واقف بعدين تنقل ملكيه سيارة الشاري مره ثانيه له وانحلت المسأله وسلامتكم

الاخ احمد مطر .. والله ما قدرت انقلها .. لان يبغالها مراجعات في الخارجية والمرور وروحات وجيات .. ولكن الله يرزقه ..

الاخ لكزس انا اشتري لوحتك ب 1000 ريال ..اذا لك خاطر كلمني على الخاص

مرحبا لكسزس

الله يحييك

مشكلة اللوحه انه رفض المرور تنازل صاحبها لأنها ليست على سياره . ولكن لها حل إن شاء الله والأخ سليمان 45 يبدو انه ماشي في موضوع شراءها من صاحبها ب 1000 ريال .

ولوحتك أفض في الحروف وأن شاء الله تجيب لك سعر أفضل .

بالتوفيق .

شباب شدني الموضوع لسبب واحد بس
عندي لوحة بنفس الرقم 444 بس احلى
وهي
ل م ل 444
علومني وش فى خاطركم
ولاتزعل اخوي انا موب منافس بس حبيت اشوف كم تجيب:)

هع الله يوفقكم جميع

وش صار في اللوحه ياشباب :)

اخبر لي واحد ابي امره يوم السبت في المرور ..

وشكرا على اهتمامك بالموضوع.. وتجاوبك ..

بالله يا شباب خدمه الله يخلييييكم
صح عشان اشتري لوح اروح واتمرمط في المرور 3 اسابيع ولا 3 شهور
ولا كييييف؟
كم الوقت؟
بعدين ابغا اخذ لوحة من ونيت لون اللوحه ازرق تركب عندي وانا سيارتي خصوصي؟
طبعاً بيسير لون اللوحه ابيض امااا اركب في سيارتي لوحه زرقااا حرام وربي
وكم تكاليف النقل
يعني لازم واسطه ولا محلوله ومسهله
بالله ردوو علي
عشان جاري عنده ونيت لوحته د ط د 999
تستهال اتعب نفسي ولا لا؟
رجاء ردوو علي مع العلم انه لو كان فيها مشاغل كثير ماني مشتريها
اما بالنسبه لكم لوحتكم الله يوفقكم بالبركه انشاء الله

اخوي كلم خويك يفكر بـ 600 والنقل علي بس سلمني اللوحات والاوراق اذا ماشراه اخوي suliman45

غريبه . لا زم من الواسطه يعني ؟

خليك معاه لا تهمله ، ان غفلت أخذها المرور وباعها لحقين البيمدبليوات .

تفاقد أصحابك وأقاربك كود تلقى واسطه تمشي أمورك .

وفقك الله .

اخوي احمد ..


المرور رفض ينقلها لي ... بسبب انها ماهي راكبة على سيارة ..

اذا عندك حل .. ما نستغني ...

بيض الله وجهك ..


تكفي اخلاقك الطيبة ...

عموما انا منسق وجاهز مع الرجال .. والله يكتب اللي فيه خير .

مرحبا أخوي سليمان . صدقني ما عندي فكره

ولا أعرف كيف نظامها ولكن أتصل عليهم وأسأل ورد علي أذا نت ما زلت تريد الشراء . واللي أعرفه ان رسوم اللوحات الجديده 400 ريال .

ما نبي لك الخساره . ما نبيك الا تكسب .

بالتوفيق .

اخوي احمد .. مساء الخير :

المرور .. كم ياخذ مني ؟؟ يا ليت اعرف اذا عندك فكرة ..

وانا اشتريت .. على بركة الله ,,,

خلاص رسى المزاد على أخونا suliman45 ب 1100 ريال صافي في يد البائع .

ألف ومية مبروك أخوي suliman45 عليك اللوحات الجديده أم 444 ص ك ب

اللوحات مثل ما قلت سابقاً منزله ومعها دفتر تربتك وصورة من سجلها في اليمن ، أتوقع والله أعلم تروح أنت وصاحبها للمرور ويعمل لك تنازل . وتسجلها لسيارتك . وسمع الله لمن حمده .

اللوحات معي في شنطة الكرسيدا راح أراسلك على الخاص وأعطيك رقم جوال راعيها وكلمه وأتفق أنت وأياه على الموعد المناسب .

بالتوفيق ... خلاص لا حد يزيد والا ينقص . بعنا . :cool: