حياك الله عزيزي ( عبد الله ) و لك فتره قاطع عننا !
موضوعك طيب و إن شاء الله تلقى تفاعل من الشباب .
أما عن نفسي فسقت سيارات شبه كثيره ، منها :
( تويوتا إيكو 2000 ، تويوتا كراون ، تويوتا كرولا 2001 و 2002 ، تويوتا بريفيا 2001 و 2004 ، تويوتا برادو 2003 ، تويوتا لاندكروزر VX-R 2003 ، لكزس GS300 الموديل القديم ، تويوتا كامري 2001 )
و لكن بالنسبه للسياره اللي أملكها هي ( كرولا 2002 )
أعطيك بعض مميزات هذي السياره :
أولا ً أنا من محبي هذي السياره و عشاقها و لكن على حسب لونها ، و اللون اللي عندي علومه ضايعه [ أخضر ] !!
الكرولا ، تخدمك في أي وقت و أي مكان و حلاوتها صغيره ( تخشخش ) بين السيارات هههههه ، اذا تبغاها في خط تخدمك و اذا تبغاها في تعديل تعطيك و اذا تبغاها في زفة عروس ما ظنتي !!!!
أما عن شكلها فهو جذاب و رايق عدا اللون الأخضر طبعا ً ، تصميمها حلو و ما تصرف بنزين و أنا عندي قير أتوماتيك و مرتاح فيه و الحمد لله .
ألحين بأعطيك عيوبها :
تحذف اذا دعست فوق الــ120 أو اذا مرت سياره كبيره من جنبك !!
نادرا ً أشوف كرولا بدون دقات فأكيد ان البودي حقها ضعيف .
اللون الأخضر !!!؟
و يمكن فيه عيوب أكثر و لكن هذا اللي أعاني منه .. !
بالنسبه للسيارات الباقيه فلي عوده على موضوعك بإذن الله أخي الكريم .
تحياتي و أشواقي لك
